Eksoda 20:4 - BIBELE Mahungu Lamanene

⁴ “U nga tshuki u tivatlela xifaniso xa xikwembu, kumbe xifaniso xa swilo swihi ni swihi leswi nga henhla etilweni kumbe leswi nga hansi emisaveni, kumbe leswi nga matini ehansi ka misava;

Xitsonga (Bibele)

⁴ “U nga tshuki u tiendlela xifaniso lexi vatliweke, ni loko xi ri xifaniso xihi ni xihi xa swilo leswi nga ehenhla etilweni, ni loko xi ri xa swilo leswi nga ehansi emisaveni, ni loko xi ri xa swilo leswi nga ematini, ehansi ka misava;

Eksoda 20:4 Referans Kwoze

Levhitika 26:1

“Etikweni ra n'wina, mi nga tshuki mi tiendlela swikwembu swa hava, naswona mi nga tiyimiseli swifaniso swa swona, ni timhandze ta vugandzeri bya hava, kumbe ku sasekisa maribye mi gandzela wona. Hi mina HOSI, Xikwembu xa n'wina.

Duteronoma 5:8

“ ‘U nga tshuki u tivatlela xifaniso xa xikwembu, kumbe xifaniso xa swilo swihi na swihi leswi nga henhla etilweni, kumbe leswi nga hansi emisaveni, kumbe leswi nga matini ehansi ka misava.

Pisalema 97:7

Hinkwavo lava khongelaka swikwembu swa swifaniso, va ta khomiwa hi tingana, hikuva va tinyungubyisa hi leswi nga pfuniki nchumu. Swikwembu leswi hinkwaswo a swi nkhinsamele HOSI Xikwembu!

Levhitika 19:4

Mi nga tshuki mi gandzela swikwembu swa hava, naswona mi nga tshuki mi n'okisa swilo, mi tivumbela swifaniso swa swikwembu: Hi mina HOSI, Xikwembu xa n'wina.

Timhaka 17:29

Kutani leswi hi nga va rixaka ra Xikwembu, a hi fanelanga ku anakanya leswaku vukwembu byi nga fana ni swifaniso swa nsuku, kumbe swa silivhere, kumbe swa ribye, swi nga swilo leswi vatliwaka hi vutlhari bya vanhu ni miehleketo ya vona.

Duteronoma 27:15

“ ‘A a rhukaniwe, munhu loyi a tivatlelaka kumbe ku tivumbela xifaniso xa xikwembu a xi gandzela exihundleni, kasi i xilo lexi a xi endleke hi mavoko ya yena, lexi vengiwaka hi HOSI Xikwembu.’ Kutani Vaisraele hinkwavo va ta hlamula va ku: ‘Amen!’

Nhlavutelo 16:2

Ntsumi leyo rhanga yi ya chululela swa nkambana wa yona emisaveni. Kutani vanhu lava nga ni mfungho wa xivandzana, va nga lava gandzelaka xifaniso xa xona, va huma swilondza leswo nyenyetsa, swo vava.

Varhoma 1:23

kutani va tshikile ku kwetsima ka Xikwembu lexi nga fiki, va tiendlela swifaniso leswi nga ni xivumbeko xa munhu la faka, ni xa tinyanyana, ni xa swiharhi, ni xa swikokovi.

Esaya 45:16

Hinkwavo lava endlaka swifaniso swa swikwembu, va ta khomiwa hi tingana, va hlangana tinhloko; va ta famba swin'we hinkwavo, va pfilunganile miehleketo.

Esaya 42:8

Mina, ndzi HOSI Xikwembu, hi rona vito ra mina, ku hava xikwembu xin'wana lexi ndzi nga xi nyikaka ku dzuneka ka mina; swifaniso leswi vatliweke swa swikwembu, ndzi nge swi nyiki ku twala ka mina.

Ezekiele 8:10

Kutani ndzi nghena ndzi languta, ndzi kuma leswaku khumbi hinkwaro a ri tele hi swifaniso swa swikokovi ni swa swiharhi leswi nga tengangiki, ni swikwembu swa hava swa Vaisraele.

Nhlavutelo 9:20

Vanhu hinkwavo lava nga pona ku dlawa hi mintungu leyi, a va fularhelanga leswi endliweke hi mavoko ya vona: A va tshikanga ku gandzela mademona ni swikwembu swa hava swa nsuku ni swa silivhere ni swa koporo ni swa maribye ni swa mintsandza, leswi nga voniki, swi nga twiki, hambi ku ri ku famba swi nga fambiki.

Esaya 42:17

Lava tshembaka swifaniso leswi vatliweke, vona lava byelaka swifaniso leswi vumbiweke va ku: ‘Hi n'wina swikwembu swa hina’, va ta hlongoriwa, va tlhela va ri ni tingana letikulu.”

