Eksoda 15:2 - BIBELE Mahungu Lamanene

² HOSI i matimba yanga ni risimu ranga, ndzi ponisiwile hi yona; lexi hi xona Xikwembu xa mina, ndzi ta xi vonga, Xikwembu xa tata wa mina, ndzi ta xi twarisa.

Xitsonga (Bibele)

² Yehovha i matimba ya mina, ni risimu ra mina; Hi yena Mukutsuri wa mina. Hi xona Xikwembu xanga; ndzi ta xi dzunisa; I Xikwembu xa tatana, ndzi ta xi twarisa.

Eksoda 15:2 Referans Kwoze

Esaya 12:2

“Xikwembu i muponisi wa mina wa xiviri, ndzi ta xi tshemba, a ndzi nga ha chavi nchumu; HOSI Xikwembu i ntamu wa mina, ndzi ta yimbelela ndzi dzunisa xona, hikuva hi xona xi ndzi ponisaka.”

Pisalema 118:14

HOSI Xikwembu hi xona xi ndzi tiyiseke, xi ndzi lwela, ndzi ponisiwile hi xona.

Pisalema 18:46

HOSI Xikwembu xa hanya, a ku dzunisiwe xona xi nga ribye ra mina ra vutumbelo, a ku twarisiwe Xikwembu lexi xi ndzi ponisaka.

Pisalema 59:17

Wena u ndzi nyikaka matimba ndzi ta ku dzunisa hi ku yimbelela, hikuva we Xikwembu u khokholo ra mina, u Xikwembu xo tshembeka lexi xi ndzi rhandzaka.

Esaya 25:1

We HOSI, u Xikwembu xa mina, ndzi ta ku vonga, ndzi dzunisa vito ra wena, hikuva u endlile leswo hlamarisa; u tshembekile, a wu tshikanga makungu lawa u ma endleke khale.

Pisalema 140:7

We HOSI N'wini wa hinkwaswo, wena mukutsuri wanga la nga ni matimba, u ndzi sirhelerile enkarhini wa nyimpi.

Pisalema 99:9

Twarisani HOSI Xikwembu xa hina, xi nkhinsameleni entshaveni ya xona leyo hlawuleka, hikuva xona xi kwetsimile.

Nhlavutelo 15:3

va yimbelela risimu ra Muxe nandza wa Xikwembu, ni risimu ra Xinyimpfana, va ku: “We Hosi, Xikwembu xa matimba hinkwawo, a hi ku kula ni ku hlamarisa ka mintirho ya wena; we Mufumi wa matiko hinkwawo, a hi ku lulama ni ku tshembeka ka tindlela ta wena!

Vafilipiya 2:11

ni tindzimi hinkwato ti vula leswaku Yesu Kriste i Hosi, eku dzuniseni ka Xikwembu Tatana.

Pisalema 118:28

Xikwembu xa mina hi wena, ndzi ta ku tlangela, U Xikwembu xa mina, ndzi ta ku twarisa.

Pisalema 99:5

Twarisani HOSI Xikwembu xa hina, xi nkhinsameleni laha xi tikombaka kona. HOSI Xikwembu hi xona ntsena xi kwetsimeke!

Pisalema 34:3

Yimbelelani na mina mi twarisa vukulu bya xona, a hi dzuniseni swin'we vito ra xona.

Duteronoma 10:21

Xi dzuniseni, hikuva hi xona Xikwembu xa n'wina, lexi xi mi endleleke swilo leswikulu swo hlamarisa, leswi mi swi voneke.

Eksoda 3:6

Xi engeta xi ku: “Hi mina Xikwembu xa vatata wa wena, xi nga Xikwembu xa Abrahama, na Isaka, na Yakobo.” Kavaloko Muxe a tisiva mombo, hikuva a a chava ku languta Xikwembu.

2 Vakorinto 5:19

Ntirho lowu wu komba hilaha Xikwembu xi endlaka leswaku misava yi vuyelelana na xona ha Kriste. A xi hlayeri vanhu swidyoho swa vona, kutani xi hi rhwexile Mahungu lawa ya ku vuyelelana ka xona ni vanhu.

Timhaka 4:12

“Kutani ku ponisiwa a ku kumeki eka munhu un'wana, hikuva vanhu a va nyikiwanga vito rin'wana laha misaveni, ehandle ka vito ra Yesu, leri hi fanelaka ku ponisiwa ha rona.”

Pisalema 145:1

We Xikwembu xanga, wena la fumaka, ndzi ta twarisa vukulu bya wena; minkarhi hinkwayo ndzi ta ku tlangela.

