Eksoda 15:27 - BIBELE Mahungu Lamanene

²⁷ Kutani va famba va ya fika le Elimi, laha a ku ri ni swihlovo swa 12 ni mirhi ya 70 ya mincindzu; va fika va dzima mintsonga, kusuhi ni mati.

Xitsonga (Bibele)

²⁷ Kutani va fika eElimi; va kuma swihlovo swa khume na swimbirhi ni mimpfun'wana ya ntlhanu wa makume na makume mambirhi. Kutani va dzima mitsonga ya vona ekusuhi ni mati.

Eksoda 15:27 Referans Kwoze

Nhlavutelo 22:2

Exikarhi ka xivava xa muti ni le matlhelweni ya nambu hala ni hala, ku ni murhi wa vutomi lowu nyikaka mihlovo ya 12 ya mihandzu, wu tswala mihandzu ya kona n'hweti yin'wana ni yin'wana; kutani matluka ya murhi i yo tshungula vanhu va matiko hinkwawo.

Nhlavutelo 7:17

hikuva Xinyimpfana lexi nge xiluvelweni xi ta va murisi wa vona; xi ta va yisa eswihlobyeni swa mati ya vutomi, kutani Xikwembu xi ta sula mihloti hinkwayo emahlweni ya vona.”

Tinhlayo 33:9

Va suka eMara, va ya fika le Elimi, laha a ku ri ni swihlovo swa 12 ni mirhi ya 70 ya mincindzu, va gova kona.

Ezekiele 47:12

Emagangeni hinkwawo ya nambu hala ni hala, ku ta mila mirhi ya mihandzu yo hambana-hambana, yi va swakudya swa vanhu. Matluka ya mirhi ya kona a ma nga dzudzeki, ni mihandzu ya yona a yi nga kayiveli. N'hweti yin'wana ni yin'wana ku ta vupfa mihandzu leyintshwa, hikuva mati ya nambu lowu ma ta tshama ma ri karhi ma khuluka ma huma eTempeleni. Mihandzu ya kona yi ta va swakudya swa vanhu, matluka ya kona ma ta va murhi wo tshungula lava vabyaka.”

Esaya 12:3

Mi ta hamba mi ka mati mi tsakile, exihlobyeni lexi mi kumaka ku ponisiwa eka xona,

Eksoda 16:1

Ntshungu hinkwawo wa Vaisraele wu suka Elimi, kutani hi siku ra vu-15 ra n'hweti ya vumbirhi endzhaku ka loko wu sukile le Egipta, wu fika emananga ya Sina lama nga exikarhi ka Elimi na Sinayi.

Pisalema 23:2

U ndzi fikisa emadyelweni ya rihlaza, u ndzi yisa ematini layo tenga.