Eksoda 16:9 - BIBELE Mahungu Lamanene

⁹ Kutani Muxe a byela Aroni a ku: “Tivisa ntshungu hinkwawo wa Vaisraele leswaku wu tshinela emahlweni ka HOSI Xikwembu, hikuva ku dzumadzuma ka vona xi ku twile.”

Xitsonga (Bibele)

⁹ Kutani Muxe a ku eka Aroni: “Byela nhlengeletano hinkwayo ya vana va Israele, u ku: ‘Tshinelani ekusuhi na Yehovha, hikuva u yingisile ku dzumadzuma ka n'wina.’ ”

Eksoda 16:9 Referans Kwoze

Tinhlayo 16:16

Kutani Muxe a ku ka Kora: “Mundzuku leri xaka, mi fanele ku ya emahlweni ka HOSI Xikwembu, ndzi vula wena ni vanghana va wena; na yena Aroni ú ta va kona.

Eksoda 16:8

Muxe a tlhela a ku: “HOSI Xikwembu hi xona lexi nga ta mi nyika nyama mi dya nimadyambu, ni vuswa lebyi mi nga ta dya mi xurha nimpundzu, hikuva xi mi twile loko mi xi dzumadzumela. Xana hina hi vamani xana? Loko mi dzumadzuma, a mi dzumadzumeli hina, kambe mi dzumadzumela HOSI Xikwembu.”

Eksoda 16:2

Kutani ntshungu lowu wa Vaisraele hinkwawo wu dzumadzumela Muxe na Aroni, kwale mananga,

Eksoda 16:7

Kutani mundzuku nimpundzu, mi ta vona ku vonakala ka HOSI Xikwembu, hikuva xi twile loko mi xi dzumadzumela. Xana hina hi vamani, leswi mi hi dzumadzumelaka, xana?”

Tinhlayo 14:27

“Xana ntshungu lowu wa vabihi wu ta ndzi dzumadzumela ku ya fika rini xana? Ndzi va twile Vaisraele lava loko va ri karhi va ndzi dzumadzumela.