Eksoda 20:24 - BIBELE Mahungu Lamanene

²⁴ Mi ta ndzi akela alitari hi misava, kutani mi ndzi humesela magandzelo ya n'wina lama hisiwaka ni ya xinakulobye ehenhla ka yona, mi tlhavela eka yona swifuwo swa n'wina leswikulu ni leswitsongo. Etindhawini hinkwato leti ndzi ti hlawuleke leswaku mi ndzi gandzela eka tona, ndzi ta ta eka n'wina, ndzi ta mi katekisa.

Xitsonga (Bibele)

²⁴ U ta ndzi akela alitari ya misava, laha u nga ta tlhavela kona magandzelo ya wena, ni timhamba ta wena ta tinyimpfu ni ta tihomu. Hinkwako laha ndzi nga ta veka xitsundzuxo xa vito ra mina, ndzi ta ta eka wena kona, ndzi ku katekisa.

Eksoda 20:24 Referans Kwoze

Duteronoma 12:5

HOSI Xikwembu xa n'wina xi ta hlawula ndhawu leyi vito ra xona ri nga ta gandzeriwa eka yona; xi ta yi hlawula exikarhi ka tinyimba ta n'wina hinkwato; endhawini leyi, hi kona laha mi nga ta ya mi ya hlangana na xona kona.

2 TIKRONIKA 6:6

Kambe sweswi ndzi hlawurile muti wa Yerusalema, leswaku vito ra mina ri dzunisiwa eka wona, naswona ndzi hlawurile Davhida, leswaku a va hosi ya vanhu va mina va Israele.’ ”

1 TIHOSI 9:3

kutani xi ku ka yena: “Ndzi yingisile ku khongela ka wena ni ku kombela ka wena, loku u ku fikiseke eka mina; ndzi hlawulekisile Tempele leyi u yi akeke, laha vito ra mina ri nga ta dzunisiwa kona hilaha ku nga heriki; mahlo ya mina ni mbilu ya mina swi ta va eka yona minkarhi hinkwayo.

2 TIKRONIKA 7:16

Kutani sweswi, ndzi hlawula yindlu leyi, ndzi tlhela ndzi yi hlawulekisa leswaku vito ra mina ri twariseriwa eka yona hilaha ku nga heriki; ndzi ta yi hlayisa ni ku yi sirhelela minkarhi hinkwayo.

Duteronoma 12:11

Hikokwalaho, mi fanele ku ya endhawini leyi HOSI Xikwembu xi nga ta yi hlawula leswaku vito ra xona ri gandzeriwa eka yona, mi yisa swilo hinkwaswo leswi ndzi nga ta mi lerisa swona, swi nga leswi: Magandzelo ya n'wina lama hisiwaka ni lama dyiwaka, ni vukhume bya n'wina, ni mihlengo ya n'wina, ni tinyiko hinkwato leti mi tiboheke ku ti humesela HOSI Xikwembu.

Duteronoma 16:11

Loko mi ri endhawini leyi HOSI Xikwembu xa n'wina xi nga ta yi hlawula leswaku vito ra xona ri gandzeleriwa eka yona, mi fanele ku tsaka, n'wina ni vana va n'wina va xinuna ni va xisati, ni malandza ya n'wina ya xinuna ni ya xisati, ni Valevhi lava tshamaka emitini ya n'wina, ni valuveri, ni lava pfumalaka vatswari, ni tinoni leti tshamaka emitini ya n'wina.

2 TIKRONIKA 12:13

Hosi Rhobuwamu a kuma ku tshamiseka eYerusalema, a fuma a ri kona. A a ri ni malembe ya 41 loko a nyikiwa vuhosi, a fuma malembe ya 17 a ri eYerusalema, wu nga muti lowu HOSI Xikwembu xi wu hlawuleke exikarhi ka miti hinkwayo ya tinyimba ta Israele, leswaku wu va muti lowu xi gandzeriwaka eka wona. Vito ra mana wa Rhobuwamu a a ri Naamani, munhu wa tiko ra Vaamoni.

