Eksoda 19:16 - BIBELE Mahungu Lamanene

¹⁶ Hi siku ra vunharhu nimpundzu, tilo ri baleka, ri hatima-hatima, papa lero dziva ri khubumeta ntshava, mhalamhala yi ri karhi yi ba swinene, vanhu lava a va ri emintsongeni va rhurhumela hi ku chava.

Xitsonga (Bibele)

¹⁶ Hi siku ra vunharhu, loko byi xa, ku pfuma ku va kona ni ku hatima, ni papa lera ntima ri va ehenhla ka ntshava, ni ku pfuma lokukulu ka nanga; kutani vanhu hinkwavo lava ngi va ri emixaxeni, va rhurhumela.

Eksoda 19:16 Referans Kwoze

Nhlavutelo 4:1

Endzhaku ka sweswo, ndzi langutile, kutani ndzi vona etilweni nyangwa leyi pfulekeke. Kutani rito leri ndzi nga ri twa eku sunguleni ri fana ni nanga loko ri vulavula na mina, ri engeta ri ku: “Tlhandluka u ta haleno, kutani ndzi ta ku komba leswi fanelaka ku humelela endzhaku ka leswi.”

Vaheveru 12:21

Hakunene leswi va swi voneke, a swi chavisa ngopfu, lero kala Muxe a ku: “Ndza rhurhumela hi ku chava.”

Nhlavutelo 11:19

Hiloko ku pfuriwa Tempele ya Xikwembu leyi nge tilweni, kutani Areka ya Ntwanano yi vonaka eTempeleni leyi ya xona. Kutani ku va ni ku hatima-hatima, ni ku pfuma, ni ku baleka ka tilo; misava yi tsekatseka, ku wa ni xihangu lexikulu.

Nhlavutelo 8:5

Kutani ntsumi yi teka ximbitana xa kona yi xi tata hi ndzilo lowu humaka alitarini, yi xi hoxa emisaveni. Hiloko ku va ni ku baleka ka tilo, ni ku pfuma, ni ku hatima-hatima, ni ku tsekatseka ka misava.

Nhlavutelo 4:5

Exiluvelweni a ku huma ku hatima-hatima, ni ku pfuma, ni ku baleka ka tilo; kutani emahlweni ka xiluvelo a ku pfurha swisana swa ndzilo swa 7, yi nga mimoya ya 7 ya Xikwembu.

Pisalema 77:18

Tilo a ri baleka swinene, ku ba xihuhuri, rihati ri voninga misava hinkwayo, kutani yi ninginika hi ku chava.

Ntirho 38:25

“I mani la nga boxela ndhambi endlela, kumbe loyi a balekisaka tilo ke?

Eksoda 20:18

Loko Vaisraele hinkwavo va twa ku baleka ka tilo ni ku ba ka mhalamhala, ni loko va vona ku vangama ka rihati ni musi lowu mbulukaka entshaveni, va yimela kule va ri karhi va rhurhumela.

Eksoda 19:9

HOSI Xikwembu xi ku ka Muxe: “Sweswi ndzi ta ta eka wena ndzi ri epapeni lero dziva, leswaku ndzi ta vulavula na wena vanhu va ri karhi va swi twa; kutani va ta hamba va ku tshemba.” Kwalaho Muxe a vikela HOSI Xikwembu leswi vanhu va vuleke swona.

Eksoda 9:23

Kutani Muxe a tlakusa nhonga ya yena a komba ehenhla, kutani HOSI Xikwembu xi pfumisa tilo, xi rhumela ni xihangu, rihati ri ba ri nghena ehansi. HOSI Xikwembu xi wisa xihangu etikweni ra Egipta,

Nhlavutelo 1:10

Kutani, hi siku ra Hosi, ndzi tela hi Moya, ndzi twa rito leri huwelelaka hi le ndzhaku ka mina, ri pfuma kukota nanga,

Yeremiya 5:22

Mina HOSI ndzi ri, hikwalaho ka yini mi nga ndzi chavi, hikwalaho ka yini mi nga rhurhumeli emahlweni ka mina xana? Mati ya lwandle ndzi ma bele ndzilekana hi sava rinene, a ma nga wu tluli ni siku ni rin'we; hambiloko magandlati ma nga tlakuka, kumbe lwandle ri pfuma, ndzilekana wolowo wu nge tluriwi.

Pisalema 97:4

Xi voninga misava hi rihati ra xona, matiko ma swi vona ma rhurhumela.

Pisalema 50:3

Xikwembu xa hina xa ta, xi nga ka xi nga miyeli; xi rhangeriwe hi ndzilo lowu pfurhaka swinene, xi rhendzeriwa hi xidzedze lexo chavisa.

2 TIKRONIKA 5:14

kutani vaprista va tsandzeka ku ya emahlweni ni ntirho wa vona hikwalaho ka papa leri, hikuva ku vonakala ka HOSI Xikwembu a ku tatile yindlu ya xona.

Eksoda 40:34

Kutani papa ri khubumeta Ntsonga lowo Hlawuleka, ku kwetsima ka HOSI Xikwembu ku tata Ntsonga.

Matewu 24:31

Hi mpfumawulo lowukulu wa mhalamhala, ú ta rhuma tintsumi ta yena; ti ta hlengeleta vahlawuriwa va yena, va huma ematlhelweni ya mune ya misava, ku sungula emakun'wini man'wana ya tilo ku ya fika eka laman'wanyana.

Eksoda 19:11

Mundlwana, ri nga ta va siku ra vunharhu, va fanele ku va va hetile, hikuva hi siku rero mina HOSI Xikwembu ndzi ta rhelela ndzi ta entshaveni ya Sinayi, vanhu hinkwavo va ri karhi va swi vona.

Eksoda 19:15

A engeta a ku ka vona: “Mundlwana, ri nga siku ra vunharhu, mi fanele ku va mi hetile, naswona mi nga tshuki mi etlela ni vasati va n'wina.”

Eksoda 19:17

Kutani Muxe a vitana vanhu leswaku va huma emintsongeni, va ya hlangana na Xikwembu; vanhu va fika va yima ehansi ka ntshava.

Eksoda 20:21

Kutani Vaisraele va sala va yimile kule, Muxe yena a tshinela kusuhi ni papa ra ntima leri Xikwembu a xi ri endzeni ka rona.

Duteronoma 5:5

Enkarhini wa kona, mina a ndzi yimile exikarhi ka n'wina na HOSI Xikwembu leswaku ndzi mi tivisa marito ya xona, hikuva n'wina a mi chava ndzilo, kutani a mi nga khandziyi ntshava. “Kutani HOSI Xikwembu xi te:

2 SAMIELE 22:10

Kutani HOSI yi ovela matilo ehansi, yi rhelela yi tlhandlekile milenge ehenhla ka papa ra ntima,

Nahume 1:3

Hambileswi HOSI yi hlwelaka ku kariha, yi ni matimba lamakulu, yi nga ka yi nga tshiki lava nga ni nandzu. HOSI yi pfula ndlela ya yona hi xihuhuri ni bubutsa, mapapa i ritshuri leri pfuxiwaka hi milenge ya yona.

Pisalema 81:8

N'we vanhu va mina, yingisani loko ndzi mi khongotela, a ndzi ta tsaka ngopfu loko mi ndzi twa, n'wina Vaisraele!