Eksoda 21:26 - BIBELE Mahungu Lamanene

²⁶ “Loko munhu a ba hlonga ra yena ra xinuna kumbe ra xisati a ri dlaya tihlo, ú fanele ku ntshunxa hlonga leri ri tifambela, hi mhaka ya tihlo leri.

Xitsonga (Bibele)

²⁶ “Loko munhu a be tihlo ra nandza wa yena wa wanuna, kumbe wa wansati, a ri lamata, u ta n'wi tshunxa a tifambela hikwalaho ka tihlo ra yena.

Eksoda 21:26 Referans Kwoze

Vakolosa 4:1

Vini, hanyani ni mahlonga ya n'wina hi ndlela ya ku lulama, hi fanelo, mi ri karhi mi tiva leswaku na n'wina mi ni n'wini ematilweni.

Vaefesa 6:9

Na n'wina vini, endlisani sweswo eka mahlonga ya n'wina: Tshikani ku va holovela-holovela, mi ri karhi mi tiva leswaku n'wina ni mahlonga ya n'wina mi ni n'wini un'we ematilweni, ni leswaku a nga yi hi nghohe.

Pisalema 10:18

u yima ni lava pfumalaka vatswari, u lwela ni lava xanisiwaka, leswaku vanhu va misava leyi, va nga ha engeti va va karhata.

Pisalema 10:14

Kasi wena wa swi vona; ina, maxangu ni mahlomulo wa ma vona, u tiyimisele ku lwela swisiwana. Hikokwalaho, lava tsaneke va tinyiketa eka wena, lava pfumalaka vatswari, va kuma ku pfuneka eka wena.

Pisalema 9:12

Xikwembu a xi rivali vapfumari, ku rila ka vona xa ku twa, xi rihiseta lava va va dlayaka.

Nehemiya 5:5

Hina ni vamakwerhu, ha fana, hambi va ri vana va hina va fana ni vana va vona, kambe lava ka hina vana va xinuna ni va xisati hi boheka ku va endla mahlonga; sweswi van'wana va vana va hina va xisati va le vuhlongeni; a ku na nchumu lexi hi nga xi endlaka emhakeni leyi, hikuva masimu ya hina ya mavele ni ya vhinya ma le mavokweni ya van'wana.”

Duteronoma 16:19

Mi nga tshuki mi avanyisa timhaka hi ndlela leyi nga riki yona, naswona mi nga tshuki mi ya hi nghohe kumbe mi pfumela ku xaviwa, hikuva sweswo swi dlaya mahlo ya lavo tlhariha, kutani va gombonyokisa timhaka ta lava lulameke.

Eksoda 21:20

“Loko munhu a ba hlonga ra yena ra xinuna kumbe ra xisati hi nhonga, kutani hlonga ri fela kwalaho, munhu loyi ú fanele ku riha.

Eksoda 21:25

ku tshwa hi ku tshwa, mbanga hi mbanga, felangati hi felangati.

Eksoda 21:27

Loko a ba hlonga ra yena ra xinuna kumbe ra xisati a ri gula tino, ú fanele ku ri ntshunxa ri tifambela, hi mhaka ya tino leri.

Eksoda 21:24

tihlo hi tihlo, tino hi tino, voko hi voko, nenge hi nenge,