Eksoda 15:6 - BIBELE Mahungu Lamanene

⁶ “Matimba ya voko ra wena ra xinene, we HOSI, ma hlamarisa; voko ra wena ra xinene, we HOSI, ri fayeterile valala.

Xitsonga (Bibele)

⁶ “Voko ra wena, Yehovha, ri twakale hi matimba; Voko ra xinene ra wena, Yehovha, ri pyanyise valala.

Eksoda 15:6 Referans Kwoze

Esaya 51:9

We HOSI, suka u yima, yima u kombisa matimba ya wena, ku fana ni leswi u swi endleke eminkarhini ya khale, emasikwini lama hundzeke. Xana a hi wena u phatluleleke Rahaba, yi nga dragona leyi u yi dlayeke, xana?

Nhlavutelo 2:27

kutani ú ta ma risa hi nhonga ya nsimbhi, a ma fayetela kukota timbita ta vumba,

Pisalema 60:5

Hi ponise hi matimba ya wena u hi hlamula, kutani hina varhandziwa va wena hi ta hlayiseka.

Pisalema 2:9

U ta ma faya hi nhonga ya nsimbhi, u ma cakanyetela ku fana ni mbita ya vumba.”

Matewu 6:13

u nga hi yisi emiringweni, kambe u hi ponisa eka Lowo biha, [hikuva ku fuma, ni matimba, ni ku twala, i swa wena hi masiku ni masiku. Amen.’]

Esaya 52:10

HOSI Xikwembu xi ta kombisa matimba ya xona layo hlawuleka, vanhu va matiko hinkwawo va ta ma vona; misava hinkwayo yi ta swi vona loko Xikwembu xa hina xi ponisa vanhu va xona.

Yeremiya 13:14

Ndzi ta va fayetela ku fana ni majomela loko ma bananisiwa, tatana ni n'wana va ta fa enkarhini wun'we. A ndzi nga va tsetseleli; ndzi ta va herisa ndzi nga va tweli vusiwana. Ndzi vula sweswo mina HOSI!’ ”

Pisalema 98:1

Dzunisani HOSI Xikwembu hi ku yimbelela risimu lerintshwa, hikuva mintirho ya xona ya hlamarisa. Hi ntamu wa xona ni ku hlawuleka ka xona lokukulu, xi hlurile valala va xona.

Pisalema 77:10

Kutani mina ndzi ri: “Leswi swi ndzi vavisaka ngopfu hi leswi: Xikwembu xa le henhla-henhla a xa ha hi lweli kukotisa khale!”

Pisalema 74:11

U khondlela yini mavoko, u alela yini ku hi lwela ke?

Pisalema 44:3

Vatatana va hlurile valala va va tekela tiko, kambe ku nga ri hi matimba ya vona ni matlhari ya vona; va ri kumile hi matimba ya wena lamakulu, hikuva a wu ri kusuhi na vona, u va komba leswaku wa va tsakela.

Pisalema 17:7

Komba ku hlamarisa ka tintswalo ta wena leto tshembeka, wena muponisi wa lava balekaka valala va vona, va ta lava vutumbelo evokweni ra wena ra xinene.

Eksoda 15:11

“We HOSI, i mani loyi a fanaka na wena exikarhi ka swikwembu, xana? Wena la nga ni matimba lama kwetsimaka, wena wa mintirho leyo chavisa, wena u endlaka swihlamariso, ku hava la fanaka na wena!

Esaya 30:14

ri fayeka kukota ximbitana lexi fayekelaka, xi huma swirhengele leswitsongo, lero exikarhi ka swona ku pfumaleka ni xirhengele xo oka ndzilo, kumbe xo ka mati exihlobyeni.”

Eksoda 3:20

Hikokwalaho, ndzi ta tirhisa matimba ya mina, ndzi ba vanhu va Egipta hi swihlamariso hinkwaswo leswi ndzi nga ta swi endla exikarhi ka vona; endzhaku ka swona, hosi ya Egipta yi ta mi tshika mi famba.

Eksoda 6:1

Kutani HOSI Xikwembu xi ku ka Muxe: “Sweswi u ta vona leswi ndzi nga ta swi endla eka Faro: Ndzi ta tirhisa matimba ya mina leswaku Faro a tshika vanhu va Israele va famba. Ina, hi ku sindzisiwa hi mina, ú ta va hlongola kunene, va huma etikweni ra yena.”

Eksoda 15:12

U tlakusile voko ra wena ra xinene, kutani misava yi mitile valala.

Eksoda 15:16

Va weriwile hi ku chava ni gome, hikwalaho ka matimba ya voko ra wena, va yimile va nga ha tshukatshuki, ku kondza loko vanhu va wena va hundza, we HOSI, ina, vanhu va wena lava u nga tikumela vona va ko va hundza.

Eksoda 18:8

Kutani Muxe a rungulela mukon'wana wa yena hinkwaswo leswi HOSI Xikwembu xi swi endleke eka Faro ni le ka Vaegipta, xi endlela ku pfuna Vaisraele; a n'wi rungulela ni ku tikeriwa hinkwako loku va nga va na kona endleleni, ni hilaha HOSI Xikwembu xi va poniseke hakona.

1 SAMIELE 2:10

“Valala va HOSI va ta rhurhumela, HOSI yi ta va balesa hi rihati yi ri etilweni. HOSI yi ta avanyisa matlhelo hinkwawo ya misava: yi ta nyika ntamu eka mufumi wa tiko ra yona; yi tiyisa matimba ya Muhlawuriwa wa yona.”

Pisalema 24:8

Mufumi wo dzuneka i mani xana? I HOSI, Xikwembu xa matimba lamakulu, xona xi nga nhenha etinyimpini.

Pisalema 44:4

Hi wena Mufumi wanga ni Xikwembu xanga, hi wena u lerisaka leswaku va ka Yakobo va hlula.

Pisalema 89:14

Masungulo ya vuhosi bya wena i nawu ni ku lulama, rirhandzu ni ku tshembeka i malandza ya wena.

Esaya 63:12

Xikwembu lexi tiyiseke Muxe hi matimba ya xona, xi avanyisa ni mati ya lwandle hi le xikarhi emahlweni ka Vaisraele, leswaku vito ra xona ri ta ka ri nga rivariwi,