Eksoda 16:15 - BIBELE Mahungu Lamanene

¹⁵ Loko Vaisraele va swi vona, va vutisana va ku: “I swilo muni leswi?” hikuva a va nga tivi leswaku a swi ri swilo muni. Kutani Muxe a ku ka vona: “Lebyi i vuswa lebyi mi nyikiwaka hi HOSI Xikwembu, lebyi mi nga ta dya byona.

Xitsonga (Bibele)

¹⁵ Vana va Israele loko va swi vona, va vutisana, va ku: “I swini leswi?” hikuva a va nga tivi leswaku i swini. Kutani Muxe a ku: “Hi byona vuswa lebyi Yehovha a mi nyikaka byona leswaku mi dya.

Eksoda 16:15 Referans Kwoze

Eksoda 16:4

HOSI Xikwembu xi ku ka Muxe: “Ndzi ta mi rhumela vuswa byi huma etilweni; kutani siku rin'wana ni rin'wana vanhu va fanele ku huma va ya hlengeleta swo ringana ku dya siku rin'we ntsena. Ndzi lava ku va kambela, ku vona loko va ta yingisa kumbe va nga yingisi nawu wa mina.

Yohane 6:58

Lebyi hi byo vuswa lebyi xikeke hi le tilweni; a byi fani ni lebyi vatatana va byi dyeke, hikuva byona a byi va sivelanga ku fa; loyi a dyaka vuswa lebyi, ú ta hanya hilaha ku nga heriki.”

Eksoda 16:31

Vaisraele va thya swakudya leswi evito ra “manna”; a swi ringana ni tindzhoho ta nhlampfurha, swi basile, swi nyanganya ku fana ni ximbhundzwa lexi totiweke vulombe.

Duteronoma 8:3

Xi mi tshinyile hi ku mi rhumela ndlala, kutani xi mi phamela manna, swi nga swakudya leswi a mi nga swi tivi, hambi va ri vatata wa n'wina va nga swi tivangiki. Swilo leswi, xi swi endlerile ku mi dyondzisa leswaku munhu a nga ka a nga hanyi hi vuswa ntsena, kambe ú ta hanya hi marito hinkwawo lama humaka enon'weni wa HOSI Xikwembu.

1 Vakorinto 10:3

hinkwavo va dyile swakudya swo fana swo huma tilweni;

Nehemiya 9:20

U va nyikile Moya wa wena lowunene wu va letela; u va phamerile manna, va dya, u va nyikile ni mati va tima torha.

Nehemiya 9:15

U va nyikile swakudya leswi humaka etilweni leswaku va susa ndlala; u va nyikile ni mati lama humaka eribyeni leswaku va tima torha. U va lerisile leswaku va nghena va teka tiko leri u hlambanyeke leswaku u ta va nyika rona ri va ra vona.

Yoxuwa 5:12

Ku sukela siku leri Vaisraele va sunguleke ku dya swakudya swa le Kanana ha rona, a ka ha vanga na manna, kutani Vaisraele a va nga ha dyi manna, kambe lembe rero a va dya swakudya leswi humaka etikweni ra Kanana.

Yohane 6:49

Vatata wa n'wina va dyile manna emananga, kambe va file.

Duteronoma 8:16

kwale mananga, xi mi nyikile manna, swi va swakudya swa n'wina leswi vatata wa n'wina va nga swi tivangiki. A xi endlela ku mi tshinya ni ku mi kambela ha swona, leswaku eku heteleleni xi ta mi katekisa.

Tinhlayo 21:5

Kutani va vulavula va sandza HOSI Xikwembu na Muxe, va ku: “Xana mi hi humesele yini etikweni ra Egipta leswaku hi ta fela laha mananga, laha ku nga hava swakudya, hambi ma ri mati manene xana? Hi karhele hi swakudyanyana leswi swo nyenyetsa!”

Eksoda 16:33

Kutani Muxe a lerisa Aroni a ku: “Teka xibya u chela xintewana xa manna eka xona, u ya xi veka emahlweni ka HOSI Xikwembu, u xi hlayisela vatukulu va n'wina hinkwavo.”

Nhlavutelo 2:17

“ ‘Loyi a nga ni tindleve, a a yingise leswi Moya wu swi byelaka tikereke. Loyi a hlulaka, ndzi ta n'wi nusela manna leyi fihliweke; naswona ndzi ta n'wi nyika ribye lero basa, leri vito lerintshwa ri tsariweke ehenhla ka rona, vito leri ku nga riki na loyi a ri tivaka ehandle ka loyi a nyikiwaka rona.’ ”

Vaheveru 9:4

A wu ri ni alitari ya nsuku ya mirhi ya risuna, ni areka ya ntwanano leyi namekiweke hinkwako hi nsuku; endzeni ka areka a ku ri ni nkambana wa nsuku wo hlayisa manna, ni nhonga ya Aroni leyi hlukeke matluka, ni maribye ya ntwanano.

Luka 12:30

hikuva swilo sweswo hinkwaswo swi laviwa hi vamatiko; Tata wa n'wina wa swi tiva leswaku ma swi pfumala.

Swivuriso 9:5

“Tana hi ta dya swin'we, hi nwa vhinyo leyi ndzi yi hlanganiseleke.

Pisalema 78:24

kutani xi va phamerile swakudya leswi humaka etilweni hi ku va nisela manna va dya.

Pisalema 105:40

Loko va kombela nyama, xi va tisela switsatsatsa, xi va nyika ni vuswa lebyi humaka etilweni va dya va xurha.