Eksoda 21:36 - BIBELE Mahungu Lamanene

³⁶ Kambe loko swi tiveka leswaku homu leyi a yi tolovele ku tlhavetela tin'wana, kutani n'wini wa yona a nga yi pfaleli etshangeni, ú fanele ku riha homu hi ku humesa yin'wana, yena a teka leyi yi nga fa.

Xitsonga (Bibele)

³⁶ Kambe loko homu leyi, yi tiviwa leswaku yi tolovele ku tlhava ni khale kutani n'wini wa yona a nga yi languteri, u ta riha homu hi homu, kambe leyi nga fa yi ta va ya yena.”

Eksoda 21:36 Referans Kwoze

Eksoda 21:29

Kambe homu leyi tshameke yi tlhava vanhu, kutani n'wini wa yona a tsundzuxiwa kambe a nga yi pfaleli etshangeni, loko yi dlaya wanuna kumbe wansati, yi fanele ku khandliwa hi maribye yi fa, n'wini wa yona na yena ú faneriwile hi rifu.

Eksoda 21:35

“Loko homu ya munhu un'wana yi tlhava ya un'wana yi yi dlaya, vinyi va tona va ta xavisa homu leyi hanyaka kutani va avelana mali ya kona; hambi yi ri homu leyi nga fa, va fanele ku avanyiselana.

Eksoda 22:1

“Loko munhu a yiva homu kumbe nyimpfu, kutani a yi dlaya kumbe a yi xavisa, homu ya kona ú ta yi riha hi ntlhanu wa tihomu, kasi nyimpfu yona ú ta yi riha hi mune wa tinyimpfu.

Levhitika 24:18

“Loyi a dlayaka xifuwo xa un'wana munhu, ú fanele ku humesa xifuwo xo siva lexi feke; vutomi byi rihiwa hi vutomi.