Eksoda 18:4 - BIBELE Mahungu Lamanene

⁴ Lowa vumbirhi, a a n'wi thyile vito ra Eliezere (hileswaku: “Xikwembu xanga i mupfuni”), hikuva a a ku: “Xikwembu xa tatana, hi xona xi ndzi pfuneke, xi ndzi ponisa ku dlayiwa hi Faro.”

Xitsonga (Bibele)

⁴ vito ra un'wana a a ri Eliezere, hikuva a a ku: “Xikwembu xa tata wa mina xi ndzi pfunile, xi ndzi lamulele ematlharini ya Faro.”

Eksoda 18:4 Referans Kwoze

Vaheveru 13:6

Hikokwalaho hi nga vula hi tiyile, hi ku: “Hosi i mupfuni wa mina, a ndzi nga chavi nchumu; munhu a nga ndzi endla yini xana?”

2 Timotiya 4:17

Kambe Hosi yi yimile na mina yi ndzi tiyisa, leswaku ndzi kota ku vula Rito ndzi heta, ni leswaku vamatiko hinkwavo va ta kota ku ri twa. Naswona ndzi vutliwile enon'weni wa nghala;

Timhaka 12:11

Loko Petro a xalamuka, a ku: “Sweswi ndza swi tiva swinene leswaku Hosi yi rhumile ntsumi ya yona, kutani yi ndzi ponisile emavokweni ya Heroda, ni ka hinkwaswo leswi tiko ra Vayuda a ri tiyimisele ku ndzi endla swona.”

Daniele 6:22

Xikwembu xa mina xi rhumile ntsumi ya xona yi ta siva milomo ya tinghala, kutani a ti ndzi endlanga nchumu, hikuva xi ndzi kumile ndzi nga ri na xisandzu emahlweni ka xona; hambi ku ri emahlweni ka wena hosi, a ndzi endlanga nchumu xo biha.”

Pisalema 46:1

Xikwembu i khokholo ra hina leri tiyeke; vanhu lava nga khombyeni, xi hatla xi va pfuna.

Pisalema 34:4

Ndzi komberile HOSI Xikwembu leswaku xi ndzi pfuna, kutani xi ndzi hlamurile, xi ndzi ntshunxa eku chaveni ka mina hinkwako.

Pisalema 18:48

We Xikwembu, wa ndzi ntshunxa emavokweni ya valala va mina, hakunene u ndzi pfuna ku hlula lava lwaka na mina, u ndzi lamulela eka vanhu va tihanyi.

Pisalema 18:1

Ndza ku rhandza we HOSI, wena matimba ya mina.

1 TIKRONIKA 23:15

mavito ya vona i Gerixomu, na Eliezere.

Eksoda 2:15

Loko Faro a twa mhaka leyi, a lava Muxe ku n'wi dlaya; kambe Muxe a balekela Faro, a kongoma etikweni ra Midiyani ku ya tumbela kona, a fika a wisa exihlobyeni.

Timhaka 7:29

Loko Muxe a twa sweswo, a baleka, a ya luvela etikweni ra Midiyani; kutani kona ku velekiwa vana va yena vambirhi va xinuna.

Vaheveru 11:34

Va timile mindzilo leyo leva, va pona ku tlhaviwa hi mabanga, va kuma matimba va ri lava tsaneke, va hundzuka tinghwazi ta matimba eku lweni, va tsutsumisa tinyimpi ta valala.

Genesa 49:25

Xikwembu xa tata wa wena a xi ku pfune, Xikwembu-xa-matimba-hinkwawo a xi ku katekise, xi ku nisele minkateko yo huma etilweni, xi ku pfelerisela minkateko yo huma exidziveni lexikulu lexi naveke hansi ka misava xi ku nyika vatukulu lavotala ni swifuwo leswo tala.

Eksoda 2:22

Sipora a veleka n'wana wa mufana, kutani Muxe a n'wi thya vito ra Gerixomu (hileswaku: “Ndzi muluveri kwala”), hikuva a a ku: “Ndzi muluveri etikeweni ra vanhu vambe.”

Eksoda 4:20

Hiloko Muxe a teka nsati ni vana va yena, a va gadisa mbhongolo, kutani a tlhelela etikweni ra Egipta, a famba a khomile nhonga ya Xikwembu.

1 TIKRONIKA 23:17

Mativula ya Eliezere i Rehabiya. Rehabiya loyi a a ri n'wana un'we wa xinuna eka tata wa yena, kambe yena ú kumile vana lavo tala va xinuna.

Eksoda 10:28

Kwalaho Faro a ku ka Muxe: “Suka mahlweni ka mina u famba! Tivonele leswaku ni siku ni rin'we ndzi nga ha ku voni; loko ndzo ku vona, u file!”