Eksoda 16:35 - BIBELE Mahungu Lamanene

³⁵ Vaisraele va dyile manna ku ringana malembe ya 40, ku kondza va ya fika etikweni leri a ri tshameka; va fikile endzilekaneni wa Kanana va ha dya manna.

Xitsonga (Bibele)

³⁵ Vana va Israele va dya manna hi mune wa makume ya malembe va kondza va nghena etikweni leri akiweke va dya manna va kondza va fika emaaveni ya tiko ra Kanana.

Eksoda 16:35 Referans Kwoze

Yoxuwa 5:12

Ku sukela siku leri Vaisraele va sunguleke ku dya swakudya swa le Kanana ha rona, a ka ha vanga na manna, kutani Vaisraele a va nga ha dyi manna, kambe lembe rero a va dya swakudya leswi humaka etikweni ra Kanana.

Duteronoma 1:8

Tiko leri hinkwaro, mina HOSI Xikwembu ndzi hlambanyile leswaku ndzi ta ri nyika vatata wa n'wina Abrahama, na Isaka, na Yakobo, swin'we ni vatukulu va vona, kutani nghenani mi ri teka, hikuva ndzi mi nyikile rona.’ ”

Nehemiya 9:15

U va nyikile swakudya leswi humaka etilweni leswaku va susa ndlala; u va nyikile ni mati lama humaka eribyeni leswaku va tima torha. U va lerisile leswaku va nghena va teka tiko leri u hlambanyeke leswaku u ta va nyika rona ri va ra vona.

Tinhlayo 33:38

Hi siku ro sungula ra n'hweti ya vunharhu eka lembe ra vu-40 endzhaku ka loko Vaisraele va humile etikweni ra Egipta, muprista Aroni a tlhandlukela entshaveni ya Hori, hilaha HOSI Xikwembu xi leriseke hakona, a fika a fela kona.

Timhaka 7:36

Hi yena Muxe loyi a nga va humesa, hi ku endla swihlamariso ni mahlori le Egipta, ni le Lwandle lero Tshwuka, ni le mananga, hi nkarhi lowu ringanaka malembe ya 40.

1 Vakorinto 10:3

hinkwavo va dyile swakudya swo fana swo huma tilweni;

Tinhlayo 32:13

Hikokwalaho HOSI Xikwembu xi hlundzukele Vaisraele, xi va tsendzelekisa ni mananga malembe ya 40, vanhu hinkwavo lava nga endla swo biha emahlweni ka xona va kondza va hela.

Duteronoma 2:7

“HOSI Xikwembu xa n'wina xi mi katekisile emintirhweni ya n'wina hinkwayo; loko mi ri karhi mi tsendzeleka emananga lamakulu lawa, a xi ri karhi xi mi hlayisa. Xi ve na n'wina malembe hinkwawo lawa ya 40, mi nga pfumali nchumu.

Duteronoma 8:4

Eka malembe lawa ya 40 hinkwawo, swiambalo swa n'wina a swi hlakalanga, hambi yi ri milenge a yi pfimbanga.

Duteronoma 29:4

Kambe ku fikela namuntlha, HOSI Xikwembu a xi si mi pfula mahlo ni tindleve, mi kota ku twisisa leswi humeleleke.