Eksoda 20:9 - BIBELE Mahungu Lamanene

⁹ U na masiku ya 6 lawa u faneleke ku tirha mintirho ya wena hinkwayo.

Xitsonga (Bibele)

⁹ U ta tirha hi masiku ya ntlhanu na rin'we, u tirha ntirho wa wena hinkwawo;

Eksoda 20:9 Referans Kwoze

Luka 13:14

Kambe mufambisi wa sinagoga a hlundzuka hileswi Yesu a hanyiseke munhu hi siku ra Savata, kutani a tlakusa rito, a ku ka ntshungu: “Ku ni masiku ya 6 lawa mintirho yi fanelaka ku tirhiwa ha wona; tanani hi masiku walawo ku ta hanyisiwa, ku nga ri hi siku ra Savata.”

Eksoda 34:21

“Mi ni masiku ya 6 lawa mi faneleke ku tirha ha wona, kambe hi siku ra vu-7 mi ta wisa, hambiloko wu ri nkarhi wa xirimo, kumbe nkarhi wa ntshovelo.

Eksoda 23:12

“Mi ni masiku ya 6 lawa mi faneleke ku endla mintirho ya n'wina hinkwayo ha wona; kambe hi siku ra vu-7, mi wisa; tihomu ta n'wina ni timbhongolo ta n'wina ti ta wisa na tona; hambi va ri vana va mahlonga ya n'wina ya xisati, ni valuveri, va ta kuma ku hefemula na vona.

Levhitika 23:3

Mi ni masiku ya 6 lawa mi faneleke ku endla mintirho ya n'wina hinkwayo ha wona, kambe siku ra vu-7 i siku ro wisa ra Savata, leri mi faneleke ku hlengeletana ha rona mi ndzi gandzela. Hi siku leri, hinkwako lomu mi tshamaka kona, mi nga tshuki mi tirha ntirho ni wun'we; siku ra Savata ri hlawuleriwile mina HOSI.

Eksoda 35:2

Ku ta tirhiwa hi masiku ya 6, kambe eka n'wina, siku ra vu-7 ri ta va leri hlawulekeke ra ku wisa, siku ra Savata leri hlawuleriweke HOSI Xikwembu; un'wana ni un'wana loyi a nga ta tirha hi siku leri, ú faneriwile hi ku fa.

Eksoda 16:26

Mi fanele ku hlengeleta swakudya leswi hi masiku ya 6; hi siku ra vu-7, ri nga siku ra Savata, a swi nga vi kona.”

Eksoda 31:15

Ku ta tirhiwa hi masiku ya 6, kambe siku ra vu-7 i siku ra ku wisa ra Savata, leri hlawuleriweke HOSI Xikwembu; un'wana ni un'wana loyi a nga ta tirha hi siku leri ra Savata, ú ta dlayiwa.

Eksoda 35:3

Hambi wu ri ndzilo, mi nga tshuki mi wu tshivela emitini ya n'wina, hi siku leri ra Savata.”

Duteronoma 5:13

U na masiku ya 6 lawa u faneleke ku tirha mintirho ya wena hinkwayo.

Ezekiele 46:1

HOSI N'wini wa hinkwaswo ú vurisa sweswo ú ri: “Nyangwa ya xivava xa le ndzeni ka Tempele hi tlhelo ra le vuxeni yi ta tshama yi pfariwile masiku hinkwawo ya vhiki; yi ta pfuriwa ntsena hi siku ra Savata, kumbe hi siku ra ku tshama ka n'weti.