Eksoda 20:22 - BIBELE Mahungu Lamanene

²² Kutani HOSI Xikwembu xi lerisa Muxe ku fikisa marito ya xona eka Vaisraele lama nge: “Mi swi vonile hi n'wexe hilaha ndzi vulavuleke hakona na n'wina ndzi ri etilweni.

Xitsonga (Bibele)

²² Yehovha a ku eka Muxe: “U nge ka vana va Israele: Mi vonile hilaha ndzi nga vulavula na n'wina hakona ndzi ri ematilweni.

Eksoda 20:22 Referans Kwoze

Nehemiya 9:13

U xikerile ehenhla ka ntshava ya Sinayi, kutani u vulavula ni Vaisraele u ri etilweni, u va nyika switsundzuxo leswinene, ni milawu ya ntiyiso, ni swileriso ni swiletelo leswo lulama.

Duteronoma 4:36

Xi endlile leswaku mi twa rito ra xona leri humaka etilweni, xi mi laya ha rona. Kutani laha misaveni xi mi kombile ndzilo wa xona lowukulu, xi vulavula na n'wina xi ri endzeni ka wona.

Duteronoma 4:33

Ku hava rixaka ni rin'we leri tshamaka ri twa xikwembu xa rona xi vulavula xi ri endzilweni, kutani ri sala ra ha hanya, sweswo swi humelerile eka n'wina ntsena.

Duteronoma 5:24

va fika va ku: ‘HOSI Xikwembu xa hina xi hi kombisile ku kwetsima ka xona ni vukulukumba bya xona, naswona hi twile rito ra xona loko xi vulavula na hina xi ri endzilweni; namuntlha hi vonile Xikwembu xi vulavula na munhu, kambe a nga fi.

Duteronoma 5:26

Ku hava munhu loyi a tshamaka a twa Xikwembu lexi hanyaka xi vulavula na yena xi ri endzilweni, kutani a ya emahlweni a hanya; sweswo swi humelele eka hina ntsena.