Eksoda 15:20 - BIBELE Mahungu Lamanene

²⁰ Muprofeta Meriyamu, loyi a a ri makwavo wa Aroni, a teka xingomana; vavasati hinkwavo va huma va n'wi landza, va ri karhi va khankha, va khomile swingomana swa vona.

Xitsonga (Bibele)

²⁰ Kutani Meriyamu, muprofeta, makwavo wa Aroni, a teka dzandzana evokweni ra yena, kutani vavasati hinkwavo va huma, va n'wi landza, va ri ni madzandzana, va cina.

Eksoda 15:20 Referans Kwoze

Pisalema 150:4

Xi dzuniseni hi ku cina mi ri karhi mi ba swingomana, xi dzuniseni hi switende, mi chaya ni tinanga.

1 SAMIELE 18:6

Siku rin'wana, loko Davhida ni mavuthu va vuya hi le ku hlaseleni ka Vafilista, vavasati va huma emitini hinkwayo ya Israele, va ri karhi va yimbelela ni ku cina, va ya hlanganisa hosi Sawulo va tamele swingomana, va ba ni minkulungwana, va chaya swichaya-chayana swa vona,

Pisalema 68:25

vayimbeleri va rhangile emahlweni, va landza hi vanhwanyana lava baka swingomana, endzhaku ka vona ku ta vachayi va swichaya-chayani.

Vaavanyisi 11:34

Loko Yefta a fika emutini wa yena eMispa, ko huma n'wana wa yena wa nhwanyana a n'wi hlanganisa a ri ni swingomana, a ri karhi a cina, Nhwanyana loyi, a a ri yexe eka Yefta, ehandle ka yena, Yefta a a nga ri na n'wana wa mufana kumbe wa nhwanyana.

Tinhlayo 26:59

Vito ra nsati wa Amirama a va ku i Yokebedi, N'wa-Levhi, loyi a velekiweke le Egipta. Amirama na Yokebedi hi vona vatswari va Aroni na Muxe na makwavo wa vona Meriyamu.

Mikiya 6:4

Ndzi mi humesile etikweni ra Egipta, ndzi mi kutsula evuhlongeni lebyi a mi ri ka byona, kutani ndzi veka Muxe, na Aroni, na Meriyamu ku va varhangeri va n'wina.

Pisalema 149:3

Dzunisani vito ra yena hi ku cina, mi ri karhi mi n'wi chayela swingomana ni switende.

Vaavanyisi 4:4

Enkarhini lowu muprofeta wa xisati loyi a va ku i Debora, nkata Lapidoto, a a ri yena muavanyisi wa Vaisraele.

Luka 2:36

A ku ri na Ana, muprofeta wa xisati n'wana Fanuwele, wa va ka Asere; a a dyuharile ngopfu. Loko a tekiwa a ha ri lontshwa, ú hanyile ni nuna wa yena malembe ya 7,

Pisalema 81:2

Sumani risimu mi ba swigubu, chayani swipendana ni tiharipa.

2 TIHOSI 22:14

Kutani muprista Hilkiya, na Ahikama, na Akibora, na Xafani, na Asaya, va ya eka muprofeta wa xisati Hulida, nkata Xalumi n'wana Tikivha ntukulu wa Harihasi, muhlayisi wa swiambalo swa vaprista (enkarhini wolowo, Hulida a a tshama exivandleni xa Yerusalema lexi a xa ha ku akiwa), va fika va vulavula na yena.

Eksoda 2:4

Kutani makwavo wa xihlangi lexi, wa wanhwanyana, a yimela kulenyana, a endlela ku vona leswi nga ta humelela eka n'wana.

Timhaka 21:9

A a ri ni vana va vanhwanyana va mune lava a va vula Rito.

Pisalema 68:11

N'wini wa hinkwaswo ú lo vulavula kunene, kutani ntshungu wa vavasati wu huwelela hi ku tsaka wu ku:

Pisalema 30:11

Ku rila ka mina u ku hundzurile ku tsaka, u ndzi hluvurile swiambalo leswo khwaxa swa nkosi, u ndzi ambexa swiambalo swa nkhuvo.

2 SAMIELE 6:14

kutani a dzunisa HOSI Xikwembu hi ku cina hi matimba ya yena hinkwawo, a ambele nceka wa ntsembyani lowu vuriwaka “efodi”.

1 SAMIELE 10:5

Endzhaku ka sweswo, u ta fika emutini lowu vuriwaka ‘Xintshabyana-xa-Xikwembu’, laha ku nga ni vuthu ra Vafilista. Loko u nghena emutini, u ta hlangana ni ntlawa wa vaprofeta lava rhelelaka va huma exitsungeni lexo hlawuleka, va rhangeriwile hi vachayi va haripa, ni xingomana, ni xitiringo, ni xitende, va ri karhi va vhumbha.

