Eksoda 19:18 - BIBELE Mahungu Lamanene

¹⁸ Ntshava hinkwayo ya Sinayi a yi funengetiwile hi musi, hikuva Xikwembu a xi rhelerile xi ta ehenhla ka yona hi xivumbeko xa ndzilo. Kutani musi wa ndzilo lowu wu huma wu ya ehenhla ku fana ni ndzilo wa le xitikweni, ntshava hinkwayo yi tsekatseka swinene.

Xitsonga (Bibele)

¹⁸ Kutani ntshava ya Sinayi a yi mbuluka musi hi matlhelo hinkwawo, hikuva Yehovha a a xikile ka yona a ri endzilweni; musi wa yona wu mbulukele henhla kukota musi wa xitiko; kutani ntshava hinkwayo a yi tsekatseka ngopfu.

Eksoda 19:18 Referans Kwoze

Vaavanyisi 5:5

tintshava a ti ninginika emahlweni ka wena HOSI Xikwembu xa le Sinayi, emahlweni ka wena HOSI Xikwembu xa Vaisraele.

Pisalema 144:5

Pfalula matilo ya wena we HOSI, u rhelela, khumba tintshava ti mbuluka musi.

Nhlavutelo 15:8

Tempele yi tala hi musi lowu tisiwaka hi ku kwetsima ni matimba ya Xikwembu. A ku ri hava ni un'we loyi a kotaka ku nghena eTempeleni, ku ko ku hela mintungu ya 7 leyi yi tisiweke hi tintsumi ta 7.

Eksoda 3:2

Kutani ntsumi ya HOSI Xikwembu yi tikomba eka yena yi ri exihlahleni, yi fana ni langavi ra ndzilo. Loko Muxe a xiyisisa, a vona leswaku xihlahla xa vuvumela, kambe a xi tshwi.

Yeremiya 4:24

Ndzi langutile etintshaveni, ndzi kuma leswaku a ti ri eku tsekatsekeni, ni swintshabyana hinkwaswo a swi ri karhi swi ninginika.

Genesa 19:28

Loko Abrahama a languta hansi enkoveni, etlhelo ra Sodoma na Gomora, ni tindhawu hinkwato leti nga nkoveni, o vona musi wu ri karhi wu tuvika etikweni, wu ya ehenhla ku fana ni musi wa le xitikweni lexikulu.

Pisalema 104:32

Loko xi languta misava, ya rhurhumela, tintshava ti mbuluka musi loko xi ti khumba.

Duteronoma 33:2

a ku: “HOSI Xikwembu xi tile xi huma entshaveni ya Sinayi, xi hi voningile xi ri eSeyira, xi vangama xi ri entshaveni ya Parani, xi tile ni madzana-dzana ya vahlawuriwa va xona, evokweni ra xinene xi khomile ndzilo lowu vuvumelaka.

Duteronoma 5:22

“Marito lawa hinkwawo, HOSI Xikwembu xi mi byerile wona loko mi hlengeletanile hinkwenu entshaveni, laha xi vulavuleke na n'wina hi rito leri tlakukeke, xi ri exikarhi ka ndzilo, epapeni ra ntima lowukulu. Eka leswi xi swi vuleke, a xi engetelanga nchumu, xi lo swi tsala emaribyeni mambirhi ya swiphepherhele, xi ndzi nyika wona.

Eksoda 24:17

Vaisraele a va vona ku vonakala ka HOSI Xikwembu, ehenhla ka ntshava, ku fana ni ndzilo lowu pfurhaka.

Vaheveru 12:26

Enkarhini wolowo rito ra yena ri tsekatsekisile misava, kambe sweswi ú tshembisile a ku: “Ndza ha to tsekatsekisa, ku nga ri misava ntsena, kambe na rona tilo.”

Esaya 6:4

Ku huwelela loku ka tintsumi a ku gudla-gudlisa swihukuva swa tinyangwa ta Tempele, kutani ku va ni musi lowu tataka Tempele hinkwayo.

Genesa 15:17

Loko dyambu ri perile, ku va ni xinyami lexikulu, kutani ku humelela mbita leyi tuvikaka musi, ni xisana xa ndzilo, swi hundza hi le xikarhi ka nyama leyi veketeriweke.

2 Petro 3:10

Kambe siku ra Hosi ri ta ta tanihi khamba, kutani matilo ma ta hundza hi huwa leyikulu; hinkwaswo swa ntumbuluko swi ta tshwa hi ndzilo swi hela, kutani misava ni mintirho leyi nga ka yona swi ta hisiwa.

Vaheveru 12:18

A mi tshinelelanga ntshava leyi khumbekaka, ni ndzilo lowu pfurhaka, ni munyama, ni hunguva, ni xidzedze, kukota Vaisraele.

