Eksoda 15:17 - BIBELE Mahungu Lamanene

¹⁷ Wena u ta va nghenisa etikweni, u va simeka entshaveni leyi nga ya wena, exivandleni lexi u tiendleleke xona leswaku u ta tshama eka xona, we HOSI, xi nga xivandla xo hlawuleka, lexi wena N'wini wanga u xi tumbuluxeke hi mavoko ya wena.

Xitsonga (Bibele)

¹⁷ U ta va fikisa, u va simeka entshaveni ya ndzhaka ya wena, Exivandleni lexi u tiendleleke xona ku tshamisa kona, oho Yehovha! Eku kwetsimeni loku endliweke hi mavoko ya wena, Hosi!

Eksoda 15:17 Referans Kwoze

Pisalema 44:2

Hi wena hi xiviri xa wena u hlongoleke vamatiko, kambe vanhu va wena, u va nyikile vutshamo; u bile vamatiko, kambe vanhu va wena, u va katekisile.

Pisalema 80:8

U tsuvurile murhi wa vhinya etikweni ra Egipta, u ya wu byala etikweni leri u hlongoleke vamatiko va suka eka rona.

Yeremiya 32:41

Ndzi ta tsaka ku va katekisa hi mbilu ya mina hinkwayo, ndzi va nyika vutshamo lebyi tiyeke etikweni rorero.

Yeremiya 31:23

HOSI ya matimba hinkwawo Xikwembu xa Israele xi vurisa sweswo xi ri: “Siku ndzi nga ta tlhela ndzi katekisa tiko ra Yuda ni miti ya kona, vaaki va kona va ta tlhela va tirhisa marito lawa ya nge: “ ‘HOSI a yi ku katekise wena muti wa Xikwembu xo lulama, wena ntshava ya Muhlawuleki!’

Yeremiya 2:21

A ndzi mi hlawurile kukota ximilana xo saseka xa vhinya, ndzi mi simeka emisaveni leyinene. Kambe mi hundzuke nsinya lowu nga tswaliki nchumu, lowu timilelaka enhoveni.

Eksoda 15:13

“Hi rirhandzu ra wena lero tshembeka, u rhangerile vanhu lava u va kutsuleke; u va hleterile hi matimba ya wena, va kondza va fika evutshan'wini bya wena lebyo hlawuleka.

Eksoda 23:20

“Vonani, ndzi mi rhumela ntsumi leyi nga ta mi rhangela; yi ta mi sirhelela eriendzweni ra n'wina, yi ya mi fikisa endhawini leyi ndzi yi lulamiseke.

Eksoda 32:34

Sweswi tlhela, u ya yisa Vaisraele lomu ndzi ku byeleke ku va yisa kona; ntsumi ya mina yi ta mi rhangela emahlweni, kambe siku mina ndzi nga ta va tela, ndzi ta va ba hikwalaho ka xidyoho lexi va nga na xona.”

Duteronoma 33:19

Va ta rhamba vanhu va ya entshaveni ya vona, laha va nga ta humesela kona magandzelo lama nkhensekaka, hikuva va ta va va kumile rifuwo elwandle, ni xuma lexi tumbeleke esaveni.”

2 SAMIELE 7:10

Ndzi ta lavela vanhu va mina va Israele evutshamo, laha ndzi nga ta va simeka kona, leswaku va tshama endhawini leyi yi nga ya vona ya xiviri. Kona a va nga karhatiwi hi munhu, naswona a va nga ha hlaseriwi kambe hi vanhu va nsele, lava a va hamba va va xanisa,

1 TIHOSI 8:13

Hikokwalaho mina ndzi ku akerile yindlu leyo chaviseka leyi nga ya wena, laha u nga ta tshama kona hilaha ku nga heriki.”

Pisalema 2:6

“Ndzi vekile hosi leyi ndzi yi tsakelaka emutini wa Siyoni, entshaveni ya mina leyo hlawuleka.”

Pisalema 68:16

We ntshava ya tinhlohlorhi leto tala, hikwalaho ka yini u swondzolota ntshava leyi Xikwembu xi nga tihlawulela yona xana? HOSI Xikwembu xi ta tshama eka yona hilaha ku nga heriki!

Pisalema 76:2

Yerusalema i muti wa xona, xi tshama entshaveni ya Siyoni.

Pisalema 80:15

ximila lexi u xi byaleke hi voko ra wena, a nga n'wana loyi u nga tiwundlela yena.

Pisalema 114:2

HOSI Xikwembu xi tihlawulele va ka Yuda va va vanhu va xona, xi hlawurile Vaisraele leswaku va fumiwa hi xona.

Eksoda 25:8

Kutani va ta ndzi endlela xivandla lexo hlawuleka leswaku ndzi ta tshama exikarhi ka vona.

Yoxuwa 22:19

Loko mi vona leswaku tiko ra n'wina ri nyamile, tsemakanyelani etikweni ra HOSI Xikwembu, laha ku nga ni Ntsonga wa xona, mi fika mi tilavela tindhawu ta n'wina exikarhi ka hina; ntsena mi nga tshuki mi fularhela HOSI Xikwembu kumbe mi endla leswaku na hina hi xi fularhela, hi ku tiakela alitari ya n'wina ehandle ka alitari ya HOSI Xikwembu xa hina.

Ezekiele 37:26

Ndzi ta endla ntwanano na vona, leswaku wu va tisela ku rhula loku nga ta ka ku nga heli. Ndzi ta va katekisa va andza, ndzi aka Tempele ya mina exikarhi ka vona leswaku yi va kona hilaha ku nga heriki.

Ezekiele 37:28

Siku ndzi nga ta pfuxa Tempele ya mina, vamatiko va ta tiva leswaku mina HOSI ndzi tihlawulerile Vaisraele va va vanhu va mina hilaha ku nga heriki.”