Eksoda 2:14 - BIBELE Mahungu Lamanene

¹⁴ Yena a hlamula a ku: “Xana u vekiwile hi mani ku va ndhuna ni mulamuri wa hina xana? Xana u lava ku ndzi dlaya ku fana ni Muegipta loyi u n'wi dlayeke xana?” Kavaloko Muxe a khomiwa hi ku chava, kutani a vulavula hi mbilu, a ku: “Swi vula leswaku mhaka leyi se ya tiviwa!”

Xitsonga (Bibele)

¹⁴ Yena a ku: “I mani la ku vekeke hosi ni muavanyisi wa hina xana? Xana u rhandza ku ndzi dlaya tani hi leswi u nga dlaya Muegipta?” Muxe a tshuka, a ku: “Kunene mhaka leyi yi twakarile.”

Eksoda 2:14 Referans Kwoze

Luka 12:14

Kambe Yesu a ku ka yena: “Munhu ndziwena! Xana i mani la nga ndzi veka muavanyisi kumbe muaveri ehenhla ka n'wina ke?”

Matewu 21:23

Kuteloko Yesu a fikile eTempeleni, vaprista lavakulu ni vakulukumba va tiko va ta ka yena loko a ri karhi a dyondzisa, va ku ka yena: “Xana u endla swilo leswi hi matimba wahi ke? Naswona matimba walawo, u nyikiwile hi mani xana?”

Luka 19:14

Kambe varikwavo a va n'wi venga. Loko a fambile, va sala va rhuma tintsumi, ti ya vula ti ku: ‘Munhu loyi, a hi lavi ku fumiwa hi yena!’

Genesa 19:9

Kambe vona va hlamula va ku: “Suka endleleni!” Va ya emahlweni va ku: “Munhu loyi ú tile laha hi ku luvela, kambe sweswi ú tiendla mulamuleri! Hi ta ku endla swo chavisa ku tlula leswi vanhu lava a hi ta va endla swona.” Hiloko va susumeta Lota hi matimba, va tshinela erivantini, va lava ku ri tshova.

Timhaka 7:35

“Yena Muxe loyi a va n'wi landzurile hi ku vutisa va ku: ‘I mani la ku vekeke hosi ni muavanyisi wa hina ke?’ hi yena la nga rhumiwa hi Xikwembu leswaku a va hosi ni mukutsuri wa vona, hi ku pfuniwa hi ntsumi leyi a yi tikombe ka yena exihlahleni.

Swivuriso 19:12

Loko hosi yi karihile, yi fana ni nghala leyi bongaka, kasi ku tsakeriwa hi yona, swi fana ni mberha ebyanyini.

Tinhlayo 16:13

Leswi u lavaka ku tiendla mufambisi wa hina, wena Muxe, xana u vona swi nga ringananga loko u hi humesile etikweni leri khulukaka ntswamba ni vulombe, u ta hi dlaya laha mananga, xana?

Tinhlayo 16:3

Kutani vanhu lava va hlengeletana ndhawu yin'we va pfuka Muxe na Aroni, va ku ka vona: “Hi karhele hi n'wina! Hina Vaisraele hinkwerhu hi hlawulekile; naswona HOSI Xikwembu xi le xikarhi ka hina; kutani hikwalaho ka yini n'wina mi rhandza ku tiveka ehenhla ka vanhu hinkwavo va HOSI Xikwembu, xana?”

Genesa 13:8

Hiloko Abrama a ku ka Lota: “Ku nga tshuki ku va ni ku holova exikarhi ka mina na wena, hambi ku ri exikarhi ka varisi va swifuwo swa mina ni varisi va swifuwo swa wena, hikuva hi vanhu van'we.

Luka 19:27

Loko va ri valala va mina lava nga lavangiki leswaku ndzi va fuma, va tiseni kwala, mi va dlaya emahlweni ka mina.’ ”

Swivuriso 29:25

Ku chava munhu i ku tirhiyela ntlhamu, kambe loyi a tshembaka HOSI Xikwembu, ú hlayisekile.

Vaheveru 11:27

Hi ku pfumela, Muxe ú sukile etikweni ra Egipta a nga chavi vukari bya hosi, hikuva ú tiyiserile onge hi loko a ri karhi a vona loyi a nga voniwiki.

Genesa 34:27

Kutani vana lavan'wana va Yakobo va ta eka lava dlayiweke, va fika va phangha swilo emutini, hikuva makwavo wa vona Dina a a nyamisiwile.