Eksoda 19:24 - BIBELE Mahungu Lamanene

²⁴ HOSI Xikwembu xi ku ka Muxe: “Rhelela u ya vuya na Aroni; kambe u nga tshuki u pfumelela vaprista ni vanhu leswaku va tsemakanya ndzilekana va tlhandlukela eka mina HOSI Xikwembu, hikuva loko va endla sweswo, ndzi ta va hlundzukela ndzi va ba.”

Xitsonga (Bibele)

²⁴ Kutani Yehovha a ku eka yena: “Rhelela, u ta khandziya na Aroni kambe vaprista ni tiko va nga tshuki va ringeta ku tlhandlukela eka Yehovha; va nga ti dlawa.”

Eksoda 19:24 Referans Kwoze

Vaheveru 4:16

Hikokwalaho, a hi tshineleni kusuhi ni xiluvelo xa tintswalo, hi ri ni ku tshemba leswaku hi ta tsetseleriwa ni ku kuma tintswalo leti nga ta hi pfuna eminkarhini ya ku pfumala.

Vaheveru 12:29

Hikuva Xikwembu xa hina i ndzilo lowu herisaka.

Vagalatiya 3:22

kambe Matsalwa ma vula leswaku hinkwaswo swi fumiwa hi vudyoho, leswaku xitshembiso lexi fambelanaka ni ku pfumela eka Yesu Kriste, xi nyikiwa ntsena lava pfumelaka.

Vagalatiya 3:19

Loko swi ri tano, xana Nawu wu tirhile yini ke? Wu tisiwile endzhaku ku komba leswi ku dyoha ku nga swona, ku ko ku humelela loyi “wa rixaka”, loyi xitshembiso xi endleriweke yena. Nawu wu tile hi tintsumi, ti wu nyika muhlanganisi hi voko.

Varhoma 4:15

hikuva nawu wu vanga vukari, kambe laha ku nga hava nawu, ku hava ni ku wu tlula.

Yohane 1:17

hikuva Nawu wu nyikiwile hi Muxe, kambe tintswalo ni ntiyiso swi tile ha Yesu Kriste.

Luka 16:16

“Nawu ni Vaprofeta hi swona a swi tirha ku fika loko Yohane Mukhuvuri a humelela; ku sukela enkarhini wolowo, Evhangeli ya Mfumo wa Xikwembu ya karhi ya vuriwa, kutani un'wana ni un'wana ú nghena eka wona hi ku tirhisa matimba.

Luka 13:24

“Ringetani hi matimba ku nghena hi nyangwa leyo khuma, hikuva ndza mi byela leswaku lavo tala va ta navela ku nghena, kambe va ta tsandzeka.

Matewu 11:12

Ku sukela enkarhini wa Yohane Mukhuvuri ku fikela enkarhini wa sweswi, ku ngheniwa eMfun'weni wa matilo hi ku tirhisa matimba, kutani va matimba hi vona lava titekelaka wona.

Eksoda 24:9

Muxe a khandziya ntshava a ri na Aroni, na Nadabu, na Abihu, ni vakulukumba va Israele va 70.

Eksoda 24:1

Kutani HOSI Xikwembu xi ku ka Muxe: “Tlhandluka u ta haleno ka mina, wena na Aroni, na Nadabu, na Abihu, ni vakulukumba va Israele vo ringana 70. Loko ma ha ri kule, nkhinsamani mi khongela.

Eksoda 19:12

U ta bela vanhu mindzilekana ku rhendzeleka ni ntshava, u ku ka vona: ‘Tivoneleni leswaku mi nga tshuki mi khandziya mi ya entshaveni; ni ku khumba laha yi helelaka kona, mi nga khumbi! Loyi a nga ta khumba ntshava, u ta dlayiwa.’

Eksoda 19:25

Kutani Muxe a rhelela a ya laha vanhu a va ri kona, a fika a va byela.

Levhitika 10:3

Kutani Muxe a ku ka Aroni: “Leswi hi swona HOSI Xikwembu a xi vula swona loko xi ku: ‘Lava va tshinelaka kusuhi na mina, va fanele ku ndzi chava, Vaisraele hinkwavo va fanele ku ndzi dzunisa.’ ” Loko a ri Aroni, a tikhoma a miyela.

1 TIKRONIKA 13:9

Kambe loko va fika exivuyeni xa Kidoni, tihavi ti khuguka ti lava ku wisa Areka, kutani Uza a hatla a yi khoma.