Eksoda 18:19 - BIBELE Mahungu Lamanene

¹⁹ Sweswi, yingisa leswi ndzi ku byelaka swona; ndzi navela ku ku tsundzuxa, kutani Xikwembu a xi ve na wena! Wena u ta hamba u va muyimeri wa vanhu eka Xikwembu, u fikisa timhaka ta vona eka xona.

Xitsonga (Bibele)

¹⁹ Sweswi, yingisa rito ra mina, ndzi ta ku letela; Xikwembu a xi ve na wena. U va wena la yimaka emahlweni ka Xikwembu ematshan'weni ya tiko, u byela Xikwembu timhaka.

Eksoda 18:19 Referans Kwoze

Tinhlayo 27:5

Kutani Muxe a hundzisela mhaka ya vona eka HOSI Xikwembu.

Duteronoma 5:5

Enkarhini wa kona, mina a ndzi yimile exikarhi ka n'wina na HOSI Xikwembu leswaku ndzi mi tivisa marito ya xona, hikuva n'wina a mi chava ndzilo, kutani a mi nga khandziyi ntshava. “Kutani HOSI Xikwembu xi te:

Eksoda 20:19

Kutani va ku ka Muxe: “Vulavula na hina wena, hi ta yingisa, kambe xi nga vi Xikwembu lexi vulavulaka na hina, hikuva hi nga fa!”

Eksoda 3:12

Kutani Xikwembu xi ku ka yena: “Ndzi ta va na wena; xikombiso xa leswaku ndzi ku rhumile xi ta va lexi: Loko u humesile vanhu va Israele etikweni ra Egipta, mi ta ndzi gandzela entshaveni leyi.”

Genesa 39:2

HOSI Xikwembu a xi ri na Yosefa, kutani a a kateka eka hinkwaswo leswi a swi endlaka. Yosefa a a tshama emutini wa n'wini wa yena lowa Muegipta.

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

Swivuriso 9:9

Tsundzuxa munhu loyi a tlhariheke, vutlhari bya yena byi ta engeteleleka, loyi a lulameke, n'wi dyondzise, a ta dyondza a ya emahlweni.

2 SAMIELE 14:17

Naswona, mina nandza wa wena a ndzi ku: ‘Marito ya hosi n'wini wa mina ma ta ndzi rhulisa mbilu!’ hikuva wena hosi n'wini wanga, u fana ni ntsumi ya Xikwembu, u kota ku hlawula leswinene eka leswo biha. HOSI Xikwembu xa wena a xi ve na wena!”

Yoxuwa 1:9

Tsundzuka leswi ndzi ku leriseke swona: Tiya, u va ni xivindzi; u nga chavi nchumu, u nga heli matimba, hikuva mina HOSI Xikwembu xa wena ndzi ta va na wena hinkwako lomu u nga ta ya kona.”

Duteronoma 20:1

“Loko mi huma nyimpi mi ya lwa ni valala va n'wina, mi nga tshuki mi chava loko mi vona tihanci ta vona ni makalichi ya nyimpi; hambiloko vuthu ra vona ri kurile ku tlula ra n'wina, mi nga va chavi hikuva HOSI Xikwembu xa n'wina, xona lexi xi mi humeseke etikweni ra Egipta, xi ta va na n'wina.

Eksoda 18:24

Muxe a amukela marito ya mukon'wana wa yena, a endla hinkwaswo leswi a n'wi tsundzuxeke swona.

Eksoda 18:15

Muxe a hlamula mukon'wana wa yena, a ku: “Vanhu va ta va ta ndzi vutisa leswaku Xikwembu xi ri yini etimhakeni ta vona.

Eksoda 4:16

Aroni ú ta vulavula ematshan'wini ya wena, a va nomo wa wena eka vanhu, kutani wena u ta fana ni Xikwembu eka Aroni.

Eksoda 4:12

Hikokwalaho, famba sweswi! Mina ndzi ta ku pfuna ku vulavula; ndzi ta ku byela ni leswi u nga ta vula swona.”

Eksoda 18:20

Hi wena u nga ta va dyondzisa swileriso ni milawu, u va tivisa leswi va fanelaka ku hanyisa swona, ni leswi va fanelaka ku endla swona.