Eksoda 18:7 - BIBELE Mahungu Lamanene

⁷ Kutani Muxe a huma a ya hlanganisa mukon'wana wa yena; a fika a nkhinsama, kutani a n'wi ntswontswa. Loko va pfuxelanile, va ya nghena entsongeni.

Xitsonga (Bibele)

⁷ Muxe a huma, a ya hlangana ni mukon'wana wa yena, a khinsama a n'wi ntswontswa; kutani va vutisana ku hanya ka vona; kavaloko va nghena entsongeni wa Muxe.

Eksoda 18:7 Referans Kwoze

Genesa 29:13

Loko Labani a twa ta Yakobo n'wana makwavo wa yena, a tsutsuma a ya n'wi hlanganisa, a fika a n'wi vukarha a n'wi ntswontswa, kutani a n'wi yisa emutini wa yena. Kutani Yakobo a rungulela Labani hinkwaswo leswi humeleleke.

1 TIHOSI 2:19

Hiloko Batixeba a ya eka hosi Solomoni, ku ya vulavulela Adoniya. Hosi yi tlakuka ku hlanganisa mana wa yona, yi n'wi xeweta hi ku korhama, kutani yi tlhelela exitshan'wini xa yona, yi lerisa leswaku mana wa yona a tiseriwa xitshamu xin'wana. Batixeba a tshama hi le tlhelweni ra xinene ra hosi,

2 SAMIELE 11:7

Loko Uriya a fika, Davhida a n'wi vutisa ta ku pfuka ka Yowabu ni masocha, ni ta leswi nyimpi yi fambisaka xiswona.

Genesa 19:1

Loko tintsumi leti timbirhi ti fika emutini wa Sodoma, ti kume Lota a tshamile enyangweni ya muti wa Sodoma. Loko Lota a ti vona, a suka a yima a ya ti hlanganisa, a fika a korhama,

Genesa 18:2

Loko Abrahama a tlakusa mahlo, o vona vavanuna vanharhu va yimile emahlweni ka yena; hiloko a suka enyangweni ya ntsonga wa yena hi ku tsutsuma, a ya va hlanganisa, a fika a korhama,

Genesa 14:17

Loko Abrama a vuya hi le ku hlaseleni ka Kedoro-Lawomere ni tihosi leti a ti yima na yena, hosi ya Sodoma yi humile yi ya n'wi hlanganisa eka Nkova-wa-Xavhe (hileswaku Nkova-wa-hosi).

Timhaka 28:15

Loko vamakwerhu va le Rhoma va twa leswaku ha fika, va ta ku ta hi hlanganisa entsendzeleni wa Apiyo, laha ku vuriwaka “Tihodela-Tinharhu”; kuteloko Pawulo a va vona, a nkhensa Xikwembu, a tiyisa mbilu.

Timhaka 20:37

Kutani hinkwavo va sungula ku rila swinene, va vukarha Pawulo, va n'wi ntswontswa;

Luka 7:45

A wu ndzi ntswontswanga; kambe loyi, hi mpfhuka ndzi nghena la, a nga tshikanga ku ndzi ntswontswa milenge.

Pisalema 2:12

Nkhinsamani emilengeni ya xona, xi ta ka xi nga karihi, na n'wina mi ta ka mi nga lovi ma ha ri endleleni, hikuva vukari bya xona byi hatla ku pfurha. Va katekile hinkwavo lava tumbelaka eka xona.

Vaavanyisi 11:34

Loko Yefta a fika emutini wa yena eMispa, ko huma n'wana wa yena wa nhwanyana a n'wi hlanganisa a ri ni swingomana, a ri karhi a cina, Nhwanyana loyi, a a ri yexe eka Yefta, ehandle ka yena, Yefta a a nga ri na n'wana wa mufana kumbe wa nhwanyana.

Tinhlayo 22:36

Kuteloko Balaka a twa leswaku Balaama wa karhi wa ta, a huma a ya n'wi hlanganisa emutini wa Ara lowu nga kusuhi ni nambu wa Arinoni, wona ndzilekana wa tiko ra Mowabu.

Genesa 46:29

Hiloko Yosefa a lulamisa kalichi ya yena, a tlhandlukela emugangeni wa Goxeni, a ya hlanganisa tata wa yena, a fika a titivisa eka yena, kutani a n'wi vukarha, a sungula ku rila a n'wi vukarhile.

Genesa 45:15

Yosefa a ntswontswa vamakwavo hinkwavo, a va vukarha a ri karhi a rila. Endzhaku ka swona, vamakwavo va vulavula na yena.

Genesa 31:28

Hikokwalaho ka yini u nga ndzi nyikanga nkarhi wo ntswontswa vatukulu va mina ni vana va mina xana? Mhaka leyi u yi endleke, i ya vuphukuphuku swinene!

Genesa 43:26

Loko Yosefa a fika ekaya, va teka tinyiko leti a va ri na tona, va n'wi yisela, va fika va nkhinsama emahlweni ka yena.

Eksoda 4:27

Kutani HOSI Xikwembu xi ku ka Aroni: “Famba a ya hlangana na Muxe emananga.” Hiloko Aroni a famba a ya hlangana na Muxe entshaveni ya Xikwembu, a fika a n'wi ntswontswa.

Eksoda 18:6

A rhumela rito eka Muxe a ku: “Mina Yetro mukon'wana wa wena, ndzi ta ka wena ndzi ri ni nsati wa wena ni vana va yena vambirhi.”

Eksoda 33:7

Enkarhini lowu, Muxe a a toloverile ku teka ntsonga, a ya wu vamba ehandle kule ni mixaxa, a wu thya vito a ku i “Ntsonga-wo-hlangana-na-HOSI”. Kutani un'wana ni un'wana loyi a a lava ku vutisa timhaka eka HOSI Xikwembu, a a huma a ya eka ntsonga lowu, ehandle ka mixaxa.

1 SAMIELE 17:18

U ta teka ni khume ra magadi ya masi, u ya nyika ndhunankulu ya mavuthu ya vona. U ta rungurisana ni vamakwenu, kutani u vuya u tamele xanchumu lexi nga ta hi khorwisa leswaku u yile u ya fika le va nga kona.

1 SAMIELE 17:22

Davhida a rhula ndzhwalo wa yena, a wu siya emavokweni ya muhlayisi wa tinhundzu, kutani a tsutsumela erivaleni ra nyimpi, a fika a pfuxela vamakwavo.