Eksoda 2:19 - BIBELE Mahungu Lamanene

¹⁹ Vona va hlamula va ku: “Munhu un'wana wa Muegipta ú hi lamulerile eka varisi, a tlhela a hi kelelela mati, a nwisa ni swifuwo swa hina.”

Xitsonga (Bibele)

¹⁹ Va ku: “Muegipta u hi lamulele eka varisi, a hi kelelela mati layo tala; a nwisa mitlhambi ya hina.”

Eksoda 2:19 Referans Kwoze

Genesa 50:11

Kuteloko Vakanana, vona vaaki va tiko, va vona vanhu lava va ri karhi va rila exivuyeni xa Atadi, va ku: “Vaegipta va le xirilweni lexikulu ngopfu.” Hikwalaho ka leswi, xivandla lexi xi thyiwa vito ra Avele-Misrayimi (hileswaku: “Xirilo-xa-Vaegipta”). Ndhawu leyi yi le vuxeni bya nambu wa Yordani.

Genesa 29:10

Kuteloko Yakobo a vona Rahele n'wana Labani makwavo wa mana wa yena, a ri ni tinyimpfu ta Labani, a ya a ya khunguluxa ribye ri suka enon'wini wa xihlovo, kutani a nwisa tinyimpfu ta Labani makwavo wa mana wa yena.

Eksoda 2:18

Loko va fika ekaya, tata wa vona Yetro a va vutisa a ku: “Namuntlha swi lo yini mi ngo hatlisa ku vuya xana.”

Eksoda 2:20

Yetro a ku ka vana va yena: “Ú kwihi munhu loyi ke? Mi n'wi siyele yini xana? N'wi vitaneni a ta dya swakudya.”