Eksoda 20:5 - BIBELE Mahungu Lamanene

⁵ u nga tshuki u swi nkhinsamela, kumbe ku swi tirhela, hikuva mina HOSI Xikwembu xa wena, ndzi Xikwembu xa rilaveta: Ndzi ba lava va ndzi vengaka kun'we ni vana va vona, ku fika eka rixaka ra vona ra vunharhu ni ra vumune.

Xitsonga (Bibele)

⁵ u nga tshuki u swi khinsamela, ni loko ku ri ku swi tirhela; hikuva hi mina Yehovha, Xikwembu xa wena, xa rilaveta, lexi baka vana hikwalaho ka ku homboloka ka vatswari va vona, ku yisa erixakeni ra vunharhu ni ra vumune eka lava ndzi vengaka;

Eksoda 20:5 Referans Kwoze

Tinhlayo 14:18

‘Mina HOSI, ndzi hlwela ku kariha, ndzi tele tintswalo leto tshembeka, ndzi rivalela milandzu ni ku tiarisa, kambe a ndzi tshiki ku ba lava dyoheke, ndzi ba ni vana va vona ku fika eka rixaka ra vona ra vunharhu ni ra vumune.’

Duteronoma 5:9

U nga tshuki u swi nkhinsamela kumbe ku swi tirhela, hikuva mina HOSI Xikwembu xa wena, ndzi Xikwembu xa rilaveta: Ndzi ba lava va ndzi vengaka kun'we ni vana va vona, ku fika eka rixaka ra vona ra vunharhu ni ra vumune;

Duteronoma 4:24

hikuva HOSI Xikwembu xa n'wina i ndzilo lowu herisaka; xi lava ku gandzeriwa xi ri xoxe ntsena.

Eksoda 34:14

“Mi nga tshuki mi nkhinsamela swikwembu swin'wana, hikuva mina HOSI, vito ra mina hi mina Xikwembu-xa-rilaveta, ndzi Xikwembu lexi lavaka ku gandzeriwa xi ri xoxe ntsena.

Yoxuwa 24:19

Kambe Yoxuwa a ku ka Vaisraele: “Mi nge swi koti ku tirhela HOSI Xikwembu, hikuva i Xikwembu xo hlawukeka, lexi xi lavaka ku tirheriwa xi ri xoxe; xi nga ka xi nga mi rivaleri milandzu ni swidyoho swa n'wina.

Pisalema 109:14

HOSI Xikwembu a xi tsundzuxiwe vubihi bya vatata wa yena, mana wa yena a nga tshuki a rivaleriwa swidyoho swa yena.

Yoxuwa 23:7

kutani mi nga ka mi nga hlangani-hlangani ni vamatiko lava va ha saleke exikarhi ka n'wina, kumbe ku vulavula hi swikwembu swa vona, kumbe ku hlambanya ha swona, kumbe ku swi gandzela, ni ku swi nkhinsamela mi nga ka mi nga swi nkhinsameli.

Duteronoma 6:15

hikuva HOSI Xikwembu xa n'wina, xona lexi tshamaka exikarhi ka n'wina, xi lava ku gandzeriwa xi ri xoxe ntsena; loko mi nga endli tano, xi ta mi hlundzukela, xi mi herisa emisaveni hi vukari bya xona.

Nahume 1:2

HOSI i Xikwembu xa rilondzo, lexi rihisetaka. HOSI ya rihiseta, ya kariha; HOSI yi tirihisela eka valala va yona, yi karihela lava va yi vengaka.

Yeremiya 32:18

Vanhu va madzana-dzana, u va komba rirhandzu ra wena lero tshembeka, kambe a wu tshiki ku ba vana hikwalaho ka milandzu ya vatata wa vona. Wena Xikwembu lexi nga ni ntamu lowukulu, vito ra wena u HOSI ya matimba hinkwawo;

Tinhlayo 14:33

Vana va n'wina va ta va varisi kwala mananga ku ringana malembe ya 40; hikwalaho ka ku tiarisa ka n'wina, va ta xaniseka, mi kondza mi hela hinkwenu kwala mananga.

Pisalema 79:8

We HOSI, u nga hi beli swidyoho swa vatata wa hina, hatlisa u ta, u ta hi twela vusiwana hikuva hi tsongahatiwile ngopfu.

Eksoda 23:24

Hikokwalaho, mi nga tshuki mi nkhinsamela swikwembu swa vona, kumbe ku swi humesela magandzelo, naswona mi nga tshuki mi landza mikhuva ya vona, kambe herisani swikwembu swa kona, mi fayetela ni maribye ya vukhongeri bya vona bya hava.