Duteronoma 26:2

mi fanele ku teka swin'wana swa leswi mi nga ta rhanga mi swi tshovela emasin'wini ya kwale tikweni leri HOSI Xikwembu xa n'wina xi nga ta mi nyika rona, mi swi chela exirhundzwini, mi famba na swona endhawini leyi HOSI Xikwembu xi nga ta yi hlawula leswaku vito ra xona ri gandzeleriwa eka yona.

Ezra 6:12

Xikwembu lexi endleke leswaku vito ra xona ri twarisiwa eYerusalema, a xi wise hosi yin'wana ni yin'wana kumbe vanhu lava lavaka ku hundzuluxa nawu lowu, kumbe ku faya yindlu ya Xikwembu leyi nga Yerusalema. Mina Dariyosi ndzi vekile nawu, tikarhateleni ku wu yingisa.”

1 TIHOSI 8:29

Vusiku ni nhlekanhi mahlo ya wena a ma langute Tempele leyi, xi nga xivandla lexi u vuleke leswaku wena u ta gandzeriwa eka xona, kutani u yingisa xikhongelo lexi mina nandza wa wena ndzi xi humesaka ndzi ri karhi ndzi languta xivandla lexi.

Matewu 18:20

Hikuva laha vambirhi kumbe vanharhu va hlengeletaneke kona hi vito ra mina, na mina ndzi kona exikarhi ka vona.”

1 TIHOSI 8:43

n'wi yingise we HOSI u ri evutshan'wini bya wena ematilweni, u n'wi endlela hinkwaswo leswi swi n'wi susumeteke ku kombela eka wena. Hi ndlela leyi, vanhu hinkwavo va misava va ta tiva vito ra wena va ku chava, tanihi leswi Vaisraele vanhu va wena va ku chavaka; naswona vamatiko va ta tiva leswaku yindlu leyi ndzi yi akeke i Tempele ya wena hakunene.

Duteronoma 14:23

Kutani mi ta ya emahlweni ka HOSI Xikwembu xa n'wina, endhawini leyi xi nga ta yi hlawula leswaku vito ra xona ri gandzeleriwa eka yona, mi fika mi dyela kona vukhume bya mavele ya n'wina, ni bya vhinyo, ni bya mafurha; mi dya ni nyama ya mativula ya swifuwo swa n'wina leswikulu ni leswitsongo; hi ndlela leyi, mi ta hamba mi tiva ku chava HOSI Xikwembu xa n'wina masiku hinkwawo.

Pisalema 74:7

Xivandla xa wena lexo hlawuleka va xi hisile, va wisile ni ku fayetela yindlu leyi vito ra wena ri twarisiwaka eka yona.

Nehemiya 1:9

kambe loko mi tlhelela eka mina, mi endla leswi ndzi mi lerisaka swona, mi hanya ha swona, hambiloko ndzi mi hangalasile mi ya fika ni le vugimamusi, ndzi ta tlhela ndzi mi hlengeleta, ndzi mi vuyisa endhawini leyi ndzi yi hlawuleke leswaku vito ra mina ri gandzeleriwa eka yona.’

2 SAMIELE 6:12

Loko Davhida a twa leswaku HOSI Xikwembu xi katekisile ndyangu wa Obede-Edomu ni swilo swa yena hinkwaswo, hikwalaho ka Areka ya xona, a ya yi teka emutini wa Obede-Edomu, a vuya na yona ekaya ka yena hi ku tsaka lokukulu.

Malakiya 1:11

“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

Pisalema 78:68

kambe ú hlawurile va nyimba ya ka Yuda, ni ntshava ya Siyoni leyi a yi rhandzaka.

Duteronoma 12:21

Loko mi tshama kule ni ndhawu leyi HOSI Xikwembu xa n'wina xi nga ta yi hlawula leswaku vito ra xona ri gandzeleriwa eka yona, mi nga ha tlhava xifuwo xin'wana lexikulu kumbe lexitsongo hi ku ya hi leswi HOSI Xikwembu xi mi nyikeke swona, mi tidyela nyama leyi mi yi lavaka mi ri emakaya, hilaha ndzi mi leriseke hakona.

