Eksoda 15:16 - BIBELE Mahungu Lamanene

¹⁶ Va weriwile hi ku chava ni gome, hikwalaho ka matimba ya voko ra wena, va yimile va nga ha tshukatshuki, ku kondza loko vanhu va wena va hundza, we HOSI, ina, vanhu va wena lava u nga tikumela vona va ko va hundza.

Xitsonga (Bibele)

¹⁶ Ku chava ni ku rhurhumela ku ta va wela ehenhla; Hi voko ra wena ra matimba Va ta hundzuka timbheveve leti fanaka ni maribye, Ku kondza tiko ra wena ri pela, oho Yehovha! Ku kondza ku pela tiko leri u ri kutsuleke.

Eksoda 15:16 Referans Kwoze

Pisalema 74:2

Anakanya vanhu va wena lava u nga tihlawulela vona ku sukela khale, va nga lava u va kutsuleke leswaku va va ndzhaka ya wena. Tsundzuka ni ntshava ya Siyoni leyi khale a wu tshama eka yona.

Duteronoma 2:25

Ku sukela namuntlha, ndzi endla leswaku vanhu hinkwavo lava nga misaveni va sungula ku mi chava swinene. Loko va twa leswi mi swi endlaka, va ta rhurhumela hi ku chava!’

1 SAMIELE 25:37

Nimpundzu wa kona, loko Nabala a xalamukile, Abigayele nsati wa yena a n'wi rungulela timhaka hinkwato; kutani Nabala a wa a titivala, a oma ni swirho.

Yoxuwa 2:9

a fika a ku ka vona: “Ndza swi tiva leswaku HOSI Xikwembu xi mi nyikile tiko leri, ni leswaku hina ha mi chava, naswona vaaki va tiko hinkwavo va tshukile ngopfu hi ku chava n'wina.

2 Petro 2:1

Khale, vaprofeta va mavunwa na vona va humelele exikarhi ka vanhu, tanihi leswi ku nga ta va ni vadyondzisi va mavunwa exikarhi ka n'wina, lava nga ta nghenisa hi le xihundleni tidyondzo to hambuka leti onhaka; va ta landzula hambi a ri N'wini loyi a va kutsuleke, va tivangela ku lova loku nga ta hatla ku va wela.

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

Tito 2:14

Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

Yeremiya 31:11

Mina HOSI, ndzi lamulerile va ka Yakobo, ndzi va kutsurile emavokweni ya vanhu lava a va va tlula hi matimba.

Duteronoma 11:25

A ku na munhu loyi a nga ta mi tiyela. HOSI Xikwembu xa n'wina xi ta endla leswaku vanhu va tiko hinkwaro leri mi nga ta nghena eka rona va rhurhumela hi ku chava, hilaha xi tshembiseke hakona.

Eksoda 11:7

Kasi, exikarhi ka Vaisraele hinkwavo, a ku nga vi na munhu kumbe xifuwo lexi nga ta vukuriwa hi mbyana. Hi kona mi nga ta tiva leswaku mina HOSI Xikwembu ndzi hlawula Vaisraele eka Vaegipta.’ ”

Timhaka 20:28

Tilanguteleni ke, mi langutela ni ntlhambi hinkwawo lowu Moya lowo Kwetsima wu nga mi veka ku va varhangeri va wona; risani Kereke ya Xikwembu, leyi xi nga tikumela yona hi rifu ra N'wana wa xona wa xiviri.

Esaya 51:10

Xana a hi wena u phyiseke mati ya lwandle, u omisa swidziva swa rona, kutani u boxa ndlela laha a ku ri ni swidziva, leswaku lava u va kutsuleke va kota ku tsemakanya, xana?

2 SAMIELE 7:23

Xana rixaka rin'wana ri kona emisaveni leri fanaka ni vanhu va wena va Israele xana? Rixaka leri ra Israele, u yile u ya ri kutsula wena Xikwembu, leswaku ri va ra wena, u tidzunisa ha rona. U ri endlele swilo leswikulu, leswi chavisaka; u hlongorile valala emahlweni ka rona, ri nga rixaka leri u ri kutsuleke etikweni ra Egipta, emavokweni ya vamatiko ni swikwembu swa vona.

1 SAMIELE 2:9

HOSI yi ta hlayisa vutomi bya lava va yi tshembaka, kambe lavo biha va ta nyamalala emunyameni, hikuva munhu a nga ka a nga khani hi matimba ya yena.

Duteronoma 32:9

Kambe xona xi tihlawulele va ka Yakobo, ku va ndzhaka ya xona ya xiviri.

