Eksoda 20:19 - BIBELE Mahungu Lamanene

¹⁹ Kutani va ku ka Muxe: “Vulavula na hina wena, hi ta yingisa, kambe xi nga vi Xikwembu lexi vulavulaka na hina, hikuva hi nga fa!”

Xitsonga (Bibele)

¹⁹ Kutani va ku eka Muxe: “Vulavula na hina, hi ta ku yingisa; kambe Xikwembu xi nga tshuki xi vulavula na hina, hi nga ta fa.”

Eksoda 20:19 Referans Kwoze

Duteronoma 18:16

hikuva siku leri a mi hlengeletanile entshaveni ya Horebe, mi komberile sweswo eka HOSI Xikwembu xa n'wina, mi ku: ‘A ha ha swi lavi ku twa rito ra HOSI Xikwembu xa hina kumbe ku languta ndzilo lowukulu lowu, hikuva hi nga fa.’

Timhaka 7:38

Eminkarhini ya ku hlengeletana ka Vaisraele le mananga, hi yena loyi a nga va ni ntsumi leyi vulavuleke na yena entshaveni ya Sinayi, a tlhela a va ni vatata wa hina; hi yena nakambe la amukeleke marito ya vutomi ku hi nyika wona.

Vagalatiya 3:19

Loko swi ri tano, xana Nawu wu tirhile yini ke? Wu tisiwile endzhaku ku komba leswi ku dyoha ku nga swona, ku ko ku humelela loyi “wa rixaka”, loyi xitshembiso xi endleriweke yena. Nawu wu tile hi tintsumi, ti wu nyika muhlanganisi hi voko.

Eksoda 33:20

Xi engeta xi ku: “Loko wu ri mombo wa mina wona, u nga ka u nga wu voni, hikuva a ku na munhu loyi a nga hanyaka, loko a ndzi vona.”

Duteronoma 5:5

Enkarhini wa kona, mina a ndzi yimile exikarhi ka n'wina na HOSI Xikwembu leswaku ndzi mi tivisa marito ya xona, hikuva n'wina a mi chava ndzilo, kutani a mi nga khandziyi ntshava. “Kutani HOSI Xikwembu xi te:

Genesa 32:30

Hikokwalaho, Yakobo a thya ndhawu leyi vito ra Penuwele (hileswaku: “Mombo-wa-Xikwembu”), hikuva a a ku: “Ndzi vonile mombo wa Xikwembu, kambe ndza ha hanya.”

Vaheveru 12:19

A mi twanga mpfumawulo wa nanga, ni huwa ya marito: Lava nga twa marito ya kona va komberile hi matimba leswaku ku nga ha engeti ku vuriwa mahungu man'wana eka vona,

Genesa 3:10

Kutani yena a ku: “Ndzi ku twile loko u famba-famba entangeni, kutani ndzi ya tumbela hikuva a ndzi chava, leswi a ndzi nga ambalanga nchumu.”