Eksoda 19:17 - BIBELE Mahungu Lamanene

¹⁷ Kutani Muxe a vitana vanhu leswaku va huma emintsongeni, va ya hlangana na Xikwembu; vanhu va fika va yima ehansi ka ntshava.

Xitsonga (Bibele)

¹⁷ Kutani Muxe a humese tiko emixaxeni, ri ya hlangana ni Xikwembu, va yime hansi ka ntshava.

Eksoda 19:17 Referans Kwoze

Duteronoma 4:10

Siku leri mi yimeke emahlweni ka HOSI Xikwembu entshaveni ya Horebe, xi ndzi byerile xi ku: ‘Hlengeleta Vaisraele, ndzi lava leswaku va yingisa leswi ndzi nga ta va byela swona, va ta tiva ku ndzi chava vutomi bya vona hinkwabyo laha misaveni, va ta dyondzisa ni vana va vona.’

Duteronoma 5:5

Enkarhini wa kona, mina a ndzi yimile exikarhi ka n'wina na HOSI Xikwembu leswaku ndzi mi tivisa marito ya xona, hikuva n'wina a mi chava ndzilo, kutani a mi nga khandziyi ntshava. “Kutani HOSI Xikwembu xi te:

Timhaka 7:38

Eminkarhini ya ku hlengeletana ka Vaisraele le mananga, hi yena loyi a nga va ni ntsumi leyi vulavuleke na yena entshaveni ya Sinayi, a tlhela a va ni vatata wa hina; hi yena nakambe la amukeleke marito ya vutomi ku hi nyika wona.

Eksoda 19:13

Munhu wa kona a nge dlayiwi hi mavoko, kambe ú to khandliwa hi maribye, kumbe a tlhaviwa hi nseve, a fa; hambi i xiharhi kumbe munhu, ku hava ku pona! Kambe loko mhalamhala yi biwa nkarhi wo leha, van'wana va ta tlhandlukela entshaveni.”

Eksoda 19:16

Hi siku ra vunharhu nimpundzu, tilo ri baleka, ri hatima-hatima, papa lero dziva ri khubumeta ntshava, mhalamhala yi ri karhi yi ba swinene, vanhu lava a va ri emintsongeni va rhurhumela hi ku chava.

Eksoda 19:18

Ntshava hinkwayo ya Sinayi a yi funengetiwile hi musi, hikuva Xikwembu a xi rhelerile xi ta ehenhla ka yona hi xivumbeko xa ndzilo. Kutani musi wa ndzilo lowu wu huma wu ya ehenhla ku fana ni ndzilo wa le xitikweni, ntshava hinkwayo yi tsekatseka swinene.

Levhitika 9:5

Kutani va ta ni leswi Muxe a va leriseke swona, va fika va yima emahlweni ka Ntsonga lowo Hlawuleka; ntshungu hinkwawo wu hlengeletana emahlweni ka HOSI Xikwembu,

Duteronoma 4:11

Kutani mi tshinerile, mi fika mi yima ehansi ka ntshava leyi a yi pfurha ndzilo; malangavi ya wona a ma dliva tilo, ku va ni papa ra ntima ni munyama.