1 Timotiya 2:8

Hikokwalaho, ndzi navela leswaku, etindhawini hinkwato, vavanuna va khongela va tlakusile mavoko lama tengeke, ku ri hava ku kariha kumbe madzolonga.

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

Pisalema 76:2

Yerusalema i muti wa xona, xi tshama entshaveni ya Siyoni.

Pisalema 134:3

HOSI Xikwembu, xona xi endleke tilo ni misava, a xi mi katekise xi ri eSiyoni.

Pisalema 128:5

HOSI Xikwembu a xi ku katekise xi ri eSiyoni, u vona ku kateka ka Yerusalema masiku hinkwawo ya ku hanya ka wena.

Genesa 12:2

Kutani ndzi ta ku endla tiko lerikulu, ndzi ku katekisa, ndzi kurisa vito ra wena; u ta va xihlovo xa minkateko.

Duteronoma 7:13

HOSI Xikwembu xi ta mi rhandza, xi mi katekisa leswaku mi andza mi va ni vana lavo tala. Xi ta katekisa ni masimu ya n'wina leswaku mi pfuna mavele ni vhinyo ni mafurha, xi mi nyika ni swifuwo leswo tala leswikulu ni leswitsongo, etikweni leri xi tshembiseke vatata wa n'wina leswaku xi ta mi nyika rona.

Eksoda 10:25

Kambe Muxe a hlamula a ku: “Xana u ta hi nyika swo humesa magandzelo lama dyiwaka ni lama hisiwaka, hi gandzela HOSI Xikwembu ha swona, xana?

Eksoda 18:12

Kutani Yetro mukon'wana wa Muxe a humesela HOSI Xikwembu magandzelo lama hisiwaka ni lama dyiwaka; Aroni ni vakulukumba va Israele hinkwavo va ta va ta dya swakudya na mukon'wana wa Muxe, egandzelweni ra HOSI Xikwembu.

Eksoda 20:25

Loko mi ndzi akela alitari hi maribye, mi nga tshuki mi aka hi maribye lama vatliweke, hikuva loko mi yi aka hi ku tirhisa mbatlo, ma yi nyamisa.

Eksoda 24:5

Kutani Muxe a rhuma majaha ya Israele ku tlhava tihomu, va humesela HOSI Xikwembu magandzelo lama hisiwaka ni ya xinakulobye.

Eksoda 27:1

“Mi ta endla alitari hi mapulangi ya murhi wa munga; ehenhla ni le hansi ka yona ku ta ringanana, 2,50 m ku leha ni 2,50 m ku anama; ku ya ehenhla yi ta va 1,50 m.

2 TIHOSI 5:17

Kutani Naamani a ku: “Leswi u alaka, mina nandza wa wena ndzi kombela ku nuseriwa misava ya ka n'wina, leyi kotaka ku rhwariwa hi timeyila timbirhi, hikuva ku sukela namuntlha, mina nandza wa wena a ndzi nga ha gandzeli swikwembu swimbe, hi magandzelo lama hisiwaka kumbe timhamba tin'wana, e-e, ndzi ta gandzela HOSI Xikwembu ntsena.

Esaya 64:5

Wena u amukela vanhu lava tsakelaka ku endla leswo lulama, lava nga rivaliki tindlela ta wena. U hi hlundzukerile, kambe hi yile emahlweni hi ku dyohela; i khale hi ri karhi hi dyoha; xana ha ha ta pona ke?

Eksoda 24:4

Kutani Muxe a tsala hinkwaswo leswi vuriweke hi HOSI Xikwembu. Siku leri tlhandlamaka a pfuka nimixo swinene, a aka alitari ehansi ka ntshava, a yimisa ni maribye lamakulu ya 12 ku ringanisa tinyimba ta Israele ta 12.

Pisalema 101:2

ndzi navela ku famba hi ndlela leyi nkhensekaka. Xana u ta ndzi endzela rini xana? Emutini wa mina, ndzi ta rhandza ku hanya hi mbilu leyi tengeke,

Pisalema 122:2

We Yerusalema, sweswi hi fikile, hi nghenile eka wena.