Eksoda 18:11 - BIBELE Mahungu Lamanene

¹¹ Sweswi ndza swi tiva leswaku HOSI Xikwembu xi tlula swikwembu hinkwaswo, hikuva xi ponisile Vaisraele eka Vaegipta lava a va va khomile hi tihanyi.”

Xitsonga (Bibele)

¹¹ Sweswi, ndza tiva leswaku Yehovha i nkulu eka swikwembu hinkwaswo; hikuva u va hangalasile emhakeni leyi va tikuriseke ha yona.”

Eksoda 18:11 Referans Kwoze

Pisalema 95:3

hikuva HOSI i Xikwembu lexikulu, xi fuma swikwembu hinkwaswo, xa swi tlula hi vukulu.

Eksoda 15:11

“We HOSI, i mani loyi a fanaka na wena exikarhi ka swikwembu, xana? Wena la nga ni matimba lama kwetsimaka, wena wa mintirho leyo chavisa, wena u endlaka swihlamariso, ku hava la fanaka na wena!

2 TIKRONIKA 2:5

Yindlu leyi ndzi nga ta yi aka, yi ta va leyikulu hikuva Xikwembu xa hina i xikulu ku tlula swikwembu hinkwaswo.

Luka 1:51

Ú tirhile hi matimba hi voko ra yena, ú hangalasile lava tikurisaka eku anakanyeni ka vona.

Pisalema 135:5

Ndza swi tiva hakunene leswaku HOSI i Xikwembu lexikulu, N'wini wa hina ú tlula swikwembu hinkwaswo hi vukulu.

Daniele 4:37

Kutani sweswi mina Nebukadnetsara, ndzi dzunisa Hosi ya matilo, ndzi yi tlangela ni ku yi komba xichavo, hikuva mintirho ya yona hinkwayo i yinene, ni tindlela ta yona ti lulamile; lava tikurisaka, ya swi kota ku va tsongahata.”

Pisalema 97:9

We HOSI, u Xikwembu lexi nga henhla-henhla lexi fumaka misava hinkwayo, swikwembu hinkwaswo swi le hansi ka wena.

1 TIKRONIKA 16:25

HOSI Xikwembu i xikulu, xi dzuneka ngopfu, xi fanele ku chaviwa ku tlula swikwembu swin'wana hinkwaswo.

Yakobo 4:6

Hambiswiritano, xi hi komba tintswalo leti nga tikulu ku tlula sweswo, hikuva Tsalwa ri ri: “Xikwembu xi alela vatikurisi, kambe xi tsetselela lava titsongahataka.”

Pisalema 119:21

U tshinya vanhu lava titshembaka ngopfu, lava tivangelaka khombo hi ku tshika swileriso swa wena.

Nehemiya 9:10

U endlile swikombiso ni swihlamariso, u ba Faro ni malandza ya yena hinkwawo ni vanhu va tiko ra yena hinkwavo, hikuva a wu swi tiva leswaku va vile ni tihanyi eka vatata wa hina. Hikokwalaho, ku sukela enkarhini wolowo ku ta fika sweswi, vito ra wena ra tiveka swinene.

2 TIHOSI 5:15

Naamani a tlhelela eka munhu wa Xikwembu swin'we ni vaheleketi va yena hinkwavo. A nghena endlwini ya Elixa, a vulavula a yimile, a ku: “Waswivo! Sweswi ndza swi tiva leswaku a ku na Xikwembu xin'wana emisaveni hinkwayo, loko ku nga ri etikweni ra Israele. Sweswi ndzi kombela leswaku u amukela nyiko leyi humaka eka mina nandza wa wena.”

1 Petro 5:5

Swi tano na n'wina lavantshwa: Titsongahateni eka lavakulu. Hinkwenu ambalani ku titsongahata, mi tiveka ehansi, van'wana eka van'wana, hikuva va khale va te: “Xikwembu xi alela lava tikurisaka, kambe xi tsetselela lava titsongahataka.”

Pisalema 31:23

Rhandzani HOSI, n'wina hinkwenu lava mi yi tshembaka; yi sirhelela lava pfumelaka eka yona, kambe lava va tikurisaka, yi va ba yi vuyelela.

