Eksoda 20:7 - BIBELE Mahungu Lamanene

⁷ “U nga tshuki u tlanga hi vito ra mina, hikuva mina HOSI Xikwembu xa wena ndzi nga ka ndzi nga tshiki ku ba loyi a tlangaka hi vito ra mina.

Xitsonga (Bibele)

⁷ “U nga tshuki u tlanga hi vito ra Yehovha Xikwembu xa wena, hikuva Yehovha a nga ka a nga tshiki nandzu wa la tlangaka hi vito ra yena.

Eksoda 20:7 Referans Kwoze

Duteronoma 5:11

“ ‘U nga tshuki u tlanga hi vito ra mina, hikuva mina HOSI Xikwembu xa wena, ndzi nga ka ndzi nga tshiki ku ba loyi a tlangaka hi vito ra mina.

Levhitika 19:12

Mi nga tiyisi mavunwa hi ku hlambanya hi vito ra mina Xikwembu xa n'wina, hikuva sweswo i ku tlanga hi vito leri: Hi mina HOSI.

Yakobo 5:12

Kambe, ehenhla ka swona hinkwaswo, vamakwerhu, mi nga hlambanyi, hambi hi tilo, kumbe hi misava, kumbe hi hlambanyele rin'wana ni rin'wana. Kambe loko mi ku: “Ina”, a swi ve “Ina”, ni loko mi ku: “E-e”, a swi ve “E-e”, leswaku mi nga weli eku avanyisiweni.

Yeremiya 4:2

Loko u hlambanya hi ntiyiso ni ku lulama u nga hembi, kutani u ku: ‘HOSI Xikwembu xi kona!’ na vona vamatiko va ta kombela leswaku ndzi va katekisa kutani va ta titsakela eka mina.”

Yoxuwa 9:20

Leswi hi faneleke ku swi endla eka vona, i ku va tshika va hanya, hikuva loko hi nga endli tano, hi ta va hi tivitanela vukari hikwalaho ka leswi hi tiboheke eka vona hi ku hlambanya.”

Yoxuwa 2:17

Vavanuna va ku ka yena: “Hi nga ka hi nga vi na nandzu eka leswi u hi kombeleke ku ku tshembisa swona hi ku hlambanya.

Yoxuwa 2:12

Kutani sweswi ndzi tshembiseni hi ku hlambanya emahlweni ka HOSI Xikwembu leswaku leswi ndzi mi khomeke hi tintswalo, na n'wina mi ta komba tintswalo eka ndyangu wa ka hina; ndzi nyikeni ni xikombiso lexi khorwisaka.

Swivuriso 30:9

hikuva loko ndzi xurha ngopfu, ndzi nga tshuka ndzi ku landzula, ndzi ku: “HOSI Xikwembu xa kona, i mani ke?” Kumbe loko ndzi wela evusiwaneni, ndzi sungula ku yiva, kutani ndzi onha vito ra wena, we Xikwembu xanga.

Duteronoma 10:20

Mi fanele ku chava HOSI Xikwembu xa n'wina, mi xi tirhela, mi namarhela xona, mi hlambanya hi vito ra xona.

2 Vakorinto 1:23

Ndzi vitana Xikwembu ku va mbhoni ya mina hikuva xi tiva mbilu ya mina: A ku ri ku mi tsetselela, loko ndzi nga engetanga ndzi ta eKorinto.

1 TIHOSI 2:9

Kambe sweswi n'wi vone nandzu, hikuva u munhu wo tlhariha wena, u ta tiva leswi u faneleke ku n'wi khomisa swona; kutani u ta lahla xidyuhari lexi xo basa nhloko exivandleni xa vafi, hi ku halata ngati ya xona.”

Duteronoma 6:13

Chavani HOSI Xikwembu xa n'wina, mi tirhela xona ntsena, mi hlambanva hi vito ra xona.

2 TIHOSI 5:20

Gehazi nandza wa Elixa munhu wa Xikwembu a ehleketa a ku: “Maswivo, n'wini wanga ú vevukisele ngopfu Musiriya loyi Naamani etimhaka, loko a arile ku amukela leswi a nga ta na swona. Ndza tiyisa emahlweni ka HOSI Xikwembu lexi hanyaka, ndzi ri: Ndza ha tsutsuma ndzi n'wi landza, ndzi ya kuma swin'wana eka yena.”

Pisalema 139:20

We HOSI vanhu lava va le ku ku lumbeteni, va hlambanya hi mavunwa, hikuva i valala va wena.

Yeremiya 34:16

Kambe sweswi mi nyamisile vito leri, hikuva vanhu va xinuna ni va xisati lava a mi va ntshunxile leswaku va tifambela, mi tlhele mi va sindzisa ku va mahlonga ya n'wina.

Ezekiele 39:7

“Ndzi ta twarisa vito ra mina lero hlawuleka, ri tiveka exikarhi ka Vaisraele vanhu va mina. A ndzi nga ha pfumeli leswaku va tlhela va ri nyamisa; kutani vamatiko va ta tiva leswaku HOSI Xikwembu Muhlawuleki wa Israele, hi mina!

Genesa 27:20

Isaka a ku: “Xana swi endlise ku yini leswaku u hatla u dlaya xiharhi xana?” Yena a hlamula a ku: “HOSI Xikwembu xa wena hi xona xi endleke leswaku ndzi hatla ndzi humelela.”

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”