Eksoda 17:6 - BIBELE Mahungu Lamanene

⁶ Vona, u ta ndzi kuma ndzi ku yimerile le ntshaveni ya Horebe kusuhi ni ribye; u ta fika u ba ribye, kutani ku ta huma mati lawa vanhu va nga ta nwa wona.” Muxe a endla sweswo, vakulukumba va Israele va ri karhi va n'wi vona.

Xitsonga (Bibele)

⁶ Waswivo, ndzi ta yima emahlweni ka wena lahaya eribyeni ra Horebe; u ta ba ribye, kutani ri ta humesa mati; vanhu va ta nwa.” Muxe a endlisa sweswo emahlweni ka vakulukumba va Israele.

Eksoda 17:6 Referans Kwoze

1 Vakorinto 10:4

hinkwavo va nwile swakunwa swo fana swo huma tilweni, hikuva a va hamba va nwa eribyeni ro huma tilweni leri a ri va landza; ribye ra kona a a ri Kriste.

Nehemiya 9:15

U va nyikile swakudya leswi humaka etilweni leswaku va susa ndlala; u va nyikile ni mati lama humaka eribyeni leswaku va tima torha. U va lerisile leswaku va nghena va teka tiko leri u hlambanyeke leswaku u ta va nyika rona ri va ra vona.

Duteronoma 8:15

Hi xona lexi xi nga mi tsemakanyisa mananga lamakulu yo chavisa lama nga ni tinyoka ta vuxungu ni swipame; endhawini leyi yo oma ngopfu, HOSI Xikwembu xi mi humeserile mati eribyeni lero nonon'hwa swinene;

Pisalema 105:41

Xi pandza ribye, kutani mati ma hobomulana, ma khuluka emananga ma endla nambu.

Yohane 4:10

Yesu a n'wi hlamula, a ku: “Loko onge u tivile leswi Xikwembu xi nyikaka swona, ni loyi a vulavulaka na wena a ku: ‘Ndzi nyike mati ndzi nwa’, a wu ta va u komberile eka yena, kutani a a ta va a ku nyikile mati lama hanyaka.”

Pisalema 114:8

hikuva hi xona xi humeseke tiva ra mati emakwandzasini, xi boxa xihlovo eribyeni lero nonon'hwa.

Pisalema 46:4

Ku ni nambu lowu khulukaka wu tisaka ntsako emutini wa Xikwembu; muti lowu i ndhawu ya Loyi a nge henhla-henhla, wu hlawulekile ku tlula tindhawu hinkwato.

Pisalema 78:20

Ha swi tiva leswaku xi bile ribye, mati ma huma ma hobomulana kukota nambu. Kambe xana xi nga ha humesa vuswa ni nyama, xi phamela vanhu va xona xana?”

Nhlavutelo 22:17

Moya ni Mutekiwa va ri: “Tana! Ni loyi a swi twaka a a vule a ku: ‘Tana!’ Loyi a nga ni torha a a te; ni loyi a swi navelaka a a nwe mati ya vutomi a nga hakeli.”

Yohane 4:14

Kambe un'wana ni un'wana la nwaka mati lawa ndzi nga ta n'wi nyika wona, a nga ka a nga ha tlheli a twa torha ni siku ni rin'we; kambe mati lawa ndzi nga ta n'wi nyika wona, ma ta va eka yena xihlovo xa mati lama pfelelaka, ku yisa evutomini lebyi nga heriki.”

Esaya 48:21

Vanhu lava HOSI Xikwembu xi va fambiseke emananga, a va karhatiwanga hi torha, hikuva xi va humeserile mati eribyeni; xi ri pandzile, kutani mati ma huma hi matimba.

Eksoda 16:10

Loko Aroni a ri karhi a vulavula ni ntshungu hinkwawo wa Vaisraele, va languta etlhelo ra mananga, kutani va vona ku kwetsima ka HOSI Xikwembu epapeni.

Eksoda 14:16

Teka nhonga ya wena, u yi tlakusela ehenhla ka lwandle, u hambanisa mati hi le xikarhi, leswaku Vaisraele va ta pela laha ku omeke.

Tinhlayo 20:8

“Teka nhonga ya wena, kutani wena ni makwenu Aroni mi hlengeleta ntshungu, mi lerisa ribye emahlweni ka wona leswaku ri humesa mati; leyi hi yona ndlela leyi u nga ta humesa mati ha yona eribyeni, u nyika ntshungu, wu nwa ni swifuwo swa wona.”

Duteronoma 1:2

Ku suka entshaveni ya Horebe ku ya fika eKadexe-Bariniya hi ndlela leyi hundzaka hi le magangeni ya Seyira, swi ringana riendzo ra masiku ya 11.

Pisalema 74:15

Hi wena u khulukiseke swihlovo ni swinambyana, kambe milambu leyi a yi tshama yi ri karhi yi khuluka, u yi phyisile.

Pisalema 78:18

Va ringile Xikwembu havomu, va xi kombela swakudya leswi a va swi navela.

Pisalema 81:7

Mi huwelerile eka mina mi ri emaxangwini, kutani ndzi mi lamulerile; ndzi mi hlamurile ndzi ri emapapeni lama dzindzaka, ndzi mi kamberile eswihlobyeni swa Meriba.