Eksoda 18:14 - BIBELE Mahungu Lamanene

¹⁴ Loko Yetro mukon'wana wa Muxe a vona hinkwaswo leswi Muxe a a ri karhi a endlela vanhu swona, a n'wi vutisa a ku: “Xana i ntirho muni lowu u endlelaka vanhu lava xana? Xana hikwalaho ka yini ku tshama wena ntsena ehansi, vanhu lavan'wana hinkwavo va yimile va ku rhendzerile, ku sukela nimixo ku fikela nimadyambu, xana?”

Xitsonga (Bibele)

¹⁴ Kuteloko mukon'wana wa Muxe a vonile hinkwaswo leswi a swi endlelaka tiko, a ku: “Ntirho lowo u wu endlelaka tiko hi lowo yini? U avanyisela yini tiko u ri swaku, ni tiko hinkwaro ri yimele yini mpfhuka wa mpundzu ku ko ku fika madyambu?”

Eksoda 18:14 Referans Kwoze

Eksoda 18:13

Siku leri tlhandlamaka, Muxe a tshama ehansi, a avanyisa milandzu ya vanhu; ku sukela nimpundzu ku kondza ri pela, vanhu va yima va rhendzerile Muxe.

Eksoda 18:15

Muxe a hlamula mukon'wana wa yena, a ku: “Vanhu va ta va ta ndzi vutisa leswaku Xikwembu xi ri yini etimhakeni ta vona.

Eksoda 18:26

Vavanuna lava va hamba va avanyisela vanhu timhaka; timhaka leto tika, va ti tisa eka Muxe, kambe letitsongo hinkwato ti avanyisiwa hi vona.

Tinhlayo 15:34

Kutani va veka munhu loyi leswaku a rindziwa, hikuva a va nga si byeriwa hi ku hetiseka leswi a a fanela ku endliwa swona.

Vaavanyisi 1:16

Vatukulu va Mukeni loyi a a ri mukon'wana wa Muxe, va famba swin'we ni va ka Yuda, va suka emutini wa Mincindzu, va ya emananga ya Yuda lama nga dzongeni kusuhi na Aradi, va fika va tshama exikarhi ka vanhu va kona.

2 SAMIELE 15:2

A a tala ku hubuta, a ya yima endleleni, kusuhi ni nyangwa ya le ntsindza; kutani munhu un'wana ni un'wana la taka ehosini, a tisa mhaka leyi fanelaka ku avanyisiwa ehubyeni, Abixalomu a a n'wi vitana, a n'wi vutisa a ku: “Xana u huma emutini wihi xana?” Loko munhu wa kona a hlamula a ku: “Mina nandza wa wena ndzi wa nyimba yo karhi ya Israele,”