Eksoda 19:6 - BIBELE Mahungu Lamanene

⁶ Eka mina, mi ta va mfumo wa vaprista, mi va tiko leri hlawulekeke.’ Hi wona marito lawa u nga ta ma byela Vaisraele.”

Xitsonga (Bibele)

⁶ Mi ta va tiko ra vaprista, tiko leri hlawuriweke.’ ” Hi wona marito lawa u nga ta ma vula eka vana va Israele.

Eksoda 19:6 Referans Kwoze

Nhlavutelo 5:10

U va endlile tiko, ni ku va vaprista lava tirhelaka Xikwembu xa hina, kutani va ta va tihosi emisaveni.”

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

1 Petro 2:5

Kutani, ku fana ni maribye lama hanyaka, na n'wina mi fanele ku akiwa mi endla yindlu ya moya, leswaku mi ta va vaprista lava hlawulekeke, mi humesa magandzelo ya moya lama amukelekaka eka Xikwembu ha Yesu Kriste.

Nhlavutelo 1:6

a hi endla tiko, ni ku va vaprista lava tirhelaka Xikwembu Tata wa yena, eka yena Kriste a ku ve ku dzuneka ni matimba, hilaha ku nga heriki! Amen.

Duteronoma 7:6

“N'wina, mi rixaka leri hlawuleriweke HOSI Xikwembu xa n'wina. Xi mi hlawurile exikarhi ka vanhu va matiko hinkwawo lama nga kona emisaveni, leswaku mi va vanhu va xona va xiviri.

Duteronoma 28:9

Loko mi hlayisa milawu ya HOSI Xikwembu xa n'wina, mi famba etindleleni ta xona, xi ta mi endla vanhu va xona va xiviri, hilaha xi mi hlambanyeleke hakona.

Esaya 62:12

Vaaki va wena Yerusalema va ta vuriwa “Vahlawuriwa”, “Vakutsuriwa-va-HOSI”; wena u ta vuriwa “La-tsakeriwaka”, “Muti-lowu-nga-tshikiwangiki”!

Duteronoma 26:19

kutani xi ta mi kurisa, mi tlula matiko hinkwawo lawa xi ma endleke, hi ku dzuneka ni ku tiveka ni ku twakala; hi ndlela leyi mi ta va vanhu lava HOSI Xikwembu xa n'wina xi nga tihlawulela vona, leswaku mi va va xona hilaha xi tshembiseke hakona.”

Levhitika 19:2

ku ya tivisa ntshungu hinkwawo wa Vaisraele marito ya xona lama nge: “Hlawulekani, hikuva ndzi hlawulekile mina HOSI, Xikwembu xa n'wina.

Varhoma 12:1

Loko swi ri tano vamakwerhu, ndza mi khongotela hikwalaho ka tintswalo ta Xikwembu, leswaku mi nyiketa vutomi bya n'wina hinkwabyo, byi va mhamba leyi hanyaka, leyi hlawulekeke, leyi amukelekaka eka Xikwembu; hi wona magandzelele ya n'wina ya xiviri.

Nhlavutelo 20:6

Munhu loyi a vonaka ku pfuka eku feni loku ko rhanga, ú katekile, naswona ú hlawulekile. Rifu ra vumbirhi a ri na matimba ehenhla ka vanhu lavo tano, kambe va ta va vaprista va Xikwembu ni va Kriste, kutani va ta fuma swin'we na Kriste malembe ya 1 000.

1 Vakorinto 3:17

Loko munhu a onha tempele ya Xikwembu, Xikwembu xi ta n'wi onha na yena; hikuva tempele ya Xikwembu yi hlawulekile, kutani n'wina mi tempele yoleyo.

Esaya 61:6

Mi ta vuriwa vaprista va HOSI Xikwembu xa hina, vanhu va ta ku mi malandza ya xona; rifuwo ra vanhu va matiko ri ta dyiwa hi n'wina, kutani mi ta tinyungubyisa hi xuma xa vona.

Levhitika 20:26

“Hlawulekani, mi tirhela mina ntsena, hikuva ndzi hlawulekile mina HOSI; ndzi mi hlawurile exikarhi ka vanhu va matiko man'wana leswaku mi va va mina.

Duteronoma 14:21

“Swilo leswi feke kunene, mi nga tshuki mi swi dya; mi nga nyika lava luveleke emitini ya n'wina va dya, kumbe mi xavisela vanhu va le handle, hikuva n'wina mi vanhu lava hlawuleriweke HOSI Xikwembu xa n'wina. “Mi nga tshuki mi sweka ximbutana hi masi ya mana wa xona.

Levhitika 21:23

Kambe a nga tshuki a tshinela kusuhi ni xisirhelelo lexi pfalaka xivandla lexo hlawuleka ngopfu; ni le alitarini a nga tshineli, hikuva leswi a nga hetisekangiki, a nga nyamisa leswi nga ndzeni ka Ntsonga lowo Hlawuleka: Hi mina HOSI Xikwembu lexi hlawulekisaka vaprista.”

