Eksoda 17:7 - BIBELE Mahungu Lamanene

⁷ Kutani Muxe a thya ndhawu leyi evito ra “Masa na Meriba”, hileswaku: “Ndzingo ni mholovo”, hikuva Vaisraele a va n'wi holoverile kona, va ringa na HOSI Xikwembu hi ku vutisa va ku: “Xana HOSI Xikwembu xi na hina, kumbe a xi na hina xana?”

Xitsonga (Bibele)

⁷ A thya xivandla lexi vito ra Masa na Meriba (Miringo ni ku tenga), hikwalaho ka ku tengisa ka vana va Israele; ni ku ringa Yehovha, va ku: “Xana Yehovha u le xikarhi ka hina, kumbe a nga kona xana?”

Eksoda 17:7 Referans Kwoze

Pisalema 81:7

Mi huwelerile eka mina mi ri emaxangwini, kutani ndzi mi lamulerile; ndzi mi hlamurile ndzi ri emapapeni lama dzindzaka, ndzi mi kamberile eswihlobyeni swa Meriba.

Pisalema 95:8

“Mi nga tinonon'hwisi ku fana ni vatata wa n'wina le Meriba, esikwini leri a va ri le Masa emananga,

Tinhlayo 20:13

Lawa hi wona mati ya Meriba (hileswaku “ya mholovo”), laha Vaisraele va holoveleke HOSI Xikwembu kona, kutani xona xi tikomba exikarhi ka vona leswaku hi xona Xikwembu lexi chavisekaka ngopfu.

Duteronoma 9:22

“HOSI Xikwembu mi xi hlundzukisile ni loko mi ri eTabera ni le Masa ni le Kibroti-Hatavha.

Eksoda 17:2

Kutani va sungula ku holovela Muxe, va ku ka yena: “Hi nyike mati hi nwa!” Muxe a va hlamula a ku: “Mi ndzi holovelela yini xana? Xana mi ringela yini HOSI Xikwembu xana?”

Tinhlayo 20:24

“Aroni ú ta fa a landza vatata wa yena; a nga ka a nga ngheni etikweni leri ndzi ri nyikeke Vaisraele, hikuva mi arile xileriso xa mina loko mi ri le Meriba.

Yohane 1:14

Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

Mikiya 3:11

Varhangeri va muti va pfumela ku xaviwa ehubyeni, vaprista va dyondzisela muholo ntsena, na vona vaprofeta va vhumbhela ku hakeriwa; hinkwavo va tisirhelela hi ku vula leswaku va nge humeleriwi hi nchumu xo biha, hikuva Xikwembu xi na vona.

Esaya 12:6

Banani minkulungwana, mi tsaka, n'wina vaaki va Siyoni, hikuva Xikwembu lexikulu, xona Muhlawuleki wa Israele, xi tshama exikarhi ka n'wina.”

Yoxuwa 22:31

Kutani Finiyasi n'wana muprista Eliyazara a byela va ka Rhuveni ni va ka Gadi ni va ka Manase a ku: “Namuntlha ha swi tiva leswaku HOSI Xikwembu xi le xikarhi ka hina, hikuva n'wina a mi tshikanga ku va lavo tshembeka eka xona, kutani mi ponisile Vaisraele eka vukari bya xona.”

Duteronoma 31:17

Loko vo endla sweswo, ndzi ta va hlundzukela swinene, ndzi va tshika, ndzi nga ha vi na mhaka na vona, kutani va ta herisiwa. Va ta humelela hi leswo biha ni makhombo layo tala, va kondza va ku: ‘Hi humeleriwa hi makhombo lawa hikuva HOSI Xikwembu a xa ha ri kona exikarhi ka hina.’

Eksoda 34:9

a ku: “HOSI, loko hakunene u ndzi tsakela, ndzi kombela leswaku u famba exikarhi ka hina, we HOSI! Hambileswi vanhu lava va tinonon'hwisaka, hi rivalele nandzu wa hina ni xidyoho xa hina, u hi endla vanhu va wena va xiviri.”

Tinhlayo 14:22

Hambileswi vanhu lava hinkwavo va voneke ku vonakala loku ka mina ni mahlori lawa ndzi ma endleke etikweni ra Egipta ni kwala mananga, va ha ya emahlweni va ndzi ringa, va nga yingisi leswi ndzi swi vulaka;

Tinhlayo 27:14

hikuva a mi ndzi tshembanga loko mi ri emananga ya Sini, nkarhi lowu ntshungu wu nga ndzi sandza le Meriba, kutani mi arile ku va komba matimba ya mina layo hlawuleka.” (Meriba i xihlovo xa mati le Kadexe, emananga ya Sini.)

Duteronoma 6:16

“Mi nga tshuki mi ringa HOSI Xikwembu xa n'wina, ku fana ni leswi mi nga tshama mi xi ringa eMasa.

Duteronoma 33:8

Hi va ka Levhi, Muxe ú te: “We HOSI Xikwembu, va ka Levhi va nyike Thumimi, va nyike na Urimi, vona vanhu va wena lava va ku tirhelaka; u va kamberile le Masa, hi vona u kanetaneke na vona exihlobyeni xa Meriba.

Pisalema 78:18

Va ringile Xikwembu havomu, va xi kombela swakudya leswi a va swi navela.

Pisalema 81:8

N'we vanhu va mina, yingisani loko ndzi mi khongotela, a ndzi ta tsaka ngopfu loko mi ndzi twa, n'wina Vaisraele!

Pisalema 106:32

Vaisraele va hlundzukisile Xikwembu eswihlobyeni swa Meriba, kutani Muxe a wela hi khombo hikwalaho ka vona,