Eksoda 18:1 - BIBELE Mahungu Lamanene

¹ Yetro muprista wa Midiyani loyi a a ri mukon'wana wa Muxe, a twa hinkwaswo leswi Xikwembu xi swi endleleke Muxe ni vanhu va xona va Israele, ni hilaha xi va humeseke hakona etikweni ra Egipta.

Xitsonga (Bibele)

¹ Yetro, muprista wa Midiyani, mukon'wana wa Muxe a twa hinkwaswo leswi Xikwembu xi swi endleleke Muxe ni tiko ra yena ra Israele, ni leswaku Yehovha u humesile Israele Egipta.

Eksoda 18:1 Referans Kwoze

Eksoda 3:1

Muxe a a risa swifuwo swa mukon'wana wa yena Yetro, muprista wa Midiyani. Siku rin'wana, a tsemakanya mananga ni ntlhambi wa yena, a ya fika eHorebe, entshaveni ya Xikwembu.

Eksoda 2:16

Yetro muprista wa tiko ra Midiyani a a ri ni vana va vanhwanyana va 7, kutani va ta va ta nwisa swifuwo swa tata wa vona, va fika va kelela mati, va cheletela eswitsengeleni.

Timhaka 14:27

Eku fikeni ka vona, va hlengeleta kereke, va va rungulela hinkwaswo leswi Xikwembu xi swi endleke ha vona, ni hilaha xi nga pfulela vamatiko enyangwa yo nghena eku pfumeleni.

Zakariya 8:23

HOSI ya matimba hinkwawo yi vurisa sweswo, yi ri: “Erixakeni rin'wana ni rin'wana ku ta huma vavanuna va khume, va khoma Muyuda hi xiambalo va ku: ‘Hi lava ku famba na wena, hikuva hi swi twile leswaku Xikwembu xi na n'wina Vayuda.’ ”

Pisalema 106:2

Xana i mani la nga hlamuselaka mintirho ya yona leyikulu xana? La nga twarisaka ku dzuneka ka yona hinkwako, a nga va mani xana?

Pisalema 105:43

Loko Xikwembu xi kutsula vanhu va xona, a va tsakile swinene, vahlawuriwa va xona va famba va ri karhi va ba minkulungwana.

Pisalema 78:4

A hi nga ti fihleli vatukulu va vona, vona lava va taka endzhaku ka hina, hi ta va tivisa mintirho leyo dzuneka ya HOSI Xikwembu ni matimba ya xona, hi va byela ni leswo hlamarisa leswi xi swi endleke.

Pisalema 44:1

We Xikwembu, vatata wa hina va hi byerile leswi u swi endleke khale eminkarhini ya vona, hi swi twile hi tindleve ta hina:

Pisalema 34:2

Ndzi ta tidzunisa hi xona, kutani vanhu lava tsongahatiwaka, va ta tsaka loko va ndzi twa.

Yoxuwa 9:9

Va hlamula Yoxuwa va ku: “Hina malandza ya wena hi ta hi huma etikweni ra le kule swinene, hikuva hi twile ndhuma ya HOSI Xikwembu xa n'wina; hi runguleriwile hi ta xona, ni hinkwaswo leswi xi swi endleke le Egipta,

Yoxuwa 2:10

Hi twile hilaha HOSI Xikwembu xi nga phyisa mati ya Lwandle-ro-Tshwuka hakona emahlweni ka n'wina loko mi ta mi huma etikweni ra Egipta. Ni leswi mi swi endleke eka tihosi timbirhi ta Vaamori entsungeni wa nambu wa Yordani, ku nga Sihoni na Ogo, lava mi va heriseke, hi swi twile.

Varhoma 15:18

hikuva ndzi nga ka ndzi nga tiyi nhlana ku vula nchumu, ehandle ka leswi Kriste a nga swi endla ha mina, ku tisa vamatiko eku yingiseni, hi marito ni mintirho,

Timhaka 15:12

Nhlengeletano hinkwayo a yi miyerile, yi yingisa Barnaba na Pawulo loko va rungula hilaha Xikwembu xi va tirhiseke hakona ku endla mahlori ni swihlamariso leswo tala exikarhi ka vamatiko.

Yeremiya 33:9

Loko vanhu va misava hinkwayo va twa hinkwaswo leswinene leswi ndzi swi endlelaka va le Yerusalema, va ta ndzi tsakela, va ndzi dzunisa ni ku ndzi twarisa; loko va vona ku kateka ni ku rhula loku ndzi ku tiselaka Yerusalema, va ta hlamala va ndzi komba xichavo.’ ”

Pisalema 105:5

Anakanyani mintirho ya yona leyo hlamarisa, ni hilaha ku lerisa ka yona ku mi lamuleleke hakona.

Vaavanyisi 4:11

Enkarhini wolowo, Hebere lowa Mukeni a a tihambanisile ni vatukulu va Hobabu mukon'wana wa Muxe, a ya dzima ntsonga wa yena kule na vona, enkuhlwini wa le Saanayimi, kusuhi na Kedexe.

Tinhlayo 10:29

Kutani Muxe a byela Hobabu n'wana wa mukon'wana wa yena Rhuwele wa le Midiyani, a ku: “Hi ya endhawini leyi HOSI Xikwembu xi nga tshembisa ku hi nyika yona; tana hi famba swin'we, hi ta ya ku endlela leswinene, hikuva HOSI Xikwembu xi tshembisile Vaisraele ku va endlela leswinene.”

Eksoda 4:18

Kutani Muxe a tlhelela eka Yetro mukon'wana wa yena, a fika a ku: “Ndzi kombela ku tlhelela etikweni ra Egipta, ndzi ya pfuxela varikwerhu.” Yetro a hlamula Muxe a ku: “Hiswona, u ta famba hi ku rhula!”

Eksoda 2:21

Kutani Muxe a pfumela ku tshama eka munhu loyi; hiloko a nyika Muxe Sipora n'wana wa yena leswaku a va nsati wa yena.

Eksoda 2:18

Loko va fika ekaya, tata wa vona Yetro a va vutisa a ku: “Namuntlha swi lo yini mi ngo hatlisa ku vuya xana.”

Eksoda 6:6

Hikokwalaho tivisa Vaisraele leswaku ndzi ri ka vona: ‘Hi mina HOSI Xikwembu, kutani ndzi ta mi humesa emintirhweni yo tika ya le Egipta, ndzi mi ponisa evuhlongeni bya kona, ndzi mi kutsula hi mintirho ya mina ya matimba ni ku avanyisa loku hlamarisaka.

Vaavanyisi 1:16

Vatukulu va Mukeni loyi a a ri mukon'wana wa Muxe, va famba swin'we ni va ka Yuda, va suka emutini wa Mincindzu, va ya emananga ya Yuda lama nga dzongeni kusuhi na Aradi, va fika va tshama exikarhi ka vanhu va kona.