Eksoda 15:9 - BIBELE Mahungu Lamanene

⁹ Nala a a ku: ‘Ndzi ta va hlongorisa, ndzi va kuma, ndzi phakela leswi phanghiweke, ndzi korwisa ku navela ka mina hi swona. Ndzi ta hlomula banga ra mina, ndzi va hangalasa hi voko ra mina.’

Xitsonga (Bibele)

⁹ Nala u te: ‘Ndzi ta hlongorisa ndzi khoma, ndzi phanga. Moya wa mina wu ta titsakela ha vona; Ndzi ta hlomula tlhari, ndzi va dlaya.’

Eksoda 15:9 Referans Kwoze

Vaavanyisi 5:30

‘Va ta va va ri eku phakelaneni ka leswi va swi phangheke: Wanuna un'we a phakeriwa nsati un'we kumbe vambirhi, nguvu leyi phanghiweke ya mavalavala yi ya eka Sisera, nguvu leyi phanghiweke yo rhungeleriwa mavalavala hala ni hala, yi ta sasekisa nhamu ya nkosikazi!’

Eksoda 14:5

Loko hosi Faro a byeriwa leswaku Vaisraele va balekile, yena ni malandza ya yena va hundzuluxa miehleketo ya vona hi tlhelo ra Vaisraele, kutani va ku: “Hi endlile yini xana? Hi tshikile Vaisraele va famba, kasi a va hi tirhela!”

Luka 11:22

kambe loko ku humelela un'wana loyi a yi tlulaka hi matimba kutani a yi hlula, ú ta yi tekela matlhari ya yona hinkwawo lawa a yi ma tshemba, kutani ú ta avela vanhu leswi a swi phangheke.

Esaya 53:12

Hikokwalaho, ndzi ta n'wi nyika ndhawu exikarhi ka lavo chaviseka, a avelana leswi phanghiweke ni vanhu va matimba, hikuva ú tinyiketile ku fela van'wana, a hlayiwa exikarhi ka vadyohi. Ú tirhwexile milandzu ya lavo tala, a khongela Xikwembu leswaku xi tsetselela vadyohi.”

Habakuku 3:14

Miseve ya wena yi tlhavile ndhuna ya mavuthu; mavuthu lawa, a ma humelerile tanihi xidzedze ma ta hi hangalasa; a ma tsakile tanihi loyi a xanisaka xisiwana exihundleni.

Genesa 49:27

“Benjamini i hlolwa ro leva, nimpundzu ú dya leswi a swi dlayeke, kasi nimadyambu ú phaka leswi a swi phangheke.”

Esaya 36:20

“ ‘Exikarhi ka swikwembu hinkwaswo swa vamatiko, hi xihi xikwembu lexi poniseke tiko ra xona emavokweni ya mina xana? A xi kona! Hikokwalaho, HOSI Xikwembu xi nga ka xi nga ponisi Yerusalema emavokweni ya mina.’ ”

1 TIHOSI 20:10

va ri ni rito leri humaka eka Bene-Hadada, leri nge: “Mina Bene-Hadada, ndza tiyisa hi ku hlambanya hi swikwembu, ndzi ri: Ritshuri hinkwaro ra Samariya ri nga ka ri nga tati swandla swa vavanuna hinkwavo lava va ndzi tirhelaka.”

1 TIHOSI 19:2

Hiloko Yezabele a rhumela munhu eka Eliya, a ri ni rito leri nge: “Ndza tiyisa hi ku hlambanya hi swikwembu leswaku mundzuku, hi nkarhi lowu, hakunene ndzi ta herisa vutomi bya wena, ku fana ni leswi u heriseke vutomi bya lavaya.”

1 SAMIELE 30:8

Kwalaho Davhida a vutisa timhaka eka HOSI Xikwembu, a ku: “Xana ndzi nga wu landza ntlawa lowu wa swigevenga, xana? Ndzi ta va kuma xana?” Xikwembu xi hlamula xi ku: “Va landze; ndzi tiyisa leswaku u ta va kuma, u kutsula ni vakhomiwa!”

2 SAMIELE 22:38

“Ndzi hlongorisa valala va mina ndzi kondza ndzi va herisa, a ndzi vuyi ndzi nga si va herisela makumu.

Swivuriso 16:19

Swa antswa ku titsongahata, u hanya ni swisiwana, ku ri ni ku avelana ni vanhu lavo tikurisa swilo leswi va swi phangheke.

Yeremiya 46:17

N'wina Vaegipta, thyanani Faro hosi ya n'wina evito leri nge: ‘Mujakatseki-xitlanga-hi-nkarhi’!”