Eksoda 15:7 - BIBELE Mahungu Lamanene

⁷ Eku dzunekeni ka wena lokukulu, u wisile lava va ku pfukeleke; u rhumerile vukari bya wena, byi va herisa ku fana ni byanyi bya mavivi.

Xitsonga (Bibele)

⁷ Evukulwini bya vuhosi bya wena, U wisile lava nga ku pfukela matimba; U humese ku kariha ka wena, Ku va hisa kukotisa mungu.

Eksoda 15:7 Referans Kwoze

Esaya 5:24

Leswi va fularheleke Nawu wa HOSI ya matimba hinkwawo, va sola ni marito ya Muhlawuleki wa Israele, va ta herisiwa kukota mavivi lama tshwaka, va ta fana ni byanyi byo oma lebyi hisiwaka byi hela; va ta kota murhi lowu boleke timitsu, ku saseka ka vona ku ta haha kukota ritshuri.

Malakiya 4:1

“Vonani, siku leri pfurhaka kukota langavi ra ta: Lava tikurisaka ni lavo homboloka, va ta hisiwa ku fana ni byanyi. Esikwini rero va ta tshwa, ku nga ha sali na un'we wa mhamba! Ndzi vula sweswo, mina HOSI ya matimba hinkwawo.

Esaya 47:14

“Vanhu lava va ta fana ni mavivi, va ta tshwa hi ndzilo, va hela! Va ta tsandzeka ni ku tiponisa emalangavini lama pfurhaka hi matimba. Lowu a hi wona ndzilo wo tinyawusa eka wona, ni ku orheka a wu orheki!

Esaya 37:29

Kutani ke, leswi u ndzi kariheleke, ni leswi ku titshemba ka wena ku fikeke etindleveni ta mina, ndzi ta ku boxa nhompfu, ndzi ku hulela muhalo, ndzi ku nghenisa ni matomu enon'weni, kutani ndzi ta ku tlherisela ekaya, hi ndlela leyi u teke ha yona.’

Esaya 5:16

Kambe HOSI Xikwembu xa matimba hinkwawo xi ta dzunisiwa, hikuva xi avanyisa hi ku lulama; hi xona Xikwembu lexo kwetsima lexi kombaka ku hlawuleka ka xona hi ku endla leswi lulameke.

Pisalema 148:13

Hinkwenu, dzunisani HOSI Xikwembu, hikuva vito ra xona hi rona ntsena ri nga rikulu, ku dzuneka ka xona ku vonaka etilweni ni laha misaveni.

Pisalema 83:13

We Xikwembu, va hangalase kukota mungu, ku fana ni vudyangwana lebyi hahisiwaka hi moya.

Duteronoma 33:26

“N'wina va ka Yexuruni, ku hava Xikwembu xin'wana ehandle ka lexi, xi tsemakanya matilo ni mapapa, xi ta xi ta mi pfuna hi vukulu bya xona.

Timhaka 9:4

Kutani a wela ehansi, a twa rito leri nge ka yena: “Sawulo, Sawulo! U ndzi xanisela yini?”

Matewu 3:12

Rihlelo ri le vokweni ra yena; ú ta peperha hinkwaswo leswi nge xivuyeni xa yena, a heta; kutani mavele, ú ta ma chela enguleni ya yena; kambe mungu wona, ú ta wu hisa endzilweni lowu nga timekiki.”

Zakariya 14:8

Hi siku rolero mati ma ta khuluka ma huma emutini wa Yerusalema, ma ya chela elwandle ra le vuxeni, laman'wana ma ya chela elwandle ra vupeladyambu, ma endlisa sweswo hi ximumu ni xixika.

Zakariya 14:3

Kutani HOSI Xikwembu xi ta huma xi ya hlasela vamatiko lava, ku fana ni loko ku lwiwa nyimpi.

Zakariya 2:8

HOSI Xikwembu xa matimba hinkwawo, lexi xi ndzi rhumeke ndzi ri ni ku dzuneka ka xona, xi vurisa sweswo ehenhla ka matiko lawa ya mi xanisaka, xi ri: “Lava va mi boxaka timbanga, swi fana ni loko va ndzi dlonyola mina HOSI.

Mikiya 4:11

We Yerusalema, vanhu va matiko layo tala va hlengeletanile va lava ku ku hlasela, va ri: “Muti wa Siyoni wu fanele ku nyamisiwa, hi tikhorisa hi ku vona leswi nga ta humelela!”

Yeremiya 10:6

We HOSI, a ku na la fanaka na wena, u Xikwembu lexikulu, ni vito ra wena ra chaviseka swinene.

Esaya 37:38

Siku rin'wana, loko a ri karhi a gandzela endlwini ya Nisiroko xikwembu xa yena, vana va yena Adrameleke na Xaresere va n'wi dlaya hi fumu, kutani va balekela etikweni ra Ararata. Esari-Hadoni, un'wana wa vana va yena, a sala a fuma.

Esaya 37:36

Kutani ntsumi ya HOSI Xikwembu yi humelela emixaxeni ya Vaasiriya, yi lovisa vavanuna va 185 000. Loko ri ya eku xeni, lavan'wana va pfuka, kutani vo vona mintsumbu ntsena.

Esaya 37:23

Xana loyi u n'wi sandzaka ni ku n'wi rhuketela, i mani xana? Xana i mani loyi u n'wi huweleleke, ni ku n'wi langutela hansi eku tikuriseni ka wena, xana? Hi mina Muhlawuleki wa Israele!

Esaya 37:17

Rhiya ndleve, we HOSI Xikwembu, u yingisa; pfula mahlo HOSI, u vona; yingisa marito lawa Senakeribi a ma rhumeleke ku ku sandza ha wona, wena Xikwembu lexi hanyaka.

Pisalema 68:33

yena loyi a famba-fambaka ehenhla, ematilweni lama nga va kona ni khale. Yingisani, ku twala rito ra yena, ri nga rito leri nga ni matimba.

Pisalema 59:13

Eku hlundzukeni ka wena, va herise u va herisela makumu. A swi tiviwe ni le makun'wini ya misava leswaku va ka Yakobo va fumiwa hi wena we Xikwembu.

Eksoda 9:16

Kambe ndzi ku tshikile u hanya, xikongomelo xa kona ku ri ku ku komba matimba ya mina, leswaku vito ra mina ri ta twarisiwa emisaveni hinkwayo.

Vaheveru 12:29

Hikuva Xikwembu xa hina i ndzilo lowu herisaka.

Eksoda 14:27

Hiloko Muxe a tlakusela voko ra yena ehenhla ka lwandle; kutani hi vurhonga mati ma tlhelela ematshan'wini ya wona. Loko Vaegipta va tsutsuma, va hlangana na wona, kutani HOSI Xikwembu xi va tshika va dyiwa hi mati ya lwandle.

Duteronoma 4:24

hikuva HOSI Xikwembu xa n'wina i ndzilo lowu herisaka; xi lava ku gandzeriwa xi ri xoxe ntsena.

Eksoda 5:12

Kutani Vaisraele va hangalaka na tiko ra Egipta, va famba va hlengeleta byanyi bya mavivi, hi ku pfumala tlhongwe.

Ntirho 9:4

Xikwembu xi ni vutlhari ni matimba lamakulu; hambi munhu a nga kanya mbilu a lwa na xona, a nge xi hluli.