Eksoda 18:9 - BIBELE Mahungu Lamanene

⁹ Yetro a tsaka swinene, loko a twa mintirho leyinene leyi HOSI Xikwembu xi endleleke Vaisraele hi ku va kutsula emavokweni ya Vaegipta.

Xitsonga (Bibele)

⁹ Kutani Yetro a tsaka hikuva Yehovha u endlele Vaisraele hi tintswalo loko a va lamulela emavokweni ya Vaegipta.

Eksoda 18:9 Referans Kwoze

1 Vakorinto 12:26

Loko xirho xin'wana xi twa ku vava, swirho hinkwaswo swi vaviseka na xona; ni loko xirho xin'wana xi dzunisiwa, swirho hinkwaswo swi tsaka na xona.

Varhoma 12:15

Tsakani ni lava tsakaka, mi rila ni lava rilaka.

Varhoma 12:10

Tolovelanani, mi rhandzana tanihi vamakwavo, mi tlula van'wana hi ku kombana xichavo.

Esaya 66:10

“N'wina hinkwenu lava rhandzaka Yerusalema, tsakani swin'we na yena, mi tiphina; na n'wina hinkwenu lava a va n'wi rila, banani minkulungwana mi tsaka na yena.

Esaya 44:23

N'wina matilo, yimbelelani, hikuva loyi a tirheke swilo leswi i HOSI Xikwembu; n'wina tindhawu leti nga marhumbyini ya misava, banani minkulungwana; sumani tinsimu mi yimbelela, n'wina tintshava, na n'wina swihlahla, yimbelelani ni mirhi ya n'wina hinkwayo, hikuva HOSI Xikwembu xi kutsurile va ka Yakobo, kutani xi ta dzunisiwa etikweni ra Israele.

1 SAMIELE 15:6

Kutani Sawulo a tivisa Vakeni, a ku: “Sukani mi famba, mi huma exikarhi ka Vaamaleke, leswaku ndzi ta ka ndzi nga mi katsi na vona loko ndzi va herisa, hikuva mi kombisile ku tshembeka ka n'wina eka Vaisraele hinkwavo, nkarhi lowu va humaka etikweni ra Egipta.” Kutani Vakeni va huma exikarhi ka Vaamaleke.

Esaya 63:7

Ndzi nga ka ndzi nga rivali rirhandzu ro tshembeka ra HOSI Xikwembu, ni mintirho ya xona leyi dzunekaka; ndzi ta anakanya hinkwaswo leswi xi nga hi endlela swona, hina Vaisraele, ni vunene lebyikulu lebyi xi nga hi komba byona, endzalweni ya musa wa xona ni tintswalo ta xona.

Esaya 44:22

Milandzu ya n'wina, ndzi yi hangalasile kukota mapapa, ni swidyoho swa n'wina, ndzi swi nyamalarisile ku fana ni hunguva; vuyani eka mina, hikuva loyi a mi kutsuleke, hi mina.”