Eksoda 18:12 - BIBELE Mahungu Lamanene

¹² Kutani Yetro mukon'wana wa Muxe a humesela HOSI Xikwembu magandzelo lama hisiwaka ni lama dyiwaka; Aroni ni vakulukumba va Israele hinkwavo va ta va ta dya swakudya na mukon'wana wa Muxe, egandzelweni ra HOSI Xikwembu.

Xitsonga (Bibele)

¹² Kutani Yetro, mukon'wana wa Muxe, a tisela Yehovha mhamba ni magandzelo Aroni ni vakulukumba hinkwavo va Israele va ta dya vuswa ni mukon'wana wa Muxe emahlweni ka Xikwembu.

Eksoda 18:12 Referans Kwoze

Duteronoma 12:7

Mi ta dyela endhawini leyi mi tsakile, emahlweni ka HOSI Xikwembu xa n'wina, hikuva xi ta va xi mi katekisile eka hinkwaswo leswi mi nga ta swi endla, n'wina ni mindyangu ya n'wina.

Genesa 31:54

Hiloko Yakobo a humesa magandzelo entshaveni, a vitana va ka vona va ya dya swakudya, kutani va xwa kona vusiku byebyo.

Eksoda 24:11

HOSI Xikwembu a xi endlanga nchumu eka varhangeri lava va Israele, kambe va xi vonile, kutani va tshama ehansi va dya, ni ku tima torha.

Eksoda 24:5

Kutani Muxe a rhuma majaha ya Israele ku tlhava tihomu, va humesela HOSI Xikwembu magandzelo lama hisiwaka ni ya xinakulobye.

1 Vakorinto 10:31

Nhlamulo hi leyi: Hambi ma dya, hambi ma nwa, hambi mi endla yini na yini, endlani hinkwaswo ku dzunisa Xikwembu.

1 Vakorinto 10:21

A swi endleki leswaku mi nwela exinwelweni xa Hosi ni le xinwelweni xa mademona. A swi endleki leswaku mi dya etafuleni ra Hosi ni le tafuleni ra mademona.

1 Vakorinto 10:18

Anakanyani maendlele ya Vaisraele. Xana lava dyaka swakudya leswi humeseriweke Xikwembu egandzelweni, a va hlanganisiwi na xona Xikwembu egandzelweni ra kona ke?

Luka 14:15

Loko un'wana wa lava tshameke eswakudyeni, a twa timhaka teto, a ku ka Yesu: “Ku katekile loyi a nga ta dya swakudya eMfun'weni wa Xikwembu!”

Luka 14:1

Hi siku ra Savata, Yesu a nghena endlwini ya nkulukumba un'wana wa Vafarisi, ku ya dya swakudya kona. Vanhu a va n'wi xiyaxiya swinene.

Daniele 10:3

A ndzi dyanga nchumu xo nandziha, a ndzi khumbanga nyama kumbe vhinyo, ndzi tshikile ni ku tola mafurha, ku kondza mavhiki manharhu lawa ma hela.

Ntirho 42:11

Kutani vamakwavo hinkwavo va xinuna ni va xisati, ni hinkwavo lava va n'wi tiveke ku sukela khale, va ta emutini wa yena, va n'wi endlela nkhuvo, va ri karhi va n'wi puta vusiwana ni ku n'wi chavelela, hikwalaho ka makhombo lawa HOSI Xikwembu xi n'wi vangeleke wona. Un'wana ni un'wana a n'wi nyika malinyana ni xingwavila xa nsuku.

Ntirho 42:8

Kutani sweswi, tekani tinkuzi ta 7 ni tinyimpfu ta makhuna ta 7, mi ya na swona eka nandza wa mina Yobo, mi fika mi humesa ha swona emagandzelo lama hisiwaka. Yobo ú ta mi khongelela, kutani mina ndzi ta amukela xikhongelo xa yena; a ndzi nga mi bi, hambileswi mi ndzi lumbeteke, mi nga fani na Yobo nandza wa mina.”

Ntirho 1:5

Loko masiku ya nkhuvo wo karhi ma herile, Yobo a a tala ku vitana vana va yena leswaku a ta va basisa; hi siku rero a a hubuta, a ya humesa magandzelo lama hisiwaka, a humesela un'wana ni un'wana wa vana lava, hikuva a a ku: “Vana va mina va nga va va dyoherile Xikwembu, va xi rhuketela emiehleketweni ya vona.” Yobo a a endlisa sweswo minkarhi hinkwayo.