Nehemiya 9:29

U va tsundzuxile leswaku va tlhelela eNawini wa wena, kambe vona va tikurisile, va ala ku yingisa milawu ya wena, va ku dyohela hi ku tlula swiletelo swa wena leswi loko munhu a swi hlayisa a kumaka vutomi; va ku fularherile, va tinonon'hwisa, va ala ku ku yingisa.

Nehemiya 9:16

“Hambiswiritano, vatata wa hina va tikurisile, va tinonon'hwisa, va nga yingisi milawu ya wena.

1 TIHOSI 17:24

Wansati a n'wi hlamula a ku: “Hakunene sweswi ndza swi tiva leswaku wena u munhu wa Xikwembu, ni leswaku rito ra xona leri humaka enon'weni wa wena i rito ra ntiyiso.”

1 SAMIELE 2:3

Mi nga ha yi emahlweni mi tidzunisa, marito ya ku tikurisa ma nga ha humi emilon'wini ya n'wina, hikuva HOSI i Xikwembu xa vutivi, lexi kambisisaka mintirho ya vanhu.

Eksoda 14:18

Loko ndzi dzunisiwa hi mhaka ya Faro ni makalichi ya yena ni vagadi va tihanci ta yena, hi kona Vaegipta va nga ta swi tiva leswaku hi mina ndzi nga HOSI.”

Eksoda 14:8

HOSI Xikwembu xi nonon'hwisa mbilu ya Faro hosi ya Egipta, kutani a landza Vaisraele loko va ri karhi va huma va ntshunxekile swinene.

Eksoda 12:12

“Hi vusiku byebyo, ndzi ta tsemakanya tiko ra Egipta, ndzi lovisa mativula hinkwawo ya Vaegipta, mativula ya vanhu ni ya swifuwo; swikwembu hinkwaswo swa Egipta, ndzi ta swi avanyisa: Hi mina HOSI.

Eksoda 10:3

Kavaloko Muxe na Aroni va ya nghena emutini wa Faro, va fika va ku: “HOSI Xikwembu, xi nga Xikwembu xa Vaheveru, xi vurisa sweswo xi ku: ‘Xana u ta ala ku titsongahata emahlweni ka mina ku fikela rini ke? Tshika vanhu va mina va famba, va ya ndzi gandzela.

Eksoda 5:7

“Mi nga ha yi emahlweni mi nyika vanhu lava va Vaisraele ebyanyi bya tlhongwe lebyi va pfuvaka misava ya switina na byona tanihi masiku; va tshikeni va ya tihlengeletela byona hi voxe.

Eksoda 5:2

Kutani Faro a ku: “HOSI Xikwembu i mani xana? Hikwalaho ka yini ndzi fanele ku n'wi yingisa, ndzi tshika Vaisraele va famba xana? HOSI Xikwembu, a ndzi n'wi tivi, naswona ndzi nga ka ndzi nga tshiki Vaisraele va famba.”

Eksoda 1:22

Kutani Faro a lerisa tiko ra yena hinkwaro, a ku: “N'wana un'wana ni un'wana wa mufana loyi a nga ta velekiwa eka Vaheveru, n'wi cukumeteni enambyeni, kambe mi tshika vanhwanyana hinkwavo va hanya!”

Eksoda 1:16

“Loko mi ri karhi mi pfuna vavasati va Vaheveru eku tintshunxeni ka vona, langutani swinene n'wana leswaku i wa yini: Loko a ri wa mufana, n'wi dlayeni! Kambe loko a ri wa nhwanyana, n'wi tshikeni a hanya.”

Eksoda 1:10

A hi va endleni hi mano leswaku va nga andzi ngopfu, hikuva loko va tala kutani nyimpi yi tshuka yi humelela, va ta yima ni valala va hina, va lwa na hina, kutani va ta suka etikweni va hi balekela.”

Tinhlayo 33:4

Loko Vaisraele va karhi va huma, Vaegipta a va ri eku lahleni ka vana va mativula lava HOSI Xikwembu xi va heriseke exikarhi ka vona, loko xi ri karhi xi avanyisa swikwembu swa vona.