Eksoda 18:16 - BIBELE Mahungu Lamanene

¹⁶ Loko munhu ni muakelani wa yena va holovile, va ta eka mina, kutani mina ndzi va avanyisela mhaka ya vona, ndzi va hlamusela swileriso swa Xikwembu ni milawu ya xona.”

Xitsonga (Bibele)

¹⁶ Siku va nga ni mhaka, va ta eka mina, ndzi avanyisela un'wana ni un'wana, ndzi va tivisisa ku lerisa ka Xikwembu ni milawu ya xona.”

Eksoda 18:16 Referans Kwoze

Eksoda 24:14

kutani a byela vakulukumba a ku: “Hi yimeleni kwala hi kondza hi vuya. Aroni na Huri va ta sala na n'wina, kutani un'wana ni un'wana loyi a nga ta va ni mhaka leyi a lavaka ku pfuniwa eka yona, a a ye eka vona.”

1 Vakorinto 6:1

Loko un'wana wa n'wina a ri ni mhaka ya ku tengisana ni un'wanyana, hikwalaho ka yini a nga chavi ku yisa mhaka ya yena eka vamatiko leswaku va yi avanyisa, ematshan'wini ya ku yi yisa eka vahlawuriwa va Xikwembu xana?

2 SAMIELE 15:3

Abixalomu a a ku ka yena: “Languta, mhaka ya wena ya twala, yi le rivaleni; kambe exikarhi ka vavulavuri va timhaka ehosini, a wu nga kumi na un'we loyi a nga ta ku yingisa!”

Duteronoma 5:1

Kutani Muxe a hlengeleta Vaisraele hinkwavo, a vulavula na vona a ku: “N'wina Vaisraele, yingisani swinene milawu ni swiletelo leswi ndzi mi byelaka swona namuntlha; swi dyondzeni mi swi hlayisa, mi hanya ha swona.

Duteronoma 4:5

“Vonani, ndzi mi dyondzisile milawu ni swiletelo, hilaha HOSI Xikwembu xi ndzi leriseke hakona, leswaku loko mi nghena etikweni leri mi nga ta ri teka ri va ra n'wina, mi ta hanya ha swona.

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

Ntirho 31:13

“Loko ndzi tshama ndzi bakanya xirilo xa nandza wa mina wa xinuna kumbe wa xisati, siku va ndzi mangalelaka ehubyeni,

1 SAMIELE 12:23

Loko a ri mina, ndzi ta va ndzi dyohela HOSI Xikwembu loko ndzi nga ha mi khongeleli; hikokwalaho, ndzi ta mi tsundzuxa tindlela letinene, to lulama:

Duteronoma 6:1

“Leswi i swileriso ni milawu ni swiletelo leswi HOSI Xikwembu xa n'wina xi ndzi byeleke ku ta mi dyondzisa swona; mi ta hanya ha swona loko mi ta va mi nghenile etikweni leriya mi yaka mi ya ri teka, leswaku ri va ra n'wina.

Tinhlayo 15:35

Hiloko HOSI Xikwembu xi ta ku ka Muxe: “Munhu yoloye ú fanele ku dlayiwa; ntshungu hinkwawo a wu ye wu ya n'wi khandla hi maribye ehandle ka mixaxa.”

Levhitika 24:15

Kutani u tivisa Vaisraele leswaku hinkwavo lava va rhuketelaka Xikwembu xa vona, va tivangela khombo.

Eksoda 23:7

Chavani ku lumbeta van'wana, naswona mi nga tshuki mi dlaya loyi a nga riki na nandzu kumbe loyi a lulameke, hikuva ndzi nga ka ndzi nga tshiki nandzu wa lava endlaka vubihi byo tano.

Eksoda 2:13

Hi siku leri tlhandlamaka, a tlhela a endzela varikwavo, kutani a kuma Vaheveru vambirhi va ri karhi va lwa; kutani a vutisa loyi a a ri ni xihoxo, a ku: “U bela yini warikwenu xana?”

Eksoda 18:17

Kutani mukon'wana wa Muxe a ku: “Matirhele ya wena a ma hetisekanga.

2 TIKRONIKA 19:10

Varikwenu va ta mi tisela timhaka leti humeleleke emitini ya vona, ti nga ta ku dlayana, kumbe ku phikisana hi tlhelo ra ku rhandza ka Xikwembu ni swileriso swa xona, ni milawu, ni swiletelo; n'wina mi ta va laya, va ta ka va nga tivangeli nandzu emahlweni ka HOSI Xikwembu, kutani xona a xi nga mi hlundzukeli, n'wina ni varikwenu lava; mi ta va mi humile nandzwini, loko mi tirha hi mukhuva wolowo.