2 SAMIELE 22:47

“HOSI Xikwembu xa hanya, a ku dzunisiwe xona xi nga ribye ra mina ra vuchavelo; a ku twarisiwe Xikwembu xa mina, xi nga ribye leri ri ndzi ponisaka.

Eksoda 14:13

Kutani Muxe a hlamula vanhu a ku: “Mi nga chavi nchumu, tiyisani timbilu, mi vona leswi HOSI Xikwembu xi nga ta swi endla namuntlha ku mi ponisa. Vaegipta lava mi va vonaka namuntlha, a mi nga ha va voni kambe ni siku ni rin'we.

Eksoda 4:22

U ta ku ka Faro: ‘HOSI Xikwembu xi vurisa sweswo xi ri: Israele i mativula ya mina,

Vaefesa 2:22

eka yena na n'wina mi akiwa kun'we ni van'wana, ku endla yindlu laha Xikwembu xi tshamaka kona hi Moya wa xona.

Esaya 49:6

Kutani Xikwembu xi ri: “Wena nandza wa mina, ndzi ku vekile leswaku u pfuxa rixaka ra ka Yakobo, ni ku hlayisa Vaisraele lava va ha saleke. Tlhandlakambirhi, ndzi ta ku endla rivoni ro voningela matiko, leswaku ntirho wa mina wo ponisa vanhu wu ya fika ni le makumu ka misava.”

Pisalema 109:1

We Xikwembu xanga lexi ndzi xi dzunisaka, u nga ha ndzi miyeleli,

Pisalema 27:1

Rivoni ra mina ni muponisi wa mina i HOSI Xikwembu, xana i mani la nga ndzi chavisaka xana? HOSI Xikwembu i khokholo ra vutomi bya mina, xana i mani loyi ndzi nga n'wi chavaka xana?

Eksoda 40:34

Kutani papa ri khubumeta Ntsonga lowo Hlawuleka, ku kwetsima ka HOSI Xikwembu ku tata Ntsonga.

Nhlavutelo 19:1

Endzhaku ka sweswo, ndzi twa leswi fanaka ni rito ra matimba, ra ntshungu lowukulu le tilweni, ri huwelela ri ku: “Aleluya! Ku hlayiseka, ni ku kwetsima, ni matimba i swa Xikwembu xa hina,

Vafilipiya 4:13

Ndzi nga endla hinkwaswo hi matimba ya Loyi a ndzi tiyisaka.

Yohane 5:23

leswaku hinkwavo va va ni xichavo eka N'wana, kukotisa leswi va nga ni xichavo eka Tatana. Un'wana ni un'wana la nga riki na xichavo eka N'wana, a nga na xichavo ni ka Tatana la n'wi rhumeke.

Yohane 4:22

N'wina mi gandzela lexi mi nga xi tiviki; hina hi gandzela lexi hi xi tivaka; hikuva ku ponisiwa ku huma eka Vayuda.

Luka 2:30

hikuva mahlo ya mina ma vonile ku ponisa ka wena,

Luka 1:77

ni ku tivisa tiko ra yona leswaku ri ta ponisiwa, hi ku rivaleriwa ka swidyoho swa rona.

Zakariya 13:9

Lava va nga ta sala, ndzi ta va kambela, ndzi va basisa hi ndzilo, kukota loko va basisa nsuku kumbe silivhere. Va ta ndzi huwelela, kutani mina ndzi ta va hlamula ndzi ku: ‘Mi vanhu va mina!’ Vona va ta vula va ku: ‘We HOSI, u Xikwembu xa hina!’ ”

Yeremiya 32:38

Va ta va vanhu va mina, na mina ndzi va Xikwembu xa vona.

Yeremiya 31:33

Kambe ntwanano lowu mina HOSI ndzi nga ta wu endla ni Vaisraele endzhaku ka masiku ma nga ri mangani, hi lowu: Ndzi ta tsala nawu wa mina etimbilwini ta vona, wu tshama emiehleketweni ya vona. Ndzi ta va Xikwembu xa vona, vona va va vanhu va mina.

Yeremiya 3:23

Hakunene vukhongeri bya hava bya le switsungeni bya kanganyisa; leswi va swi endlaka etintshaveni i huwa ntsena. Ku ponisiwa ka hina Vaisraele ku huma ka wena hakunene, wena HOSI Xikwembu xa hina.

Esaya 66:1

HOSI Xikwembu xi ri: “Matilo i xiluvelo xa mina, misava i ndhawu leyi ndzi kandziyaka eka yona. Yindlu leyi mi nga ndzi akelaka yona leswaku yi va ndhawu ya mina yo wisela eka yona, xana yi nga va tani hi kwihi xana?

