Eksoda 2:25 - BIBELE Mahungu Lamanene

²⁵ Xikwembu xi languta vanhu va Israele, kutani xi twisisa matshamelo ya vona.

Xitsonga (Bibele)

²⁵ kutani Xikwembu xi languta vana va Israele, xi va tiva.

Eksoda 2:25 Referans Kwoze

Eksoda 4:31

Kavaloko Vaisraele va kholwa: Loko va twisisile leswaku HOSI Xikwembu xi tile eka vona hakunene, ni leswaku xi vonile ku xaniseka ka vona, va korhamela hansi va xi gandzela.

Pisalema 55:22

Andlala timhaka ta wena emahlweni ka HOSI Xikwembu, kutani xona xi ta ku seketela; xi nga ka xi nga pfumeli leswaku lowo lulama a tsekatsekisiwa, ni siku ni rin'we.

Pisalema 1:6

Etindleleni ta vona, lavo lulama va fambisiwa hi HOSI, kambe lavo homboloka, va khoma ndlela leyi yi va yisaka eku loveni.

Luka 1:25

“Hakunene Hosi yi ndzi pfunile, yi ndzi susa tingana exikarhi ka vanhu.”

Matewu 7:23

Enkarhini wolowo ndzi ta va byela erivaleni, ndzi ku: A ndzi mi tivanga, ni siku ni rin'we; sukani eka mina, n'wina lava endlaka leswo homboloka!

2 SAMIELE 16:12

Kumbexana HOSI Xikwembu xi ta vona ku xaniseka ka mina, xi ndzi nyika leswo saseka, ematshan'weni ya nhlambha leyi.”

Ntirho 33:27

Ú ta suma risimu, a tivisa vanhu a ku: ‘A ndzi dyohile ndzi tshika leswi lulameke, kambe Xikwembu a xi ndzi tshikanga.

1 SAMIELE 1:11

a tiboha hi ku hlambanya a ku: “Wena HOSI ya matimba hinkwawo, loko hakunene wo vona maxangu ya mina nandza wa wena, ni loko u ndzi anakanya, ni loko u nga rivali mina nandza wa wena, kambe u ndzi nyika n'wana wa mufana, ndzi ta ku nyika yena a va wa wena HOSI, vutomi bya yena hinkwabyo; naswona a nga ka a nga byewuriwi misisi ni siku ni rin'we.”

Eksoda 1:8

Loko ku hundzile nkarhi, ku vekiwa hosi leyintshwa etikweni ra Egipta; hosi leyi a yi tivanga nchumu hi Yosefa,

Timhaka 7:34

Ndzi vonile nhlomulo wa tiko ra mina le Egipta hakunene, ni ku rila ka vona ndzi ku twile, kutani ndzi xikile ku va kutsula; tana sweswi, ndzi ku rhuma le Egipta.’

Eksoda 3:9

Kutani sweswi, leswi ku rila ka vanhu va Israele ku fikeke etindleveni ta mina, ni leswi ndzi voneke hilaha vanhu va Egipta va va xanisaka hakona,

Eksoda 18:8

Kutani Muxe a rungulela mukon'wana wa yena hinkwaswo leswi HOSI Xikwembu xi swi endleke eka Faro ni le ka Vaegipta, xi endlela ku pfuna Vaisraele; a n'wi rungulela ni ku tikeriwa hinkwako loku va nga va na kona endleleni, ni hilaha HOSI Xikwembu xi va poniseke hakona.

Duteronoma 26:7

Hiloko hi huwelela eka HOSI Xikwembu xa vatatana, kutani xi twa xirilo xa hina, xi vona maxangu ya hina, ni ku karhateka ka hina, ni ku tshikeleriwa ka hina.

Pisalema 10:14

Kasi wena wa swi vona; ina, maxangu ni mahlomulo wa ma vona, u tiyimisele ku lwela swisiwana. Hikokwalaho, lava tsaneke va tinyiketa eka wena, lava pfumalaka vatswari, va kuma ku pfuneka eka wena.

Pisalema 31:8

A wu ndzi nyiketanga eka valala va mina, u ndzi famba-fambisile hinkwako hi ku ntshunxeka.