Eksoda 18:21 - BIBELE Mahungu Lamanene

²¹ Tlhandlakambirhi, tihlawulele exikarhi ka vanhu hinkwavo vavanuna lava tiyeke, u va veka ku va varhangeri, va fambisa mintlawa ya vanhu va 1 000, van'wana ya 100, van'wana ya 50, van'wana ya 10. Vavanuna lava va fanele ku va lava xiximaka Xikwembu, lava tshembekeke, naswona lava nga ta ala ku xaviwa.

Xitsonga (Bibele)

²¹ U hlawula exikarhi ka tiko hinkwaro vavanuna lavanene, lava chavaka Xikwembu, vavanuna lava lulameke, lava vengaka bindzu leri nga lulamangiki; u va veka tindhuna ta madzanadzana, ni ta madzana, ni ta ntlhanu na makume, ni ta makume;

Eksoda 18:21 Referans Kwoze

Timhaka 6:3

Loko swi ri tano vamakwerhu, hlawulani vavanuna va 7 exikarhi ka n'wina, lava tivekaka va ri lava teleke Moya ni vutlhari, leswaku hi va veka ku vona timhaka leti.

Ezekiele 18:8

Loko a lombisa mali, a nga lavi ntswalo wa yona, a nga bindzuli ha yona. Ú chava ku endla leswo homboloka; timhaka ta vanhu, wa ti tsema hi ku lulama.

2 SAMIELE 23:3

Xikwembu xa Israele xi vulavurile. Xona xi nga ribye ra vuchavelo bya Israele, xi te ka mina: ‘Loyi a fumaka vanhu hi ku lulama a fuma a ri karhi a xixima Xikwembu,

1 Timotiya 3:3

A nga vi xidakwa, kumbe munhu wa tinyimpi, kambe a va lowo rhula, a nga vi na vuntswaka, naswona a nga vi loyi a rhandzaka ngopfu mali.

Zakariya 8:16

Leswi mi fanelaka ku endla swona hi leswi: Vulavulani ntiyiso mi nga hembelani. Etihubyeni ta n'wina, avanyisani timhaka hi ku lulama, mi tisa ku rhula evanhwini.

Zakariya 7:9

ku ya tivisa vanhu marito lama nge: “Loko mi avanyisa, avanyisani hi ntiyiso, kombisanani tintswalo ni rirhandzu;

Ezekiele 22:12

Exikarhi ka vanhu va wena, ku ni lava nyikiwaka mali leswaku va ya dlaya warikwavo. Loko u lombisa mali, u lava ntswalo wa yona, u bindzula ha yona; u kanganyisa varikwenu, u va tekela swa vona, kambe mina wa ndzi rivala! Ndzi vula sweswo mina HOSI.

Yeremiya 5:1

HOSI Xikwembu xi ri: “Rhendzelekani hi magondzo ya Yerusalema, mi xiyaxiya leswi humelelaka. Lavisisani etimbaleni ta muti, kutani loko mi nga tshuka mi kuma munhu la tsakelaka ntiyiso ni ku endla leswi lulameke, mina ndzi ta rivalela Yerusalema.

Eklesiasta 12:13

Eka hinkwaswo leswi u swi tweke, rito ro hetelela hi leri: Chava Xikwembu, u hlayisa milawu ya xona, hikuva sweswo i fanelo ya munhu un'wana ni un'wana.

Swivuriso 28:2

Loko ku tshuka ku humelela mpfilumpfilu etikweni, lava lavaka vurhangeri, va tele, kambe loko ku ri ni un'we wo tlhariha la nga ni miehleketo, tiko ri ta kuma ku rhula nkarhi wo leha.

Pisalema 15:5

A nga lavi ntswalo, loko a lombile munhu emali, ú ala ni ku xaviwa leswaku a dlayisa la nga riki na nandzu. La endlisaka sweswo a nga ka a nga tsekatsekisiwi ni siku ni rin'we.

Ntirho 31:13

“Loko ndzi tshama ndzi bakanya xirilo xa nandza wa mina wa xinuna kumbe wa xisati, siku va ndzi mangalelaka ehubyeni,

Ntirho 29:16

A ndzi ri tatana eka swisiwana, ni lava ndzi nga va tiviki, a ndzi kambisisa timhaka ta vona.

Nehemiya 7:2

Kutani ndzi veka makwerhu Hanani, na Hananiya loyi a a hlayisa khokholo leswaku va va vona valanguteri va muti wa Yerusalema. Hananiya a a ri munhu wo tshembeka, naswona a a chava Xikwembu ku tlula vanhu vo tala.

Nehemiya 5:9

Kutani ndzi ku: “Leswi mi swi endlaka, swi bihe ngopfu! Hikwalaho ka yini mi nga chavi Xikwembu, leswaku vamatiko, vona valala va hina, va ta tshika ku hi hlekula xana?

1 SAMIELE 8:3

Vana lava a va landzanga mintila ya Samiele tata wa vona, kambe va hambukile hi ku navela ngopfu mali, va pfumela ku xaviwa, va nga ha avanyisi timhaka hi ku lulama.

Eksoda 18:25

Kutani Muxe a hlawula vavanuna lava tiyeke exikarhi ka Vaisraele hinkwavo, a va veka ku va varhangeri, va fambisa mintlawa ya vanhu va 1 000, kumbe 100, kumbe 50, kumbe 10.

Genesa 22:12

Yi ku ka yena: “N'wana yoloye u nga tshuki u n'wi endla nchumu, ni ku n'wi khumba u nga n'wi khumbi. Sweswi ndza swi tiva leswaku wa xi chava Xikwembu, hikuva a wu alanga ku xi nyika n'wana wa wena loyi a ngo va un'we.”

