Eksoda 20:25 - BIBELE Mahungu Lamanene

²⁵ Loko mi ndzi akela alitari hi maribye, mi nga tshuki mi aka hi maribye lama vatliweke, hikuva loko mi yi aka hi ku tirhisa mbatlo, ma yi nyamisa.

Xitsonga (Bibele)

²⁵ Loko u ndzi akele alitari hi maribye, u nga tshuki u yi aka hi maribye lama vatliweke; hikuva kungakuloko u tlakusa nsimbhi ya wena ehenhla ka wona, u nga yi nyamisa.

Eksoda 20:25 Referans Kwoze

Yoxuwa 8:31

ku landza leswi Muxe nandza wa HOSI Xikwembu a leriseke Vaisraele swona, hilaha swi tsariweke hakona eka Buku ya Nawu wa Muxe: “Alitari leyi akiweke hi maribye lama nga vatliwangiki, lama ku nga riki na munhu loyi a ma khumbeke hi mbatlo.” Kutani va humesela HOSI Xikwembu magandzelo lama hisiwaka ni ya xinakulobye ehenhla ka yona.

Eksoda 20:24

Mi ta ndzi akela alitari hi misava, kutani mi ndzi humesela magandzelo ya n'wina lama hisiwaka ni ya xinakulobye ehenhla ka yona, mi tlhavela eka yona swifuwo swa n'wina leswikulu ni leswitsongo. Etindhawini hinkwato leti ndzi ti hlawuleke leswaku mi ndzi gandzela eka tona, ndzi ta ta eka n'wina, ndzi ta mi katekisa.

1 TIHOSI 6:7

Eku akeni ka Tempele, a ku tirhisiwa maribye lama taka ma vatliwile lomu ma ceriwaka kona. A va endlela leswaku ku nga twali mpfumawulo wa tinyundzu kumbe wa swivatla-maribye, kumbe wa xitirho xihi ni xihi xa nsimbhi, loko Tempele yi ri karhi yi akiwa.

Ezekiele 40:42

Naswona a ku ri ni matafula man'wana ya mune yo lunghisela eka wona magandzelo lama hisiwaka. Matafula lawa a ma endliwile hi maribye lama vatliweke, tafula rin'wana ni rin'wana ri anamile 75 cm matlhelo hinkwawo, ri lehile 50 cm ku ya henhla. Swibya leswi tirhisiwaka loko ku humesiwa magandzelo lama hisiwaka a swi vekiwa ematafuleni lawa.

Eksoda 24:4

Kutani Muxe a tsala hinkwaswo leswi vuriweke hi HOSI Xikwembu. Siku leri tlhandlamaka a pfuka nimixo swinene, a aka alitari ehansi ka ntshava, a yimisa ni maribye lamakulu ya 12 ku ringanisa tinyimba ta Israele ta 12.