Eksoda 2:24 - BIBELE Mahungu Lamanene

²⁴ Loko Xikwembu xi twa ku konya ka vona, xi tsundzuka ntwanano wa xona na Abrahama, na Isaka, na Yakobo.

Xitsonga (Bibele)

²⁴ Xikwembu xi yingisa ku rila ka vona, xi tsundzuka ntwanano wa xona na Abrahama, na Isaka, na Yakobo;

Eksoda 2:24 Referans Kwoze

Genesa 26:3

Wena luvela etikweni reri, kutani mina ndzi ta va na wena ndzi ku katekisa, hikuva matiko lawa hinkwawo ndzi ta ku nyika wona, wena ni vatukulu va wena, naswona ndzi ta hetisisa leswi ndzi swi tshembiseke tata wa wena Abrahama hi ku hlambanya.

Pisalema 105:42

Hakunene, Xikwembu a xi rivalanga rito ra xona lero hlawuleka, leri xi ri hlambanyeleke Abrahama nandza wa xona.

Eksoda 6:5

Kutani sweswi ndzi twile ku konya ka Vaisraele lava endliweke mahlonga hi Vaegipta, ndzi tsundzukile ni ntwanano wa mina.

Pisalema 106:45

Xi tsundzukile ntwanano wa xona na vona, xi va tsetselela hi mhaka ya rirhandzu ra xona lerikulu.

Pisalema 102:20

kutani xi twile ku konya ka lava bohiweke; lava a va avanyiseriwile rifu, xi va kutsurile.

Pisalema 22:24

hikuva a xi solanga loyi a nga nhlomulweni, kumbe ku n'wi honisa; a xi n'wi fularhelanga, kambe xi n'wi yingisile loko a huwelela eka xona.”

Pisalema 138:3

Siku leri ndzi huweleleke eka wena, u ndzi hlamurile, u ndzi pfunile ndzi ko ndzi tiya swinene.

Genesa 26:24

Kutani hi vusiku byebyo, HOSI Xikwembu xi humelela eka yena, xi ku: “Hi mina Xikwembu xa tata wa wena Abrahama; u nga chavi hikuva ndzi na wena, ndzi ta ku katekisa ndzi ku nyika vatukulu lavo tala hikokwalaho ka nandza wa mina Abrahama.”

Pisalema 22:5

Va huwelerile eka wena, kutani u va kutsula; a va khomiwanga hi tingana, hikuva a va tshemba wena.

Vaavanyisi 2:18

Minkarhi hinkwayo loko HOSI Xikwembu xi nyika Vaisraele vaavanyisi, a xi yima ni vaavanyisi lava xi va tirhisa ku ponisa Vaisraele emavokweni ya valala va vona, hikuva a xi twela Vaisraele vusiwana eku konyeni ka vona, loko va xanisiwa ni ku tshikeleriwa hi valala va vona.

Genesa 18:18

E-e, hikuva Abrahama loyi ú ta va tiko lerikulu, kutani vanhu va matiko hinkwawo ya misava va ta katekisiwa hikwalaho ka yena.

Genesa 17:7

Ndzi ta endla ntwanano exikarhi ka mina na wena, ni vatukulu va wena lava nga ta sala va hanya endzhaku ka wena; ntwanano lowu wu ta va kona hilaha ku nga heriki, kutani ndzi ta va Xikwembu xa wena ni xa vatukulu va wena.

Pisalema 79:11

Yingisa ku konya ka lava bohiweke; lava avanyiseriweke rifu, va ponise hi matimba ya wena lamakulu.

Genesa 32:28

Kutani a ku: “Vito ra wena a ri nga ha vi Yakobo, kambe u ta va Israele, hikuva u pfinyanile ni Xikwembu ni vanhu, kambe u hlurile.”

Timhaka 7:34

Ndzi vonile nhlomulo wa tiko ra mina le Egipta hakunene, ni ku rila ka vona ndzi ku twile, kutani ndzi xikile ku va kutsula; tana sweswi, ndzi ku rhuma le Egipta.’

Genesa 8:1

Kutani Xikwembu xi tsundzuka Nowa ni swiharhi hinkwaswo ni swifuwo hinkwaswo leswi a a ri na swona engalaveni; hiloko xi hungisa moya emisaveni, kutani mati ma sungula ku hunguteka.

Genesa 15:13

kutani HOSI Xikwembu xi ku ka yena: “U fanele ku tshama u ri karhi u tiva mhaka leyi: Vatukulu va wena va ta va valuveri etikweni ra van'wana va hundzuka mahlonga kona, va xaniseka malembe yo ringana 400.

Genesa 16:11

Ntsumi ya HOSI Xikwembu yi tlhela yi ku: “Languta, u tikile, kutani u ta veleka n'wana wa mufana; n'wana loyi u ta n'wi thya vito ra Iximaela, hikuva Xikwembu xi ku hlamurile eku xanisekeni ka wena.

Genesa 22:16

yi ku: “HOSI yi ri: ‘Ndza hlambanya mina hi xiviri hikwalaho ka leswi u swi endleke: A wu alanga na n'wana wa wena loyi a ngo va un'we.

Genesa 26:2

Hiloko HOSI Xikwembu xi humelela eka yena xi ku: “U nga tshuki u ya etikweni ra Egipta, kambe tshama kwala tikweni leri ndzi ku kombaka rona.

Genesa 35:11

Kutani Xikwembu xi ku: “Hi mina Xikwembu-xa-matimba-hinkwawo. Tswalanani mi andza, mi va tiko. Eka wena ku ta huma vanhu va matiko layo tala, hambi ti ri tihosi ti ta huma eka wena.

Genesa 35:12

Tiko leri ndzi ri nyikeke Abrahama na Isaka, ndzi ta ri nyika wena; tiko leri, ndzi ku nyika rona, wena ni vatukulu va wena lava nga ta sala va hanya endzhaku ka wena.”

Tinhlayo 20:16

Kuteloko hi yisile xirilo xa hina eka HOSI Xikwembu, xi hi hlamurile, xi hi rhumela ntsumi, yi ta hi humesa etikweni ra Egipta; kutani sweswi hi kwala Kadexe, muti lowu nga ndzilekaneni wa tiko ra n'wina.

1 SAMIELE 9:16

“Mundzuku hi nkarhi wolowu, ndzi ta ku rhumela wanuna la humaka etikweni ra Benjamini. U ta n'wi veka mufambisi wa tiko ra mina ra Israele hi ku n'wi chela mafurha enhlokweni. Hi yena la nga ta lamulela tiko ra mina emavokweni ya Vafilista, hikuva ndzi langutile tiko ra mina, ndzi twa ni xirilo xa rona.”

2 TIHOSI 13:23

Kambe HOSI Xikwembu xi va kombile tintswalo, xi va twela vusiwana ni ku va tsetselela, hikwalaho ka ntwanano wa xona na Abrahama na Isaka na Yakobo; a xi va lovisanga, naswona a xi va cukumetanga, ku fikela siku ra namuntlha.

Pisalema 102:2

Loko ndzi ri emaxangwini, u nga tshuki u ndzi fularhela. Ndzi rhiyele ndleve u hatla u ndzi hlamula, loko ndzi huwelela eka wena.