Levhitika 20:24

Hikokwalaho ndzi mi tshembisile ndzi ku: ‘Tiko ra vona ro khuluka ntswamba ni vulombe, ri ta va ndzhaka ya n'wina, ndzi ta mi nyika rona ri va ra n'wina.’ Hi mina HOSI, Xikwembu xa n'wina lexi xi mi hlawuleke exikarhi ka man'wana matiko.

1 Vatesalonika 5:27

Ndza mi kombela swinene, hi matimba ya Hosi, leswaku papila leri ri hlayeriwa vamakwerhu hinkwavo.

Eksoda 15:26

Kutani xi ku ka vona: “Loko mi tinyiketa ku yingisa leswi mina HOSI Xikwembu xa n'wina ndzi mi byelaka swona, mi endla leswi swi ndzi tsakisaka, mi landza milawu ya mina ni ku hlayisa swileriso swa mina hinkwaswo, ndzi nga ka ndzi nga mi vangeli ni ntungu ni wun'we wo fana ni leyi ndzi yi vangeleke Vaegipta, hikuva hi mina HOSI Xikwembu, mutshunguri wa n'wina.”

Eksoda 22:31

“Mi ta va vanhu lava hlawuleriweke mina, hikokwalaho mi nga tshuki mi dya nyama ya xifuwo lexi handzuleriweke hi swiharhi enhoveni; xifuwo xo tano, xi nyikeni timbyana.

1 TIHOSI 3:8

Mina nandza wa wena, ndzi le xikarhi ka tiko ra wena leri u ri hlawuleke; ntsengo wa rona i ntsandza-vahlayi, hikuva va tele ngopfu.

1 TIHOSI 8:53

Hi wena u va hlawuleke exikarhi ka tinxaka hinkwato ta misava leswaku va va ndzhaka ya wena, hilaha u vuleke hakona hi nomo wa Muxe nandza wa wena, siku u humeseke vatata wa hina etikweni ra Egipta, we HOSI N'wini wa hina!”

1 TIKRONIKA 17:22

We HOSI, u tihlawulele Vaisraele ku va vanhu va wena hilaha ku nga heriki, kutani u vile Xikwembu xa vona.

Esaya 43:4

Ematshan'wini ya n'wina, ndzi ta nyiketa vanhu vambe eka valala; ndzi ta ponisa vutomi bya n'wina, hikuva ndza mi rhandza, mi ni nkoka, ma fundzheka eka mina.

Esaya 66:21

Exikarhi ka vona, ndzi ta veka van'wana ku va vaprista, van'wana ku tirha mintirho ya Valevhi. Ndzi vula sweswo mina HOSI.

Yeremiya 2:3

N'wina Vaisraele, a mi ri va mina ntsena, mi fana ni leswi rhangeke ku tshoveriwa. Hinkwavo lava a va mi xanisa, a va tivangela nandzu, va wela hi makhombo. Ndzi vula sweswo mina HOSI.’ ”

Yeremiya 7:23

Kambe ndzi va byerile ndzi ku: ‘Ndzi yingiseni, kutani ndzi ta va Xikwembu xa n'wina, na n'wina mi ta va vanhu va mina, mi famba endleleni leyi ndzi mi lerisaka yona, leswaku mi ta kateka.’

Yeremiya 13:11

Tanihi leswi munhu a tibohaka hi vamba ri n'wi namarhela, hi mukhuva wolowo ndzi lavile leswaku Vaisraele hinkwavo ni va ka Yuda hinkwavo va ndzi namarhela, leswaku va va vanhu va mina lava vito ra mina ri dzunisiwaka ni ku twarisiwa hi vona. Kambe va arile ku ndzi yingisa. Ndzi vula sweswo mina HOSI.”

Amosi 3:2

“Exikarhi ka tinxaka hinkwato ta misava, ndzi hlawurile n'wina ntsena ndzi mi hlayisa. Leswi a nga n'wina mi tlhelaka mi ndzi dyohela hi ndlela leyi, ndza boheka ku mi ba.”

Eksoda 28:36

“Mi ta fula nsuku lowo tenga wu va xiphepherhele, eka xona mi kevetla marito lama nge: ‘La hlawuleriweke HOSI’, ku fana ni loko ku kevetliwa mfungho.

Tinhlayo 16:3

Kutani vanhu lava va hlengeletana ndhawu yin'we va pfuka Muxe na Aroni, va ku ka vona: “Hi karhele hi n'wina! Hina Vaisraele hinkwerhu hi hlawulekile; naswona HOSI Xikwembu xi le xikarhi ka hina; kutani hikwalaho ka yini n'wina mi rhandza ku tiveka ehenhla ka vanhu hinkwavo va HOSI Xikwembu, xana?”

Pisalema 114:2

HOSI Xikwembu xi tihlawulele va ka Yuda va va vanhu va xona, xi hlawurile Vaisraele leswaku va fumiwa hi xona.

Hagayi 2:5

[Xitshembiso lexi ndzi tiboheke ha xona eka n'wina loko mi huma etikweni ra Egipta, xa ha tiyile, naswona] Moya wa mina wu tshama na n'wina: Mi nga chavi nchumu: