Eksoda 21:33 - BIBELE Mahungu Lamanene

³³ “Loko munhu a tshika khele ri nga funengetiwanga, kumbe loko a cela khele a nga ri funengeti, kutani ku wela homu kumbe mbhongolo endzeni ka rona,

Xitsonga (Bibele)

³³ “Loko munhu a cerile rindzi kumbe khele, kutani a nga ri seleteri kutani homu kumbe mbhongolo yi wela kona,

Eksoda 21:33 Referans Kwoze

Yeremiya 18:22

Va tisele swigevenga swi hatla swi va hlasela, va sala va ba nkalanga emitini ya vona! Vanhu lava va cerile khele leswaku ndzi wela eka rona, va rhiyile ntlhamu wo ndzi phasa ha wona.

Yeremiya 18:20

Leswinene a swi hakeriwi hi leswo biha! Kambe mina va ndzi celela sirha; anakanya hilaha ndzi yimeke hakona emahlweni ka wena, ndzi ri karhi ndzi va khongelela, leswaku u rheleta vukari bya wena, u nga ha va bi.

Eklesiasta 10:8

La celaka khele, ú ta hojomela eka rona, nyoka yi ta luma la boxaka khumbi.

Swivuriso 28:10

Munhu loyi a kucetelaka lavo lulama ku endla leswo biha, ú tivangela khombo. Vanhu lava nga riki na xisandzu, vona va ta dya ndzhaka ya leswinene.

Pisalema 119:85

Vasandzi lava va cela khele emahlweni ka mina; a va na mhaka ni nawu wa wena.

Pisalema 9:15

Vamatiko va hojomerile ekheleni leri va ri celeke; ntlhamu lowu a va wu rhiyile, wu tlhele wu phasa milenge ya vona.

Eksoda 21:32

Loko homu yi tlhava hlonga ra xinuna kumbe ra xisati, n'wini wa yona ú ta nyika n'wini wa hlonga mali ya tisilivhere ta 30, homu yona yi khandliwa hi maribye yi fa.

Eksoda 21:34

n'wini wa khele leri ú fanele ku riha xifuwo lexi feke; ú ta nyika n'wini wa xona emali, kambe xona xi ta va xa yena.

Levhitika 24:18

“Loyi a dlayaka xifuwo xa un'wana munhu, ú fanele ku humesa xifuwo xo siva lexi feke; vutomi byi rihiwa hi vutomi.