Timhaka 20:33

A ndzi lavanga mali ya silivhere kumbe ya nsuku, hambi xi ri xiambalo, eka munhu ni un'we.

Esaya 59:4

Loko mi yisa mhaka ehubyeni leswaku yi ya kaneriwa, a mi lavi leswi lulameke, a mi tshembeki; mi vulavula mavunwa mi tshika ntiyiso, mi tshama van'wana xikungu, mi vanga makhombo.

Esaya 33:15

Leswi swi kota hi lava hanyaka vutomi lebyinene, lava vulavulaka ntiyiso, lava nyenyaka ku kuma rifuwo hi ku xanisa van'wana, vanhu lava nga pfumeriki ku fumbarherisiwa swo va xava, lava nga laviki ku twa nchumu hi ku halata ngati, lava nga tihlanganisiki ni lava endlaka leswo homboloka.

Genesa 42:18

Hi siku lera vunharhu, Yosefa a ku ka vona: “Mina ndzi munhu loyi a chavaka Xikwembu; loko mo endla leswi ndzi nga ta mi byela swona, ndzi ta mi tsetselela:

Luka 18:4

Swi tekile nkarhi lowo leha yena a ha ala. Kambe endzhaku a tianakanya, a ku: ‘Hambiloko ndzi nga chavi Xikwembu, ndzi nga vuri nchumu hi vanhu,

Luka 18:2

a ku: “Emutini wun'wana a ku ri ni muavanyisi loyi a a nga chavi Xikwembu, ni vanhu a a nga vuri nchumu ha vona.

Esaya 16:5

Enkarhini wolowo, ku ta vekiwa hosi exiluvelweni xa Davhida, leyi nga ta fuma hi tintswalo ni ku tshembeka; yi ta avanyisa hi ndlela leyinene, yi nge tshiki ku endla leswi lulameke.

1 TIHOSI 18:12

Kasi loko hi ta va hi hambanile, Moya wa HOSI Xikwembu wu nga sala wu ku yisa endhawini leyi ndzi nga yi tiviki; kutaku loko ndzi ya fika eka Akabu, ndzi n'wi tivisa ta wena, kutani yena a nga ku kumi, hakunene ú ta ndzi dlaya, hambileswi mina nandza wa wena ndzi chaveke HOSI Xikwembu ku sukela evuhlangini bya mina.

1 TIHOSI 18:3

Hikokwalaho, Akabu a vitana Obadiya, mulanguteri wa swa le ntsindza. (Obadiya a a ri munhu la chavaka ngopfu HOSI Xikwembu.

1 SAMIELE 8:12

Naswona, hosi yi ta va endla tindhuna ta nyimpi ni ta mavuthu; kasi van'wana va ta rima masimu ya hosi ni ku tshovela mavele ya yona; va ta fula matlhari ya yona ni tinsimbhi ta makalichi ya yona.

Yoxuwa 22:14

Finiyasi ú fambile ni varhangeri va 10 lava a va ri tinhloko emindyangwini ya ka vona. Nyimba yin'wana ni yin'wana yi humesile munhu un'we.

Tinhlayo 10:4

Kambe loko ku biwa yin'we, ku ta ta ntsena varhangeri, vona lava nga tinhloko ta tinyimba ta Vaisraele, va ta hlangana na wena.

Genesa 47:6

Hiswona, tiko ra Egipta i ra wena, komba tata wa wena ni vamakwenu xivandla lexi sasekeke swinene, va byele va ya tshama emugangeni wa Goxeni. Kutani loko u tiva van'wana exikarhi ka vona lava nga ni vutivi bya swifuwo, va veke ku va vahlayisi va mintlhambi ya mina.”

Tinhlayo 1:4

Eka nyimba yin'wana ni yin'wana, ku ta huma wanuna un'we la nga nhloko endyangwini wa yena, a ta mi pfuna.

Tinhlayo 1:16

Lava hi vona lava hlawuriweke exikarhi ka ntshungu, va ri varhangeri va tinyimba ta ka vona ni tinhloko ta mindyangu ya Vaisraele.

Duteronoma 22:18

Kutani vakulukumba va muti va ta khoma wanuna loyi, va n'wi ba,

Ezra 7:25

“Wena Ezra, tirhisa vutlhari lebyi Xikwembu xa wena xi ku nyikeke byona, u hlawula varhangeri ni vaavanyisi lava va nga ta fambisa vanhu hinkwavo lava va nga xifundzheni lexi nga vupeladyambu bya Yufrata; u ta hlawula lava va tivaka nawu wa Xikwembu xa wena; lava va nga wu tiviki, u ta va dyondzisa.

Ntirho 1:1

Khale, etikweni ra Usi, a ku ri ni munhu wo lulama wa mahanyelo lamanene, loyi a va ku i Yobo; munhu loyi a a tirhela Xikwembu, a fularhela leswo biha.

Pisalema 15:1

We HOSI, i mani la nga ta ku endzela eTempeleni ya wena, xana? Ku ta aka mani entshaveni ya wena leyo hlawuleka, xana?

Eksoda 17:9

Kutani Muxe a byela Yoxuwa a ku: “Hlawula vavanuna lava nga ta hi lwela, u huma nyimpi na vona mi ya lwa ni Vaamaleke; loko a ri mina, mundzuku ndzi ta ya yima enhlohlorhini ya ntshava ndzi khomile nhonga ya Xikwembu evokweni.”

2 SAMIELE 18:1

Davhida a hlengeleta vavanuna lava a a ri na vona, a veka ni tindhuna leti nga ta rhangela mavuthu ya gidi kumbe ya dzana ra masocha.