Yakobo 4:4

Vanhu ndzin'wina lava nga tshembekiki, xana a mi swi tivi leswaku ku rhandza swa misava swi vula ku lwa na Xikwembu xana? Hikokwalaho, loyi a tinyiketaka eku rhandzeni ka swa misava, ú tiendla nala wa Xikwembu.

Varhoma 8:7

Hikokwalaho, mianakanyo leyi fumiwaka hi ntumbuluko wa laha misaveni yi lwa ni Xikwembu, hikuva a yi yingisi Nawu wa Xikwembu; naswona yi nga ka yi nga swi koti.

Varhoma 1:30

ni valumbeti; i vavengi va Xikwembu, va mona lava titivaka ni lava tidzunisaka; i vanhu lava sungulaka tindlela leto biha letintshwa, lava nga yingisiki vatswari va vona;

Yeremiya 2:9

Hikokwalaho ndza ha lava ku tengisana na n'wina, na vona vatukulu va n'wina ndzi ta tengisana na vona. Ndzi vula sweswo mina HOSI!

Esaya 44:19

Exikarhi ka vona a ku na un'we wo kota ku ehleketa, loyi a nga ni vutivi kumbe ku twisisa, loyi a nga vulaka a ku: “Hafu ya mhandze leyi, ndzi tshiverile ndzilo ha yona, ndzi sweka swakudya ni ku oxa nyama emakaleni ya kona, ndzi dya; xana ndzi nga teka hafu leyi saleke, ndzi endla ha yona xilo xa manyala, ndzi tlhela ndzi xi nkhinsamela, xana?”

Esaya 44:15

Kutani swi hundzuka tihunyi leti munhu a nga ti tirhisaka. Ú teka xiphemu xin'wana xa mhandze a tshivela ndzilo, a orha ni ku sweka swakudya ha wona; xiphemu lexin'wana, a vatla ha xona xifaniso xa xikwembu, a xi nkhinsamela a xi khongela.

Pisalema 81:15

Lava va ndzi vengaka mina HOSI, a va ta nkhinsama emahlweni ka n'wina Vaisraele, va endlisa sweswo minkarhi hinkwayo.

Ntirho 5:4

Vana va xona a va hlayisekanga, loko va tengisiwa ehubyeni, a va sirheleriwi hi munhu.

2 TIHOSI 23:26

Hambiswiritano, HOSI Xikwembu a xi tlhelanga evukarini bya xona lebyo chavisa ehenhla ka Yuda, hikwalaho ka hinkwaswo leswi Manase a xi hlundzukiseke ha swona,

2 TIHOSI 17:35

Kasi HOSI Xikwembu a xi endlile ntwanano na vona, xi va lerisa xi ku: “Mi nga tshuki mi khongela swikwembu swimbe, kumbe ku swi nkhinsamela, kumbe ku swi tirhela, kumbe ku swi humesela magandzelo;

1 TIHOSI 21:29

Leswi a titsongahateke hi mukhuva lowu emahlweni ka mina, a ndzi nga ha vangi makhombo emasikwini ya ku hanya ka yena; kambe emasikwini ya n'wana wa yena, hi kona ndzi nga ta vanga makhombo endyangwini wa yena.”

2 SAMIELE 21:6

Hi kombela ku nyiketiwa vana va yena va xinuna va 7, hi ta va hayeka emahlweni ka HOSI Xikwembu le Gibeya, emutini wa Sawulo muhlawuriwa wa HOSI Xikwembu.” Kutani hosi Davhida a hlamula a ku: “Hiswona, ndzi ta mi nyiketa vona.”

2 SAMIELE 21:1

Enkarhini wa ku fuma ka Davhida, ku vile ni ndlala malembe mankarhu hi ku landzelelana. Davhida a ya vutisa xivangelo eka HOSI Xikwembu, kutani xi hlamula xi ku: “I nandzu wa Sawulo ni ndyangu wa yena, hikuva ú halatile ngati hi ku dlaya vaaki va le Gibiyoni.”

Duteronoma 32:21

Va pfuxile rilaveta ra mina hi ku landzelela swikwembu swin'wana, va ndzi hlundzukisa hi swikwembu swa vona swa hava. Hikokwalaho na mina ndzi ta tihlawulela vanhu ntsena, ndzi pfuxa rilaveta ra vona, hikuva ndzi ta hlawula swiphukuphuku ku va vanhu va mina.

