Eksoda 18:23 - BIBELE Mahungu Lamanene

²³ Loko u endla tano, ni loko Xikwembu xi ku lerisisa xisweswo, u ta kota ku yisa ntirho emahlweni; naswona, vanhu lava hinkwavo va ta ya emakaya va rhulisiwile timbilu.”

Xitsonga (Bibele)

²³ Kutakuloko u endla mhaka leyi, Xikwembu na xona xi ku lerisa yona, u ta tiya, tiko leri hinkwaro ri ta fika hi ku tsaka ri yaka kona.”

Eksoda 18:23 Referans Kwoze

Eksoda 18:18

Wena ni vanhu lava u nga na vona mi ta tidlaya hi mintirho; ndzhwalo lowu i wukulu ngopfu eka wena, u nga ka u nga wu koti u ri wexe.

1 SAMIELE 8:22

Kutani HOSI Xikwembu xi ku eka Samiele: “Yingisa marito ya vona, u va vekela hosi.” Hiloko Samiele a ku ka vavanuna va Israele: “Mukani hinkwenu! Yanani emakaya!”

2 SAMIELE 18:3

Kambe vavanuna va hlamula va ku: “E-e, wena u nga ka u nga yi enyimpini, hikuva hina, hambiloko hi ya hi ya tsutsuma, kumbe van'wana va hina va dlayiwa enyimpini, a va nga vi na mhaka na swona; kasi wena u ni ntikelo ku ringana na hina hi ri 10 000, kutani swa antswa u sala laha mutini; u ta hi rhumela lava nga ta hi pfuna.”

Genesa 18:33

Loko HOSI Xikwembu xi hetile ku vulavula na Abrahama, xi suka xi famba, kutani Abrahama a tlhelela entsongeni wa yena.

Vagalatiya 2:2

Ndzi tlhandlukele kona hi ku hlawuteriwa hi Xikwembu. Ndzi vonanile ni vafambisi va kona hi tlhelo, kutani ndzi va anekela Evhangeli leyi ndzi yi twariseke exikarhi ka vamatiko. A ndzi nga lavi leswaku leswi ndzi swi tirheke, ni leswi ndzi swi tirhaka sweswi, swi hundzuka swa hava.

Timhaka 15:2

Kambe Pawulo na Barnaba va hambana ngopfu na vona emhakeni leyi, va kanetana na vona hi matimba; kutani va lulamisa leswaku Pawulo na Barnaba va ta ya eYerusalema va ri ni van'wana va Antiyoka, ku ya vutisa mhaka leyi eka vaapostola ni ka vakulukumba.

2 SAMIELE 21:17

Kambe Abixayi n'wana Seruya a lamulela Davhida, a juma Mufilista, a n'wi dlaya. Kutani masocha ma khongotela Davhida hi matimba, ma ku: “U nga ha humi nyimpi na hina, hikuva hi chava leswaku u nga tshuka u timeka, wena rivoni ra Israele.”

2 SAMIELE 19:39

Loko hosi Davhida a perile, na vona vanhu hinkwavo va pela Yordani. Hosi Davhida a ntswontswa Barizilayi, a n'wi navelela minkateko, kutani Barizilayi a tlhelela ekaya ka yena.

Genesa 30:25

Kuteloko Rahele a velekile Yosefa, Yakobo a ku ka Labani: “Ndzi pfumelele ndzi famba ndzi ya eka hina etikweni ra rikwerhu.

Eksoda 16:29

Twisisani leswaku mina HOSI ndzi mi nyikile siku ra ku wisa ra Savata; hikokwalaho, hi siku ra vu-6, ndzi mi nyika swakudya swa masiku mambirhi, kutani un'wana ni un'wana wa n'wina a a tshame lomu a nga kona, ku nga tshuki ku va ni loyi a humaka a ya ehandle, hi siku ra vu-7.”

Eksoda 18:22

Kutani u tshika vavanuna lava va hamba va avanyisela vanhu timhaka ta vona. Mhaka yin'wana ni yin'wana leyikulu, va ta yi tisa eka wena, kambe letitsongo hinkwato va ta ti avanyisa vona; sweswo swi ta vevukisa mpingu wa wena, hikuva u ta rhwarisana na vona mpingu wa kona.

Eksoda 18:24

Muxe a amukela marito ya mukon'wana wa yena, a endla hinkwaswo leswi a n'wi tsundzuxeke swona.