2 TIKRONIKA 30:22

Hosi Hezekiya a vulavula ni Valevhi hinkwavo a va tiyisa, hikuva a va fambisa ntirho wa HOSI hi ndlela yo saseka ngopfu. Kutani vanhu hinkwavo va dya nkhuvo masiku ya 7, va humesa magandzelo ya xinakulobye va ri karhi va tlangela HOSI, Xikwembu xa vatata wa vona.

2 SAMIELE 9:7

Kutani Davhida a ku ka yena: “U nga chavi, hikuva ndzi lava ku ku komba tintswalo hikwalaho ka tata wa wena Yonatani: Ndzi ta ku tlherisela masimu hinkwawo ya kokwa wa wena Sawulo; tlhandlakambirhi, u ta dya na mina laha ntsindza masiku hinkwawo.”

Duteronoma 27:7

Mi ta humesa ni magandzelo ya xinakulobye, mi tlhela mi dyela kwale, mi tsaka emahlweni ka HOSI Xikwembu xa n'wina.

Eksoda 2:20

Yetro a ku ka vana va yena: “Ú kwihi munhu loyi ke? Mi n'wi siyele yini xana? N'wi vitaneni a ta dya swakudya.”

Genesa 43:25

kutani vona va lulamisa tinyiko leti va nga ta ti humesela Yosefa loko a fika ninhlekanhi, hikuva a va swi twile leswaku va ta dya eka Yosefa.

Genesa 26:25

Kutani Isaka a aka alitari a gandzela HOSI Xikwembu kona, a tidzimela ni ntsonga wa yena kona, malandza ya yena wona ma cela xihlovo.

Genesa 12:7

Kutani HOSI Xikwembu xi humelela eka Abrama xi ku ka yena: “Tiko leri, ndzi ta ri nyika vatukulu va wena.” Hiloko Abrama a aka alitari, a akela HOSI Xikwembu lexi humeleleke eka yena.

Genesa 8:20

Nowa a akela HOSI Xikwembu alitari, kutani a pambula xiharhi xin'we exikarhi ka rixaka rin'wana ni rin'wana ra swiharhi leswi tengeke, a pambula ni xinyanyana xin'we exikarhi ka rixaka rin'wana ni rin'wana ra tinyanyana leti tengeke, a humesa gandzelo leri hisiwaka.

Genesa 4:4

kasi Avele yena ú lo pambula swinyimpfana leswi noneke swa mativula exikarhi ka ntlhambi wa yena, a humesela HOSI Xikwembu. Kutani xona xi amukela Avele ni gandzelo ra yena,

Eksoda 2:16

Yetro muprista wa tiko ra Midiyani a a ri ni vana va vanhwanyana va 7, kutani va ta va ta nwisa swifuwo swa tata wa vona, va fika va kelela mati, va cheletela eswitsengeleni.

Eksoda 3:1

Muxe a a risa swifuwo swa mukon'wana wa yena Yetro, muprista wa Midiyani. Siku rin'wana, a tsemakanya mananga ni ntlhambi wa yena, a ya fika eHorebe, entshaveni ya Xikwembu.

Eksoda 18:13

Siku leri tlhandlamaka, Muxe a tshama ehansi, a avanyisa milandzu ya vanhu; ku sukela nimpundzu ku kondza ri pela, vanhu va yima va rhendzerile Muxe.

Eksoda 20:24

Mi ta ndzi akela alitari hi misava, kutani mi ndzi humesela magandzelo ya n'wina lama hisiwaka ni ya xinakulobye ehenhla ka yona, mi tlhavela eka yona swifuwo swa n'wina leswikulu ni leswitsongo. Etindhawini hinkwato leti ndzi ti hlawuleke leswaku mi ndzi gandzela eka tona, ndzi ta ta eka n'wina, ndzi ta mi katekisa.

Eksoda 33:7

Enkarhini lowu, Muxe a a toloverile ku teka ntsonga, a ya wu vamba ehandle kule ni mixaxa, a wu thya vito a ku i “Ntsonga-wo-hlangana-na-HOSI”. Kutani un'wana ni un'wana loyi a a lava ku vutisa timhaka eka HOSI Xikwembu, a a huma a ya eka ntsonga lowu, ehandle ka mixaxa.

Tinhlayo 10:29

Kutani Muxe a byela Hobabu n'wana wa mukon'wana wa yena Rhuwele wa le Midiyani, a ku: “Hi ya endhawini leyi HOSI Xikwembu xi nga tshembisa ku hi nyika yona; tana hi famba swin'we, hi ta ya ku endlela leswinene, hikuva HOSI Xikwembu xi tshembisile Vaisraele ku va endlela leswinene.”

Genesa 26:30

Kutani Isaka a va endlela nkhuvo, va dya va tlhela va nwa.