Duteronoma 7:10

Kambe lava va xi vengaka, xi ta va ba xi va herisa. Loyi a vengaka HOSI Xikwembu, xi nge n'wi tsetseleli xi n'wi tshika ntsena, kambe xi ta n'wi ba.

Levhitika 26:29

Mi ta pfumala swakudya mi kala mi dlaya vana va n'wina va xinuna ni va xisati mi dya nyama ya vona.

Levhitika 26:1

“Etikweni ra n'wina, mi nga tshuki mi tiendlela swikwembu swa hava, naswona mi nga tiyimiseli swifaniso swa swona, ni timhandze ta vugandzeri bya hava, kumbe ku sasekisa maribye mi gandzela wona. Hi mina HOSI, Xikwembu xa n'wina.

Levhitika 20:5

mina hi xiviri ndzi ta ba munhu yoloyi ndzi ba ni ndyangu wa yena, swin'we ni hinkwavo lava endlaka na yena vunghwavava hi ku tirhela Moloko; ndzi ta va hlongola va suka exikarhi ka va ka vona.

1 Vakorinto 10:22

Xana hi lava ku hlundzukisa Hosi ke? Xana ha yi tlula hi matimba ke?

Yohane 15:18

“Loko misava yi mi venga, tivani leswaku yi rhangile yi venga mina, yi nga si mi venga.

Yohane 7:7

Misava yi nga ka yi nga mi vengi, kambe mina ya ndzi venga, hikuva ndzi tiyisa vumbhoni bya leswaku mintirho ya yona yi bihile.

Matewu 4:9

kutani a ku ka yena: “Swilo leswi hinkwaswo ndzi ta ku nyika swona loko u ndzi nkhinsamela, u ndzi gandzela.”

Daniele 1:2

Kutani HOSI Xikwembu xi nyiketa Yoyakimi hosi ya Yuda emavokweni ya Nebukadnetsara, xi nyiketa ni swibya swin'wana swa le Tempeleni emavokweni ya yena. Kutani Nebukadnetsara a ya na swona etikweni ra Xinara, a fika a swi nghenisa endlwini ya swikwembu swa yena, laha nhundzu ya swona yi hlayisiwaka kona.

Ezekiele 8:3

Kutani a tshambuluta xilo lexi fanaka ni voko, a ndzi khoma hi misisi; kutani exivonweni lexi HOSI Xikwembu xi ndzi kombeke xona, ndzi tikuma ndzi tlakuriwile hi Moya wa xona, ndzi hahiseriwa empfhukeni, ndzi ya vekiwa eYerusalema, kusuhi ni nyangwa ya le n'walungwini, hi le ndzeni ka yona. Kutani endhawini leyi, a ku ri ni xifaniso xa xikwembu xa hava, xi nga xilo lexi hlundzukisaka HOSI Xikwembu.

Swivuriso 8:36

kambe loyi a nga ndzi kumiki, wo tivavisa, hinkwavo lava va ndzi vengaka, vo lava rifu.”

Pisalema 78:58

Va hlundzukisile Xikwembu hi switsunga swa vona swa vukhongeri bya hava; va xi tlhave mbilu hi ku tivatlela swikwembu swa vona swa swifaniso.

Ntirho 21:19

N'wina mi ri, Xikwembu xi tshika lavo homboloka, xi ba vana va vona! Hikwalaho ka yini xi nga bi vona vinyi ke?

2 TIKRONIKA 25:14

Endzhaku ka loko Amasiya a hlurile Vaedomu, a muka a rhwele swikwembu swa va le Seyira, kutani a swi endla swikwembu swa yena, a swi nkhinsamela, a swi hisela mirhi ya risuna.

2 TIHOSI 17:41

Kutani vamatiko lava va khongerile HOSI Xikwembu swin'we ni ku tirhela swikwembu swa vona swa hava. Hambi va ri vana va vona ni vatukulu va vona, va endlise sweswo; ku fikela ni namuntlha, va ha endlisa sweswi vakokwa wa vona a va endla swona.

Vaavanyisi 2:19

Kambe loko muavanyisi wa vona a fa, Vaisraele a va tlhelela endzhaku, va hanya hi ndlela yo biha ku tlula ni ya vatata wa vona, va landzelela swikwembu swin'wana, va swi tirhela ni ku swi nkhinsamela. A va tshikanga mahanyelo ya vona ni ku tinonon'hwisa ka vona.

