Eksoda 18:25 - BIBELE Mahungu Lamanene

²⁵ Kutani Muxe a hlawula vavanuna lava tiyeke exikarhi ka Vaisraele hinkwavo, a va veka ku va varhangeri, va fambisa mintlawa ya vanhu va 1 000, kumbe 100, kumbe 50, kumbe 10.

Xitsonga (Bibele)

²⁵ Kavaloko Muxe a hlawula exikarhi ka tiko ra Israele hinkwaro vavanuna lava lulameke, a va veka tindhuna ta tiko, ti ri tindhuna ta madzanadzana, ni ta madzana, ni ta ntlhanu wa makume, ni ta makume,

Eksoda 18:25 Referans Kwoze

Duteronoma 1:15

Hikokwalaho, ndzi tekile vakulukumba va tinyimba ta ka n'wina, va nga vavanuna vo tlhariha lava tivaka timhaka, ndzi va veka ku va varhangeri va n'wina, va fambisa mintlawa ya vanhu va 1 000, van'wana ya 100, van'wana ya 50, van'wana ya 10, va va valanguteri va tinyimba ta ka n'wina hinkwato.

Eksoda 18:21

Tlhandlakambirhi, tihlawulele exikarhi ka vanhu hinkwavo vavanuna lava tiyeke, u va veka ku va varhangeri, va fambisa mintlawa ya vanhu va 1 000, van'wana ya 100, van'wana ya 50, van'wana ya 10. Vavanuna lava va fanele ku va lava xiximaka Xikwembu, lava tshembekeke, naswona lava nga ta ala ku xaviwa.

Timhaka 6:5

Marito walawo ma amukeriwa hi nhlengeletano hinkwayo; kutani va hlawula Stefano, wanuna la teleke ku pfumela ni Moya lowo Kwetsima; va hlawula na Filipi, na Prokoro, na Nikanoro, na Timoni, na Parmena, na Nikolawo wa Antiyoka, munhu loyi a a rhange a amukeriwa eXiyudeni.

Genesa 47:6

Hiswona, tiko ra Egipta i ra wena, komba tata wa wena ni vamakwenu xivandla lexi sasekeke swinene, va byele va ya tshama emugangeni wa Goxeni. Kutani loko u tiva van'wana exikarhi ka vona lava nga ni vutivi bya swifuwo, va veke ku va vahlayisi va mintlhambi ya mina.”

Eksoda 18:24

Muxe a amukela marito ya mukon'wana wa yena, a endla hinkwaswo leswi a n'wi tsundzuxeke swona.

Tinhlayo 1:4

Eka nyimba yin'wana ni yin'wana, ku ta huma wanuna un'we la nga nhloko endyangwini wa yena, a ta mi pfuna.

Tinhlayo 1:16

Lava hi vona lava hlawuriweke exikarhi ka ntshungu, va ri varhangeri va tinyimba ta ka vona ni tinhloko ta mindyangu ya Vaisraele.

Tinhlayo 11:16

Kutani HOSI Xikwembu xi ku ka Muxe: “Ndzi hlawulele vavanuna va 70 exikarhi ka vakulukumba lava u va tivaka va ri vakulukumba ni varhangeri etikweni, u ya na vona eka Ntsonga lowo Hlawuleka, u fika u yima na vona kona.

2 SAMIELE 18:1

Davhida a hlengeleta vavanuna lava a a ri na vona, a veka ni tindhuna leti nga ta rhangela mavuthu ya gidi kumbe ya dzana ra masocha.