Eksoda 22:14 - BIBELE Mahungu Lamanene

¹⁴ “Loko munhu a lomba xifuwo eka nakulobye, kutani xifuwo lexi xi vavisiwa kumbe xi fa, n'wini wa xona a nga ri kona, loyi a lombeke xona ú fanele ku riha.

Xitsonga (Bibele)

¹⁴ “Loko munhu a lombile xifuwo eka warikwavo, kutani xi tshuka xi tshoveka xiro, kumbe xi fa, n'wini wa xona a nga ri kona, u ta riha.

Eksoda 22:14 Referans Kwoze

Duteronoma 15:2

Maendlele ya kona hi lawa: Un'wana ni un'wana loyi a lombeke Muisraele wa ka vona xanchumu, a nga ha n'wi londzi, naswona a nga ha n'wi sindzisi ku xi tlherisa, hikuva HOSI Xikwembu hi xona xi nga ta va xi vurile leswaku lembe ra kona i ra ku tshika ku londzana swikweleti.

Levhitika 24:18

“Loyi a dlayaka xifuwo xa un'wana munhu, ú fanele ku humesa xifuwo xo siva lexi feke; vutomi byi rihiwa hi vutomi.

Eksoda 21:34

n'wini wa khele leri ú fanele ku riha xifuwo lexi feke; ú ta nyika n'wini wa xona emali, kambe xona xi ta va xa yena.

Luka 6:35

Kambe n'wina, rhandzani valala va n'wina, mi endlela vanhu leswinene; lombani mi nga languteli ku tlheriseriwa, kutani hakelo ya n'wina yi ta va leyikulu; mi ta va vana va Loyi-a-nge-henhla-henhla, hikuva yena ú ni tintswalo eka lava nga tiviki ku nkhensa ni ka lavo biha.

Eksoda 22:11

mhaka ya vona yi ta tsemiwa hi ku hlambanya emahlweni ka mina HOSI Xikwembu, ku tiyisa leswaku loyi a a fuyisiwile xifuwo a nga xi khumbanga, kutani n'wini wa xifuwo ú ta pfumela, a nga ka a nga rihisi mufuyisiwa.

Matewu 5:42

Nyika la kombelaka eka wena, u nga fularheli loyi a navelaka ku lomba xa nchumu eka wena.

Pisalema 37:21

Munhu wo homboloka ú tsakela ku lomba swa van'wana, kambe a nga swi tlherisi; kasi lowo lulama ú twela vanhu vusiwana, wa hanana.

Nehemiya 5:4

Van'wana a va ku: “Hi lombisile masimu ya hina ya mavele ni ya vhinya leswaku hi ta kuma mali yo hakela mithelo ya hosi.

Eksoda 22:13

Loko xifuwo xi handzuleriwile hi swiharhi swa nhova, loyi a a fuyisiwile a a xi tise xi ta voniwa leswaku xi handzuleriwile, kutani a nga ka a nga rihisiwi.

Eksoda 22:15

Kambe loko n'wini wa xona a ri kona loko swi humelela, loyi a lombeke a nga fanelanga ku riha. Loko xifuwo a xi lombiwile hi mali, mali ya kona hi yona yi rihaka.