Yoxuwa 23:16

Loko mo tshova ntwanano wa HOSI Xikwembu xa n'wina lowu xi mi leriseke wona, mi ya tirhela swikwembu swin'wana mi swi nkhinsamela, vukari bya HOSI Xikwembu byi ta pfurha ehenhla ka n'wina, kutani mi ta hatla mi hela etikweni leri ro saseka leri HOSI Xikwembu xi mi nyikeke rona.”

Duteronoma 32:41

ndzi ta lota fumu ra mina, ri hatima, ndzi ta ri khoma siku ndzi avanyisaka, ndzi ta rihisela eka valala va mina, ndzi hakerisa lava va ndzi vengaka.

Yohane 9:2

Kutani vadyondzisiwa va yena va n'wi vutisa, va ku: “Mufundhisi, i xidyoho xa mani lexi endleke leswaku munhu loyi a velekiwa a nga voni: I xa yena kumbe i xa vatswari va yena xana?”

Duteronoma 5:10

kambe ndzi komba rirhandzu ra mina leri tshembekaka ku fika eka rixaka ra madzana-dzana ra lava va ndzi rhandzaka, lava hlayisaka milawu ya mina.

1 TIHOSI 19:10

Eliya a hlamula a ku: “We HOSI, Xikwembu xa matimba hinkwawo, ndzi lava ku tirhela wena ntsena, kambe Vaisraele vona va tshikile ntwanano exikarhi ka wena na vona, va hirimuxile tialitari ta wena, naswona va dlayeterile vaprofeta va wena. Ku lo sala mina ntsena, kutani na mina va lava ku ndzi dlaya.”

Ezekiele 18:19

“N'wina vanhu mi ri: ‘Hikwalaho ka yini n'wana loyi a nga beriwi mintirho leyo homboloka ya tata wa yena xana?’ Nhlamulo hileswaku n'wana loyi ú endlile leswi nga swona, swi nga leswi lulameke; ú hlayisile milawu ya mina hinkwayo, a hanya ha yona; hikokwalaho ú ta kuma ku hanya hakunene.

Ezekiele 20:7

Kutani ndzi va byerile ku hambana ni swikwembu swa hava swa Vaegipta, va tshika ku tshemba swilo leswi swa manyala, va nga tinyamisi ha swona, kambe va chava mina HOSI Xikwembu xa vona.

Ezekiele 39:25

“Kambe sweswi mina HOSI N'wini wa hinkwaswo ndzi ri, ndzi ta tlhela ndzi katekisa va ka Yakobo hinkwavo, ndzi komba tintswalo ta mina eka vona Vaisraele, ndzi endlela ku lwela vito ra mina lero hlawuleka.

Tinhlayo 25:11

“Ntukulu wa muprista Aroni, Finiyasi n'wana Eliyazara, ú ponisile Vaisraele evukarini bya mina, hikuva ú lavile leswaku ku gandzeriwa mina ntsena, hikokwalaho a ndzi va herisanga.

2 TIHOSI 5:18

Hambiswiritano, emhakeni leyi ya magandzelo, HOSI Xikwembu a xi ndzi rivalele, mina nandza wa wena; hikuva ku ni siku leri n'wini wa mina a nghenaka endlwini ya Rimoni ku ya nkhinsama kona, a tiseketerile evokweni ra mina; kutani ndzi boheka ku nkhinsama na yena, endlwini ya Rimoni; hikokwalaho, emhakeni leyi ya ku ya nkhinsama endlwini ya Rimoni, HOSI Xikwembu a xi ndzi rivalele, mina nandza wa wena.”

2 TIHOSI 5:27

Vona ke, nhlokonho ya Naamani yi ta ku namarhela wena ni vatukulu va wena hilaha ku nga heriki.” Kutani Gehazi a suka eka Elixa, a khomiwile hi nhlokonho, a hundzukile muvala a fana ni gamboko.

2 TIKRONIKA 7:19

“Kambe loko n'wina mi ndzi fularhela, ni loko mi nga hlayisi milawu ya mina ni swileriso leswi ndzi mi nyikeke swona, kambe mi suka mi ya tirhela ni ku khongela swikwembu swimbe,

Ezekiele 18:2

“Laha tikweni ra Israele, mi tolovele ku vula xivuriso lexi nge: “ ‘Vatata wa hina va dyile mihandzu leyo dzunga, kutani meno ya hina vana va vona ma dzedzemela.’ “Xana mi susumetiwa ha yini ku vula sweswo xana?

Daniele 3:18

Kambe hambiloko xi nga hi kutsuli, swi tive we hosi leswaku hina a hi nga gandzeli swikwembu swa wena, kumbe ku nkhinsamela xifaniso xa nsuku lexi u xi yimiseke.”