Esaya 45:17

Kambe HOSI Xikwembu xi ta ponisa Vaisraele hilaha ku nga heriki, va nga ka va nga khomiwi hi tingana, kumbe ku hlanganisiwa tinhloko ni siku ni rin'we.

Pisalema 132:5

ndzi ko ndzi kuma ndhawu leyi HOSI Xikwembu lexi nga ntamu wa va ka Yakobo xi nga ta kuma vutshamo eka yona.”

Pisalema 68:20

Xikwembu xa hina i Xikwembu lexi ponisaka; HOSI N'wini wa hinkwaswo hi yena la hi humesaka ematimbeni ya rifu.

Pisalema 30:1

Ndzi ta ku twarisa we HOSI, hikuva u ndzi tsavurile exidziveni, a wu pfumelanga leswaku valala va mina va tsaka loko ndzi ri ekhombyeni.

Pisalema 28:8

HOSI hi yona matimba ya vanhu va yona, ni khokholo leri Muhlawuriwa wa yona a tumbelaka ka rona.

Pisalema 22:10

Ku sukela siku leri ndzi nga velekiwa ha rona, ndzi nyiketiwile eka wena; u vile Xikwembu xanga ku sukela evuhlangini bya mina.

Pisalema 22:3

Hambiswiritano, wena u Muhlawuleki loyi Vaisraele va dzunisaka vuhosi bya yena.

1 TIHOSI 8:27

“Kambe xana wena Xikwembu u nga tshama emisaveni hakunene ke? Leswi matilo ya matilo ma nga ku eneriki, Tempele leyi ndzi yi akeke, yi nga ku enerisa ku yini xana?

1 TIHOSI 8:13

Hikokwalaho mina ndzi ku akerile yindlu leyo chaviseka leyi nga ya wena, laha u nga ta tshama kona hilaha ku nga heriki.”

2 SAMIELE 22:51

HOSI Xikwembu xi nyika ku hlula lokukulu eka loyi xi n'wi vekeke ku va hosi; xi komba tintswalo leto tshembeka eka Davhida muhlawuriwa wa xona, ni ka vatukulu va yena hilaha ku nga heriki.”

2 SAMIELE 7:5

“Famba u ya byela nandza wa mina Davhida leswaku mina HOSI ndzi ri: ‘Xana u lava ku ndzi akela yindlu leyi ndzi nga ta tshama eka yona, xana?

Genesa 17:7

Ndzi ta endla ntwanano exikarhi ka mina na wena, ni vatukulu va wena lava nga ta sala va hanya endzhaku ka wena; ntwanano lowu wu ta va kona hilaha ku nga heriki, kutani ndzi ta va Xikwembu xa wena ni xa vatukulu va wena.

Vakolosa 2:9

Hikuva vukwembu hinkwabyo byi akile hi ku tala eka yena, emirini wa yena,

Genesa 49:18

“We HOSI, ndzi langutele ku ponisiwa hi wena!

Vaavanyisi 5:21

Va dyiwile hi mati ya xinambyana xa Kixoni, xi nga xinambyana lexi hingakanyeke ndlela ya vona, xona xinambyana xa Kixoni. Wena, moya wanga, yana emahlweni, u nga heli matimba!

Pisalema 48:14

“Lexi hi xona Xikwembu, Xikwembu xa hina hilaha ku nga heriki; xi ta hi komba tindlela minkarhi hinkwayo.”

Habakuku 3:13

U humelerile ku ta ponisa tiko ra wena, ni ku ponisa Muhlawuriwa wa wena, kambe u hlanhla yindlu ya lowo biha ku sukela exihlungwaneni, u yimbula masungulo ya yona ku fikela eribyeni.

Eksoda 6:7

Naswona ndzi ta mi endla vanhu va mina, mina ndzi va Xikwembu xa n'wina; kutani mi ta swi tiva leswaku hi mina HOSI Xikwembu xa n'wina, lexi nga ta mi humesa emintirhweni yo tika ya le Egipta.

2 SAMIELE 7:24

U simekile vanhu va Israele leswaku va va vanhu va wena hilaha ku nga heriki, we HOSI Xikwembu, kutani u vile Xikwembu xa vona.

2 SAMIELE 22:3

We Xikwembu, wena ribye ranga leri ndzi chavelaka eka rona, u xitlhangu xa mina, wena la nga ni matimba ya ku ndzi ponisa. U khokholo ra mina ni vutumbelo bya mina, wena muponisi wanga, wena u ndzi ponisaka eka vanhu va tihanyi.

1 TIKRONIKA 16:14

HOSI hi yona yi nga Xikwembu xa hina, ku fuma ka xona ku eneta misava hinkwayo.

Pisalema 118:21

We HOSI, ndza ku nkhensa, hikuva u ndzi hlamurile, u ndzi ponisa.