Eksoda 16:28 - BIBELE Mahungu Lamanene

²⁸ Kutani HOSI Xikwembu xi ku ka Muxe: “Xana mi ta ala ku hlayisa swileriso ni milawu ya mina ku fikela rini xana?

Xitsonga (Bibele)

²⁸ Kutani Yehovha a ku eka Muxe: “Mi ta ala ku yisa kwihi ku hlayisa ku lerisa ka mina ni milawu ya mina?

Eksoda 16:28 Referans Kwoze

Pisalema 78:10

hikuva a va tshovile ntwanano wa vona na Xikwembu va ala ku landzelela Nawu wa xona.

Pisalema 106:13

Kambe a va hlwelanga ku rivala mintirho ya xona, a va yimelanga ku vona ku hetiseka ka makungu ya xona.

Ezekiele 20:13

Kambe Vaisraele va tiarisile kwale mananga, va ala ku ndzi yingisa. A va hlayisanga milawu ya mina, va bakanya swiletelo swa mina leswi a va fanele ku kuma ku hanya ha swona, va nyamisa ni masiku ya mina ya Savata. “Kutani ndzi ehleketile ku chululela vukari bya mina ehenhla ka vona, ndzi va herisa loko va ha ri emananga,

2 TIHOSI 17:14

Hambiswiritano, a va yingisanga, va tiomisa tinhloko ku fana ni vakokwa wa vona lava nga pfumelangiki eka HOSI Xikwembu xa vona.

Tinhlayo 14:11

HOSI Xikwembu xi ku ka Muxe: “Vanhu lava va ta ndzi sandza ku fika rini xana? Xana, hambileswi ndzi endleke mahlori layo tala exikarhi ka vona, va ha ta ya emahlweni va ala ku ndzi tshemba xana?

Marka 9:19

Yesu a hlamula, a ku: “Ha! Rixaka leri nga pfumeriki, ndzi ta va na n'wina ku fikela rini? Ndzi ta mi lehisela mbilu ku fikela rini ke? N'wi tiseni haleno!”

Ezekiele 20:16

hikuva a va bakanyile swiletelo swa mina, va tlula milawu ya mina, va nyamisa ni masiku ya mina ya Savata hi ku khongela swikwembu swa vona swa hava.

Ezekiele 5:6

Vaaki va muti lowu va arile ku yingisa swiletelo swa mina ni milawu ya mina; va endlile leswo homboloka ku tlula vamatiko hinkwavo lava va akelaneke na vona; hakunene Vaisraele va cukumetile swiletelo swa mina ni milawu ya mina, va ala ku swi yingisa.

Yeremiya 9:6

Va tlhandleka tihanyi ehenhla ka tihanyi, kutani va ala ku ndzi tiva; ndzi vula sweswo mina HOSI.”

Yeremiya 4:14

HOSI Xikwembu xi ri: “We Yerusalema, hlantswa mbilu ya wena u tshika leswo homboloka, leswaku u ta pona. Xana u ta namarhela miehleketo ya wena leyo biha ku ya fika rini xana?

Esaya 7:13

Kutani Esaya a ku: “N'wina va ka Davhida, yingisani! Xana a mi kolwi ku dyisa vanhu mbitsi xana? Xana na xona Xikwembu xa mina, mi lava ku xi dyisa mbitsi xana?

Esaya 7:9

Samariya i ntsindza wa tiko ra va ka Efrayimi ntsena, na n'wana Remaliya i hosi le Samariya ntsena. Loko mi nga ri na ku pfumela mi nga ka mi nga tiyi!’ ”

Pisalema 78:22

hikuva a va nga pfumeli eka xona, naswona a va nga tshembi leswaku xi nga va ponisa.

Tinhlayo 20:12

Kutani HOSI Xikwembu xi ku ka Muxe na Aroni: “Mi nga ka mi nga va fikisi Vaisraele etikweni leri ndzi va nyikeke rona, hikuva a mi ndzi tshembanga, mi arile ku va komba matimba ya mina layo hlawuleka.”

Eksoda 10:3

Kavaloko Muxe na Aroni va ya nghena emutini wa Faro, va fika va ku: “HOSI Xikwembu, xi nga Xikwembu xa Vaheveru, xi vurisa sweswo xi ku: ‘Xana u ta ala ku titsongahata emahlweni ka mina ku fikela rini ke? Tshika vanhu va mina va famba, va ya ndzi gandzela.

Eksoda 16:27

Hambiswiritano, hi siku leri ra vu-7, van'wana va huma va ya eku hlengeleteni, kambe a va kumanga nchumu.

Eksoda 16:29

Twisisani leswaku mina HOSI ndzi mi nyikile siku ra ku wisa ra Savata; hikokwalaho, hi siku ra vu-6, ndzi mi nyika swakudya swa masiku mambirhi, kutani un'wana ni un'wana wa n'wina a a tshame lomu a nga kona, ku nga tshuki ku va ni loyi a humaka a ya ehandle, hi siku ra vu-7.”

2 TIHOSI 17:15

Va tshikile milawu ya xona, ni ntwanano lowu a xi wu endlile ni vakokwa wa vona, ni switsundzuxo swa xona loko xi va laya. Va gandzerile swikwembu swa hava, kutani na vona va hundzukile vanhu va hava; naswona, va hanyile tanihi vamatiko lava akelaneke na vona; kasi HOSI Xikwembu a xi va lerisile leswaku va nga tshuki va landza mikhuva ya vamatiko.