Vaavanyisi 21:21

mi yimela vanhwanyana va le Xilo loko va ta eku cineni. Kutani un'wana ni un'wana wa n'wina a a hume emasin'wini ya vhinya, a tikhomela nsati eka vanhwanyana va le Xilo, a muka na yena etikweni ra ka Benjamini.

Tinhlayo 20:1

Hi n'hweti yo sungula, ntshungu hinkwawo wa Vaisraele wu fika emananga ya Sini, kutani wu ya tshama eKadexe. Laha hi kona Meriyamu a nga fela kona, a tlhela a lahliwa kona.

1 Vakorinto 11:5

Kambe wansati un'wana ni un'wana la khongelaka, kumbe la vulaka Rito a nga funengelanga nchumu enhlokweni, ú sorisa nuna wa yena, la nga nhloko ya yena; swi fana ni loko onge ú byewuriwile.

2 SAMIELE 6:16

Loko Areka ya HOSI yi nghena emutini wa Davhida, Mikala N'wa-Sawulo a hlometela hi le fasitereni, a vona hosi Davhida ehansi a ri karhi a dzunisa HOSI Xikwembu, hi ku tlula-tlula ni ku cina, kutani a n'wi sola hi mbilu.

2 SAMIELE 6:5

Davhida ni Vaisraele hinkwavo va cina hi ku tsaka emahlweni ka HOSI Xikwembu, va ri karhi va chaya swichaya-chayani swa tinxaka-xaka leswi vatliweke hi murhi wa kipresi, va chaya ni switende, ni tiharipa, ni swingomana, va bohile ni marhonge, va bananisa ni swiphambatana swa nsimbhi.

1 Vakorinto 14:34

hileswaku vavasati va fanele ku miyela etinhlengeletanweni, hikuva a va pfumeleriwi ku vulavula; vavasati va fanele ku titsongahata, hilaha Nawu na wona wu vulaka hakona.

Tinhlayo 12:1

Muxe a a tekile nsati wa Muetiyopiya, kutani Meriyamu na Aroni va n'wi hleva hikwalaho ka swona.

Genesa 31:27

Hikwalaho ka yini u balekile kunene, u tlhela u ndzi kanganyisa xana? Hikwalaho ka yini u nga ndzi tivisanga xana? A ndzi ta va ndzi lelanile na wena hi ntsako, hi yimbelela hi chaya swingomana ni switende!

2 SAMIELE 1:20

Mi nga hangalasi mahungu emutini wa Gati, mi nga ma paluxi emagondzweni ya Axikeloni, vanhwana va Vafilista va nga ta khana, vanhwana va vahedeni va nga ta ba minkulungwana.

1 TIKRONIKA 6:3

Vana va Amirama i Aroni, na Muxe, na Meriyamu. Vana va Aroni i Nadabu, na Abihu, na Eliyazara, na Itamara.

1 TIKRONIKA 15:16

Davhida a lerisa lava fambisaka Valevhi leswaku va hlawula van'wana exikarhi ka vona va va vayimbeleri, va ri karhi va chaya swichaya-chayani swo fana ni tiharipa, ni switende, ni swiphambati swa nsimbhi, va ba huwa ya ntsako.

Eklesiasta 3:4

Ku ni nkarhi wa mihloti, ni nkarhi wa minkulungwana; ku ni nkarhi wo rila nkosi, ni nkarhi wo dya nkhuvo.

Yeremiya 31:4

N'wina Vaisraele, ndzi ta tlhela ndzi mi simeka etikweni ra n'wina, kutani mi ta tshamiseka swinene. Mi ta tlhela mi rhwala swingomana, mi ya cina ni lava tsakeke.

Tinhlayo 12:2

Kutani va ku: “Xana HOSI Xikwembu xi lo rhuma Muxe ntsena ku vulavula na vanhu ke? Xana hina, a xi hi rhumanga ku vulavula na vona xana?” Kutani mhaka leyi yi fika etindleveni ta HOSI Xikwembu.

Nehemiya 6:14

Kutani ndzi khongela ndzi ku: “We Xikwembu xanga, leswi Tobiya na Sanibalati va endlaka swona, u nga swi rivali; hambi a ri wansati lowa muprofeta loyi va nge i Nowadiya ni vaprofeta hinkwavo lava ringeteke ku ndzi chavisa, u nga va rivali!”

Pisalema 68:26

Va yimbelela va ku: “Eminkhubyeni ya n'wina, tlangelani Xikwembu, nkhensani HOSI, yona xihlovo xa Israele!”