Eksoda 15:25 - BIBELE Mahungu Lamanene

²⁵ Muxe a huwelela eka HOSI Xikwembu, kutani xi n'wi komba ximudyana; Muxe a xi hoxa ematini, kutani mati ya kona ma nweka. Laha Mara, hi kona HOSI Xikwembu xi vekeleke Vaisraele swiletelo ni milawu; naswona, hi kona laha xi va kambeleke kona.

Xitsonga (Bibele)

²⁵ Kambe Muxe a khongela Yehovha hi matimba, kutani Yehovha a n'wi kombisa murhi leswaku a wu hoxa ematini. Kutani mati ma nandziha. Hi kona a nga va vekela milawu ni ku lerisa, a va ringa, a ku:

Eksoda 15:25 Referans Kwoze

Duteronoma 8:2

Mi nga tshuki mi rivala ndlela leyi HOSI Xikwembu xi mi fambiseke ha yona, malembe lawa hinkwawo ya 40 emananga. A xi endlela ku mi tshinya, xi mi kambela, leswaku xi ta tiva leswi mi ehleketaka swona, ni ku vona loko mi ta yingisa swileriso swa xona, kumbe mi ta ka mi nga swi yingisi.

Pisalema 66:10

We Xikwembu, tani hileswi silivhere yi basisiwaka hi ndzilo, na hina u hi kamberile u hi basisa hi ndlela yoleyo.

Vaavanyisi 3:1

Ku ni vamatiko lava HOSI Xikwembu xi va tshikeke va tshama exikarhi ka Vaisraele, leswaku xi ta kambela ha vona Vaisraele hinkwavo lava a va nga si tshama va vona nyimpi etikweni ra Kanana.

Vaavanyisi 3:4

Va tshikiwile va tshama etikweni leswaku HOSI Xikwembu xi ta kambela Vaisraele ha vona, ku vona loko va ta yingisa swileriso leswi xi swi leriseke vatata wa vona, hi nomo wa Muxe.

Vaavanyisi 2:22

Vamatiko lava, ndzi ta va tirhisa ku kambela Vaisraele, ndzi vona loko va swi lava ku famba endleleni ya mina ku fana ni vatata wa vona, kumbe va nga swi lavi.”

Duteronoma 8:16

kwale mananga, xi mi nyikile manna, swi va swakudya swa n'wina leswi vatata wa n'wina va nga swi tivangiki. A xi endlela ku mi tshinya ni ku mi kambela ha swona, leswaku eku heteleleni xi ta mi katekisa.

Eksoda 16:4

HOSI Xikwembu xi ku ka Muxe: “Ndzi ta mi rhumela vuswa byi huma etilweni; kutani siku rin'wana ni rin'wana vanhu va fanele ku huma va ya hlengeleta swo ringana ku dya siku rin'we ntsena. Ndzi lava ku va kambela, ku vona loko va ta yingisa kumbe va nga yingisi nawu wa mina.

2 TIHOSI 2:21

Kavaloko a rhelela a ya exihlobyeni, a ya xi chela munyu, a ku: “HOSI Xikwembu xi vurisa sweswo xi ri: ‘Ndzi tengisile mati lawa; ku sukela sweswi, a ma nga ha vangi rifu, hambi ku onhakeriwa ka vavasati.’ ”

1 Vakorinto 1:18

Dyondzo ya xihambano i vuhunguki eka lava lovaka; kambe eka hina lava ponisiwaka i matimba ya Xikwembu.

Yeremiya 9:7

Hikokwalaho HOSI ya matimba hinkwawo yi vurisa sweswo yi ri: “Ndzi ta kambela vanhu va mina ndzi va basisa hi ndzilo, hikuva ku hava swin'wana leswi ndzi nga va endlaka swona.

Swivuriso 17:3

Nsuku ni silivhere swi kamberiwa hi ndzilo, timbilu ta vanhu tona ti kamberiwa hi HOSI Xikwembu.

Pisalema 91:15

Loko a ndzi vitana, ndzi ta n'wi hlamula, ndzi ta va na yena emaxangwini, ndzi n'wi lamulela ndzi n'wi nyika ni ndzhuti.

Pisalema 50:15

Hi siku ra khombo, ndzi vitaneni, ndzi ta mi lamulela, kutani mi ta dzunisa vito ra mina.”

2 TIHOSI 4:41

Kutani Elixa a ku: “Loko swi ri tano, tisani mapa.” A chela mapa embiteni, kutani a lerisa a ku: “Phamelani vanhu, va dya.” Swa le mbiteni a swi nga ha bavi.

Eksoda 14:10

Loko Vaisraele va tlakusa mahlo, va vona Faro a ri karhi a ta, kutani va tshuka swinene, hikuva Vaegipta a va va landza. Vaisraele va huwelela eka HOSI Xikwembu,

Pisalema 99:6

Exikarhi ka vaprista va xona, a ku ri na Muxe na Aroni, na yena Samiele a a ri un'wana wa lava va xi khongelaka. Vanhu lava a va huwelela eka HOSI Xikwembu, kutani xi va hlamula.

Pisalema 81:7

Mi huwelerile eka mina mi ri emaxangwini, kutani ndzi mi lamulerile; ndzi mi hlamurile ndzi ri emapapeni lama dzindzaka, ndzi mi kamberile eswihlobyeni swa Meriba.

Duteronoma 13:3

Marito ya muprofeta wo tano kumbe muhlamuseri wo tano wa milorho, mi nga tshuki mi ma yingisa, hikuva HOSI Xikwembu xa n'wina xi nga va xi ri eku mi kambeleni ku vona loko hakunene mi xi rhandza hi timbilu ta n'wina hinkwato ni moya wa n'wina hinkwawo.

Eksoda 17:4

Kutani Muxe a huwelela eka HOSI Xikwembu a ku: “Xana ndzi ku yini hi vanhu lava xana? Va le kusuhi ni ku ndzi khandla hi maribye!”

Yeremiya 15:1

HOSI Xikwembu xi ndzi byerile xi ku: “Vanhu lava a ndzi nga va tsetseleli, hambiloko Muxe na Samiele va nga ta emahlweni ka mina va va khongelela. Va hlongole va suka emahlweni ka mina!

Eksoda 20:20

Kutani Muxe a hlamula Vaisraele, a ku: “Mi nga chavi! Xikwembu xi tile ku ta mi kambela, mi ta hamba mi va ni xichavo eka xona, mi nga ha dyohi.”

2 TIHOSI 6:6

Munhu wa Xikwembu a vutisa a ku: “Xi wele kwihi?” Loko va n'wi kombile ndhawu ya kona, Elixa a vatla rinhi, a ri hoxa ematini, a papamisa xihloka ha rona.

Ezekiele 47:7

Loko ndzi ri karhi ndzi tlhela, ndzi vona leswaku emagangeni ya nambu hala ni hala, a ku ri ni mirhi leyo tala.

Ezekiele 47:8

Kutani mupimi a ku ka mina: “Mati lawa, ma khuluka ma kongoma etlhelweni ra le vuxeni ma kondza ma ya fika enkoveni wa Yordani, kutani ma ya nghena eLwandle-ra-ku-fa. Loko ma nghena elwandle leri, ma hundzula mati ya rona layo dzunga ma va layo nandziha.