2 Vatesalonika 1:8

emalangavini ya ndzilo. Xi ta ba lava va nga xi tiviki, va nga lava nga yingisiki Evhangeli ya Hosi ya hina Yesu.

Matewu 24:7

Tiko rin'wana ri ta pfukela tiko rin'wanyana, mfumo wun'wana wu ta lwa ni mfumo wun'wanyana; ku ta va ni tindlala, ni ku tsekatseka ka misava ematlhelweni layo tala.

Zakariya 14:5

Mi ta baleka hi nkova lowu, lowu pfulekeke exikarhi ka tintshava, hikuva wu ta fika ni le Asala; mi ta chava mi tsutsuma, ku fana ni leswi mi tsutsumiseke xiswona siku misava yi nga tsekatseka, enkarhini lowu hosi Uziya a a fuma tiko ra Yuda. Kutani HOSI Xikwembu xa mina xi ta ta, swin'we ni swivumbiwa swa xona leswo hlawuleka.

Pisalema 114:7

Wena misava, rhurhumela emahlweni ka N'wini wa hinkwaswo, xona Xikwembu xa va ka Yakobo,

Pisalema 77:18

Tilo a ri baleka swinene, ku ba xihuhuri, rihati ri voninga misava hinkwayo, kutani yi ninginika hi ku chava.

Eksoda 20:18

Loko Vaisraele hinkwavo va twa ku baleka ka tilo ni ku ba ka mhalamhala, ni loko va vona ku vangama ka rihati ni musi lowu mbulukaka entshaveni, va yimela kule va ri karhi va rhurhumela.

Eksoda 19:13

Munhu wa kona a nge dlayiwi hi mavoko, kambe ú to khandliwa hi maribye, kumbe a tlhaviwa hi nseve, a fa; hambi i xiharhi kumbe munhu, ku hava ku pona! Kambe loko mhalamhala yi biwa nkarhi wo leha, van'wana va ta tlhandlukela entshaveni.”

2 Vatesalonika 1:7

kutani xi ta mi nyika ku wisa swin'we na hina, n'wina mi xanisiwaka; xi ta endla sweswo siku Hosi Yesu a humelelaka hi le tilweni, swin'we ni tintsumi ta yena ta matimba,

Nhlavutelo 9:2

kutani yi pfula nomo wa khele ra kona, ku huma musi lowu fanaka ni musi wa xitiko lexikulu xa ndzilo. Dyambu ni mpfhuka swi siveka hi mhaka ya musi lowu tuvikaka hi le non'weni wa khele.

Genesa 11:5

Hiloko HOSI Xikwembu xi rhelela xi ta vona muti ni xihondzo lexi vanhu va tiakeleke xona,

Eksoda 19:17

Kutani Muxe a vitana vanhu leswaku va huma emintsongeni, va ya hlangana na Xikwembu; vanhu va fika va yima ehansi ka ntshava.

Eksoda 34:2

Mundzuku nimpundzu u fanele ku va u hetile; kutani loko ri xa, tlhandlukela ehenhla ka ntshava ya Sinayi, u fika u ndzi yimela kona.

Duteronoma 5:4

HOSI Xikwembu xi vulavurile na n'wina entshaveni xi ri endzilweni, xi langutane na n'wina.

Esaya 64:1

“Hikwalaho ka yini u nga handzuli mapapa, u rhelela emisaveni xana? Tintshava a ti ta ninginika loko ti ku vona.

Duteronoma 4:36

Xi endlile leswaku mi twa rito ra xona leri humaka etilweni, xi mi laya ha rona. Kutani laha misaveni xi mi kombile ndzilo wa xona lowukulu, xi vulavula na n'wina xi ri endzeni ka wona.

Nehemiya 9:13

U xikerile ehenhla ka ntshava ya Sinayi, kutani u vulavula ni Vaisraele u ri etilweni, u va nyika switsundzuxo leswinene, ni milawu ya ntiyiso, ni swileriso ni swiletelo leswo lulama.

Pisalema 18:9

Kutani HOSI yi ovela matilo ehansi, yi rhelela yi tlhandlekile milenge ehenhla ka papa ra ntima,

Pisalema 68:9

We Xikwembu, u nisile timpfula letikulu, u pfuxetile tiko ra wena, hikuva a ri herile matimba.

Pisalema 77:19

U boxile ndlela ya wena exikarhi ka lwandle, u tsemakanyile hi le swidziveni, kutani ku hava loyi a voneke minkondzo ya wena.

Pisalema 114:4

Tintshava ti tlula-tlurile kukota tinyimpfu, switsunga swi tlalamba tanihi swinyimpfana.

Habakuku 3:6

Loko a yima, misava ya tsekatseka; loko a languta vamatiko, va rhurhumela. Tintshava leti nga riki na ku hela, ti mbundzumuka, ni switsunga swa khale swi mbombomela, swi nga leswi a a famba-famba eka swona khale.