Eksoda 16:14 - BIBELE Mahungu Lamanene

¹⁴ Kutani loko mberha yi dzudzekile, a ku ri ni swin'wana erivaleni swo fana ni tindzhohonyana, swo vevuka ku fana ni gwitsi leri weleke ehansi.

Xitsonga (Bibele)

¹⁴ Kuteloko mberha yi hlanhlekile, a ku ri ni swilo leswo nge tindzhohonyana laha erivaleni, swi fana ni gamboko ehenhla ka misava.

Eksoda 16:14 Referans Kwoze

Pisalema 105:40

Loko va kombela nyama, xi va tisela switsatsatsa, xi va nyika ni vuswa lebyi humaka etilweni va dya va xurha.

Pisalema 78:24

kutani xi va phamerile swakudya leswi humaka etilweni hi ku va nisela manna va dya.

Nehemiya 9:15

U va nyikile swakudya leswi humaka etilweni leswaku va susa ndlala; u va nyikile ni mati lama humaka eribyeni leswaku va tima torha. U va lerisile leswaku va nghena va teka tiko leri u hlambanyeke leswaku u ta va nyika rona ri va ra vona.

Duteronoma 8:3

Xi mi tshinyile hi ku mi rhumela ndlala, kutani xi mi phamela manna, swi nga swakudya leswi a mi nga swi tivi, hambi va ri vatata wa n'wina va nga swi tivangiki. Swilo leswi, xi swi endlerile ku mi dyondzisa leswaku munhu a nga ka a nga hanyi hi vuswa ntsena, kambe ú ta hanya hi marito hinkwawo lama humaka enon'weni wa HOSI Xikwembu.

Pisalema 147:16

Xi nisa gamboko ri basa ku fana ni voya bya tinyimpfu, xi haxa gwitsi kukotisa nkuma.

Eksoda 16:31

Vaisraele va thya swakudya leswi evito ra “manna”; a swi ringana ni tindzhoho ta nhlampfurha, swi basile, swi nyanganya ku fana ni ximbhundzwa lexi totiweke vulombe.