2 TIKRONIKA 33:7

Manase a endla xifaniso xa xikwembu xa hava, a xi yimisa eTempeleni; kasi Xikwembu a xi byerile Davhida na Solomoni n'wana wa yena xi ku: “ETempeleni leyi ni le mutini lowu wa Yerusalema, lowu ndzi wu hlawuleke exikarhi ka miti ya tinyimba hinkwato ta Israele, hi kona laha ndzi nga ta gandzeleriwa kona masiku hinkwawo.

1 TIHOSI 12:28

Loko hosi yi tianakanyile, yi vumba marhole mambirhi hi nsuku. Kutani yi ku ka vanhu va yona: “I khale mi ri karhi mi tlhandlukela eYerusalema ku ya gandzela kona. Hi leswi swikwembu swa wena we Israele, leswi swi ku humeseke etikweni ra Egipta!”

Eksoda 34:17

“Mi nga tshuki mi n'okisa swilo mi tiendlela swifaniso swa swikwembu.

Eksoda 32:1

Loko Vaisraele va vona leswaku Muxe wa hlwela ku rhelela a vuya hi le ntshaveni, va vitanana va ya hlengeletana eka Aroni, va ku ka yena: “Hatlisa u hi endlela xikwembu lexi nga ta hi rhangela emahlweni, hikuva a hi tivi leswaku Muxe wa kona loyi a nga hi susa etikweni ra Egipta, ú helele kwihi.”

Eksoda 32:23

Hi vona va nga te eka mina: ‘Hi endlele xikwembu lexi xi nga ta hi rhangela emahlweni, hikuva a hi tivi leswaku Muxe wa kona loyi a hi suseke etikweni ra Egipta, ú helele kwihi.’

Eksoda 32:8

Va hambukile hi ku hatlisa endleleni leyi ndzi nga va lerisa yona; va tivumberile xifaniso xa rhole, va xi nkhinsamela ni ku xi humesela magandzelo, va ku: ‘N'wina Vaisraele, hi lexi Xikwembu xa n'wina lexi xi mi humeseke etikweni ra Egipta.’ ”

Tinhlayo 12:8

Muxe ndzi hlamulana na yena hi nomo, a twa leswi ndzi swi vulaka, hikuva a swi lavi nhlamuselo; ú vona ni xivumbeko xa mina. Kutani hikwalaho ka yini n'wina mi nga chavi ku hleva Muxe nandza wa mina xana?”

Vaavanyisi 17:3

Hiloko Mika a tlherisela mali ya tisilivhere ta 1 100 eka mana wa yena, kutani mana wa yena a ku: “Ku sivela ndzhukano lowu wu nga ku welaka we n'wananga, ndzi nyiketa silivhere leyi eka HOSI Xikwembu, yi ta pfuna ku vatla ni ku vumba swifaniso swa Xikwembu. Kutani sweswi, mali leyi ndzi yi veka emavokweni ya wena.”

2 TIHOSI 17:12

va tirherile swifaniso swa swikwembu swa hava, leswi HOSI Xikwembu a xi va lerisile leswaku va nga tshuki va swi tirhela.

Pisalema 78:58

Va hlundzukisile Xikwembu hi switsunga swa vona swa vukhongeri bya hava; va xi tlhave mbilu hi ku tivatlela swikwembu swa vona swa swifaniso.

Ezekiele 8:3

Kutani a tshambuluta xilo lexi fanaka ni voko, a ndzi khoma hi misisi; kutani exivonweni lexi HOSI Xikwembu xi ndzi kombeke xona, ndzi tikuma ndzi tlakuriwile hi Moya wa xona, ndzi hahiseriwa empfhukeni, ndzi ya vekiwa eYerusalema, kusuhi ni nyangwa ya le n'walungwini, hi le ndzeni ka yona. Kutani endhawini leyi, a ku ri ni xifaniso xa xikwembu xa hava, xi nga xilo lexi hlundzukisaka HOSI Xikwembu.

Ezekiele 20:7

Kutani ndzi va byerile ku hambana ni swikwembu swa hava swa Vaegipta, va tshika ku tshemba swilo leswi swa manyala, va nga tinyamisi ha swona, kambe va chava mina HOSI Xikwembu xa vona.

Eksoda 20:23

Mi nga tshuki mi tiendlela swikwembu swin'wana, hikuva ndzi kona mina; mi nga tshuki mi tiendlela swikwembu hi silivhere ni nsuku.

Eksoda 32:4

Kutani Aroni a amukela nsuku eka vona, a wu n'okisa exibyeni xo n'okisela eka xona, a vumba xifaniso xa rhole; hiloko vanhu va ku: “N'wina Vaisraele, hi lexi Xikwembu xa n'wina, lexi xi mi humeseke etikweni ra Egipta!”

Duteronoma 16:22

Nasona mi nga tshuki mi yimisa maribye ya vugandzeri bya hava, hikuva sweswo HOSI Xikwembu xa swi venga.