Eksoda 20:11 - BIBELE Mahungu Lamanene

¹¹ hikuva hi masiku ya 6, mina HOSI Xikwembu ndzi endlile tilo ni misava ni lwandle, ni hinkwaswo leswi nga ka swona, kutani hi siku ra vu-7 ndzi wisile; hikokwalaho, mina HOSI ndzi katekisile siku leri, ndzi ri endla leri hlawulekeke.

Xitsonga (Bibele)

¹¹ Hikuva hi masiku ya ntlhanu na rin'we, Yehovha u endle tilo ni misava, ni lwandle, ni swilo hinkwaswo leswi nga eka swona; kambe u wisile hi siku ra vuntlhanu na mambirhi. Hikwalaho Yehovha a nga katekisa siku ra ku wisa, a va a ri hlawulekisa.

Eksoda 20:11 Referans Kwoze

Eksoda 31:17

Lexi xi ta va xikombiso xa ku twanana ka mina ni Vaisraele hilaha ku nga heriki; hikuva hi masiku ya 6 mina HOSI ndzi tumbuluxile tilo ni misava, kutani ndzi tshika ku tirha hi siku ra vu-7, ndzi wisa.’ ”

Timhaka 20:7

Hi siku ra Muqgivela nimadyambu, loko hi hlengeletene ku phema xinkwa, Pawulo a vulavula na va le Trowasi, a lehisa ku vulavula ka yena ku ya fika exikarhi ka vusiku, hikuva a a lava ku famba ni mixo wa kona.

Genesa 1:28

Kutani Xikwembu xi va katekisa, xi ku ka vona: “Tswalanani mi andza mi tata misava, mi yi fuma. Mi fuma tinhlampfi ni tinyanyana, ni swivumbiwa hinkwaswo leswi famba-fambaka emisaveni.”

Timhaka 4:24

Loko vona va swi twile, va huwelela eka Xikwembu hi ku khongela va ri mbilu yin'we, va ku: “N'wini wa hina, wena la endleke tilo ni misava ni lwandle, ni hinkwaswo leswi nga ka swona!

Timhaka 14:15

va ku: “Vavanuna, hikwalaho ka yini mi endla sweswo xana? Kasi na hina hi vanhu lava va fanaka na n'wina hi ntumbuluko; mahungu lamanene lawa hi mi tiselaka wona hileswaku mi tshika mintirho leyi ya swa hava, mi hundzukela eka Xikwembu lexi hanyaka, lexi nga endla tilo ni misava, ni lwandle, ni swilo hinkwaswo leswi nga ka swona;

Vaheveru 4:4

Hikuva kun'wana eMatsalweni ku vulavuriwa hi ta siku ra vu-7 hi ndlela leyi, va ku: “Hi siku ra vu-7, Xikwembu xi wisile emintirhweni ya xona hinkwayo.”

Nhlavutelo 10:6

yi hlambanya hi vito ra Loyi a hanyaka hilaha ku nga heriki, la tumbuluxeke tilo ni leswi nga ka rona, ni misava ni leswi nga ka yona, ni lwandle ni leswi nga ka rona, kutani ntsumi yi ku: “A ku nga ha vi na ku hlwela,

Eksoda 8:22

Kambe hi siku ra kona, ndzi ta hlawula muganga wa le Goxeni, laha vanhu va mina va tshamaka kona; a ku nga vi na mabawa kona, u ta kala u swi tiva wena Faro leswaku hi mina ndzi nga HOSI laha misaveni.

Eksoda 9:29

Muxe a ku ka yena: “Sweswi ndzi nga ta huma laha ka wena, ndzi ta tlakusa mavoko ya mina ndzi khongela HOSI Xikwembu; tilo ri ta yima, naswona a ku nga ha vi na xihangu, kutani hi kona u nga ta tiva leswaku misava i ya HOSI Xikwembu.

Duteronoma 5:15

Tsundzuka leswaku a wu ri hlonga etikweni ra Egipta, ni leswaku mina HOSI Xikwembu xa wena ndzi ku humesile evuhlongeni byebyo, hi ntamu lowukulu ni mintirho ya matimba. Hikokwalaho, mina HOSI Xikwembu xa wena ndzi ku lerisa ku hlayisa siku ra Savata.

Esaya 42:10

Sumani risimu lerintshwa, mi yimbelelela HOSI Xikwembu; n'wina vanhu va misava hinkwayo, xi twariseni! Xi dzuniseni n'wina mi fambaka elwandle, na n'wina swivumbiwa hinkwaswo leswi nge ka rona; yimbelelani na n'wina mi tshamaka ematikweni ya le kule.

Esaya 48:13

Masungulo ya misava ma endliwile hi voko ra mina, hi mina ndzi vambeke matilo; loko ndzi swi vitana, swi hatla swi hlengeletana hinkwaswo.

Genesa 1:31

Hiloko Xikwembu xi languta swilo hinkwaswo leswi xi swi endleke, kutani xi vona leswaku swilo leswi swi sasekile ngopfu. Kutani ku va madyambu, ku tlhela ku va mixo, ri va siku ra vu-6.