Duteronoma 32:6

Xana hi yona ndlela leyi mi hakelaka HOSI Xikwembu ha yona, ke? Maphuphula ndzin'wina, vanhu vo ke mano, xana a hi xona xi nga Tata wa n'wina, yena loyi a mi vumbeke ke? Muendli ni mulweri wa n'wina, a hi xona ke?

Eksoda 23:27

“Ndzi ta chavisa vanhu emahlweni ka n'wina, ndzi hlanganisa tinhloko ta hinkwavo lava mi nga ta lwa na vona; valala va n'wina hinkwavo ndzi ta endla leswaku va mi komba swikosi va suka va tsutsuma.

Genesa 35:5

Kutani va khoma ndlela va famba, kutani Xikwembu xi endla leswaku vanhu va miti leyi a yi va rhendzerile matlhelo hinkwawo va khomiwa hi ku chava, va tsandzeka ku hlongorisa vana va Yakobo.

Eksoda 15:5

Va khubumetiwile hi magandlati ya lwandle, va ndzondzomerile eswidziveni tanihi ribye.

Eksoda 15:6

“Matimba ya voko ra wena ra xinene, we HOSI, ma hlamarisa; voko ra wena ra xinene, we HOSI, ri fayeterile valala.

Eksoda 15:13

“Hi rirhandzu ra wena lero tshembeka, u rhangerile vanhu lava u va kutsuleke; u va hleterile hi matimba ya wena, va kondza va fika evutshan'wini bya wena lebyo hlawuleka.

Eksoda 18:8

Kutani Muxe a rungulela mukon'wana wa yena hinkwaswo leswi HOSI Xikwembu xi swi endleke eka Faro ni le ka Vaegipta, xi endlela ku pfuna Vaisraele; a n'wi rungulela ni ku tikeriwa hinkwako loku va nga va na kona endleleni, ni hilaha HOSI Xikwembu xi va poniseke hakona.

Eksoda 20:2

“Hi mina HOSI Xikwembu xa wena, lexi xi ku humeseke etikweni ra Egipta, ni le vuhlongeni bya kona.

Eksoda 23:20

“Vonani, ndzi mi rhumela ntsumi leyi nga ta mi rhangela; yi ta mi sirhelela eriendzweni ra n'wina, yi ya mi fikisa endhawini leyi ndzi yi lulamiseke.

Duteronoma 2:4

Tivisa ntshungu leswaku mi le kusuhi ni ku tsemakanya tiko ra vamakwenu, vona va ka Esawu, lava tshamaka eSeyira; va ta chava loko va mi vona, kambe n'wina tikhomeni swinene,

Yoxuwa 4:24

Hikokwalaho vanhu va misava hinkwavo va ta swi tiva leswaku HOSI Xikwembu xi ni matimba lamakulu, kutani va ta xixima HOSI Xikwembu xa n'wina hilaha ku nga heriki.”

Pisalema 105:38

Vaegipta a va tsakile loko Vaisraele va huma etikweni, hikuva a va va chava ngopfu.

Esaya 63:12

Xikwembu lexi tiyiseke Muxe hi matimba ya xona, xi avanyisa ni mati ya lwandle hi le xikarhi emahlweni ka Vaisraele, leswaku vito ra xona ri ta ka ri nga rivariwi,

Eksoda 6:7

Naswona ndzi ta mi endla vanhu va mina, mina ndzi va Xikwembu xa n'wina; kutani mi ta swi tiva leswaku hi mina HOSI Xikwembu xa n'wina, lexi nga ta mi humesa emintirhweni yo tika ya le Egipta.

Eksoda 23:22

“Kambe loko mi yingisa swinene marito ya ntsumi, mi endla hinkwaswo leswi ndzi nga ta swi vula, ndzi ta va nala wa valala va n'wina, ndzi lwa ni lava nga ta lwa na n'wina.

Pisalema 89:14

Masungulo ya vuhosi bya wena i nawu ni ku lulama, rirhandzu ni ku tshembeka i malandza ya wena.

Ezekiele 16:8

“Loko ku hundzile nkarhi, ndzi tlhele ndzi ta eka wena ndzi ta ku kamba, ndzi kuma leswaku u nhwana la tiyeleke; hiloko ndzi ku funengeta hi xiambalo ndzi siva tingana ta wena. Ndzi twananile na wena, ndzi tshembisa ku ku teka, ku vula mina HOSI N'wini wa hinkwaswo, kutani u vile wa mina.